ಭಾರತದಲ್ಲಿ ಇಸ್ರೇಲ್ ಗೆ ಅಭೂತಪೂರ್ವ ಬೆಂಬಲ!

ಟೆಲ್ ಅವಿವ್ (ಇಸ್ರೇಲ್) – ಜಗತ್ತಿನ ಹಲವು ಭಾಗಗಳಲ್ಲಿ ಇಸ್ರೇಲ್ ತೀವ್ರ ಟೀಕೆ ಮತ್ತು ವಿರೋಧವನ್ನು ಎದುರಿಸುತ್ತಿದೆ; ಆದರೆ ಭಾರತದಲ್ಲಿ ಇಸ್ರೇಲ್ ಗೆ ಅಭೂತಪೂರ್ವ ಬೆಂಬಲ ಸಿಗುತ್ತಿರುವುದು ಕಂಡುಬರುತ್ತಿದೆ ಎಂದು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಅವರು ವೆಸ್ಟ್ ಬ್ಯಾಂಕ್ ನಲ್ಲಿ ಆಯೋಜಿಸಲಾಗಿದ್ದ ಸಮ್ಮೇಳನದಲ್ಲಿ ಭಾರತವನ್ನು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ.

ಭಾರತದಲ್ಲಿ ಇಸ್ರೇಲ್ ಕುರಿತು ವಿಭಿನ್ನವಾದ ಪ್ರೀತಿಯಿದೆ!

ನೆತನ್ಯಾಹು ಅವರು ಮಾತು ಮುಂದುವರಿಸಿ, ಇಸ್ರೇಲ್ ನ ಜಾಗತಿಕ ಕಾರ್ಯತಂತ್ರದಲ್ಲಿ ಭಾರತಕ್ಕೆ ಅತ್ಯಂತ ಪ್ರಮುಖವಾದ ಸ್ಥಾನವಿದೆ. ಭಾರತ ಮತ್ತು ಇಸ್ರೇಲ್ ನಡುವಿನ ಸಂಬಂಧ ಅನನ್ಯವಾಗಿದೆ. ಭಾರತದ ಜನರಲ್ಲಿ ಇಸ್ರೇಲ್ ಕುರಿತು ವಿಶೇಷವಾದ ಆತ್ಮೀಯತೆಯಿದೆ. ಜಗತ್ತಿನ ಅನೇಕ ದೇಶಗಳಲ್ಲಿ ನಾವು ವಿರೋಧವನ್ನು ಎದುರಿಸಬೇಕಾಗಿ ಬರುತ್ತದೆ; ಆದರೆ ಭಾರತದಲ್ಲಿ ಹಾಗಿಲ್ಲ. ಭಾರತದಲ್ಲಿ ಇಸ್ರೇಲ್ ಕುರಿತು ಸಂಪೂರ್ಣ ವಿಭಿನ್ನ ಮತ್ತು ಅಪಾರ ಪ್ರೀತಿಯಿದೆ. ಸಾಮಾಜಿಕ ಜಾಲತಾಣಗಳಲ್ಲಿ ನನಗಿರುವ ಅತ್ಯಧಿಕ ಬೆಂಬಲಿಗರು (ಫಾಲೋವರ್ಸ್) ಭಾರತದಲ್ಲೇ ಇದ್ದಾರೆ ಎಂದು ನನಗೆ ಅನಿಸುತ್ತದೆಯೆಂದು ಅವರು ಹೇಳಿದರು.