ಫ್ರಾನ್ಸ್‌ನಲ್ಲಿ 100 ಕ್ಕೂ ಹೆಚ್ಚು ಶಾಲೆಗಳಲ್ಲಿ ‘ಸ್ಕೂಲ್ ಮಾನಿಟರ್ಸ್’ ನಿಂದ ಸಣ್ಣ ಮಕ್ಕಳ ಮೇಲೆ ದೌರ್ಜನ್ಯ !

(‘ಸ್ಕೂಲ್ ಮಾನಿಟರ್ಸ್’ ಎಂದರೆ ಮಕ್ಕಳನ್ನು ನೋಡಿಕೊಳ್ಳುವ ಸಿಬ್ಬಂದಿ)

ಪ್ಯಾರಿಸ್ (ಫ್ರಾನ್ಸ್) – ಫ್ರಾನ್ಸ್ ರಾಜಧಾನಿ ಪ್ಯಾರಿಸ್ ಸೇರಿದಂತೆ ವಿವಿಧ ನಗರಗಳ 100 ಕ್ಕೂ ಹೆಚ್ಚು ಶಾಲೆಗಳಲ್ಲಿ ಸಣ್ಣ ಮಕ್ಕಳ ಮೇಲೆ ಹಿಂಸಾಚಾರ, ಲೈಂಗಿಕ ಶೋಷಣೆ ಮತ್ತು ಅತ್ಯಾಚಾರದ ಘಟನೆಗಳು ನಡೆದಿರುವುದು ಬೆಳಕಿಗೆ ಬಂದಿದೆ. ಇದರಿಂದ ದೇಶಾದ್ಯಂತ ಆಕ್ರೋಶ ವ್ಯಕ್ತವಾಗುತ್ತಿದೆ. ಪ್ಯಾರಿಸ್‌ನ ಸರಕಾರಿ ಅಭಿಯೋಜಕಿ ಲಾರೆ ಬೆಕೊ ಮಾತನಾಡಿ, ಕೇವಲ ರಾಜಧಾನಿಯಲ್ಲೇ 84 ‘ಪ್ರೀಸ್ಕೂಲ್’ (ಒಂದನೇ ತರಗತಿಗಿಂತ ಮುಂಚಿನ ಶಾಲೆ), 20 ಪ್ರಾಥಮಿಕ ಶಾಲೆ, ಹಾಗೂ 10 ‘ಡೇ-ಕೇರ್ ಸೆಂಟರ್ಸ್’ ಗಳಲ್ಲಿ (ಸಣ್ಣ ಮಕ್ಕಳನ್ನು ಹಗಲಿನಲ್ಲಿ ನೋಡಿಕೊಳ್ಳುವ ಕೇಂದ್ರಗಳು) ತನಿಖೆ ನಡೆಯುತ್ತಿದೆ ಎಂದು ಹೇಳಿದರು.

ಈ ಆರೋಪಗಳನ್ನು ‘ಸ್ಕೂಲ್ ಮಾನಿಟರ್ಸ್’ ಮೇಲೆ ಹೊರಿಸಲಾಗಿದೆ. ಇವರು ಊಟದ ವಿರಾಮದ ಸಮಯದಲ್ಲಿ, ಆಟವಾಡುವಾಗ, ಮಲಗುವಾಗ ಮತ್ತು ಶಾಲೆಯ ನಂತರದ ಚಟುವಟಿಕೆಗಳ ಸಮಯದಲ್ಲಿ ಮಕ್ಕಳನ್ನು ನೋಡಿಕೊಳ್ಳುವಂತಹ ಸಿಬ್ಬಂದಿಯಾಗಿದ್ದಾರೆ.