ಮೇ ತಿಂಗಳಲ್ಲಿ ಎಲೆಕ್ಟ್ರಿಕ್ ಕಾರುಗಳ ಮಾರಾಟದಲ್ಲಿ ೮೦ ಶೇಕಡಾ ಹೆಚ್ಚಳ!

ನವ ದೆಹಲಿ – ಪೆಟ್ರೋಲ್ ಮತ್ತು ಡೀಸೆಲ್ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಲು ಎಲೆಕ್ಟ್ರಿಕ್ ಕಾರುಗಳನ್ನು ಬಳಸಬೇಕೆಂದು ಪ್ರಧಾನಿ ನರೇಂದ್ರ ಮೋದಿ ಅವರು ಮೇ ತಿಂಗಳಲ್ಲಿ ಕರೆ ನೀಡಿದ್ದರು. ಈ ಕರೆಯ ಪರಿಣಾಮವು ಈಗ ಕಂಡುಬಂದಿದೆ. ಸರಕಾರದ ‘ವಾಹನ್’ ಪೋರ್ಟಲ್‌ನಲ್ಲಿನ ನೋಂದಣಿ ಅಂಕಿಅಂಶಗಳ ಪ್ರಕಾರ, ಮೇ ತಿಂಗಳಲ್ಲಿ ಪ್ರಯಾಣಿಕರ ಎಲೆಕ್ಟ್ರಿಕ್ ಕಾರುಗಳ ಮಾರಾಟದಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ೮೦.೭ ಶೇಕಡಾ ಹೆಚ್ಚಳವಾಗಿದೆ. ಈ ಕ್ಷೇತ್ರದಲ್ಲಿ ಟಾಟಾ ಸಂಸ್ಥೆಯು ಮುಂಚೂಣಿಯಲ್ಲಿದೆ. ಇದರೊಂದಿಗೆ ಮಹೀಂದ್ರಾ, ಎಂಜಿ, ಮಾರುತಿ ಸುಜುಕಿ ಮತ್ತು ವಿನ್‌ಫಾಸ್ಟ್ ಮುಂತಾದ ಸಂಸ್ಥೆಗಳ ಎಲೆಕ್ಟ್ರಿಕ್ ಕಾರುಗಳ ಮಾರಾಟದಲ್ಲೂ ಹೆಚ್ಚಳವಾಗಿದೆ.

ಒಂದು ವರದಿಯ ಪ್ರಕಾರ, ಮೇ ೨೦೨೬ ರಲ್ಲಿ ದೇಶದಲ್ಲಿ ಒಟ್ಟು ೨೫ ಸಾವಿರದ ೮೮೦ ಎಲೆಕ್ಟ್ರಿಕ್ ಕಾರುಗಳ ಮಾರಾಟವಾಗಿವೆ. ಕಳೆದ ವರ್ಷ ಇದೇ ತಿಂಗಳಲ್ಲಿ (ಮೇ ೨೦೨೫) ಈ ಸಂಖ್ಯೆಯು ಕೇವಲ ೧೪ ಸಾವಿರದ ೩೨೩ ರಷ್ಟಿತ್ತು.