ವಿಶಾಖಪಟ್ಟಣಂನಲ್ಲಿ ೧ ಲಕ್ಷ ಕೋಟಿ ರೂಪಾಯಿಗಳ ಅತೀ ಮಹತ್ವಾಕಾಂಕ್ಷೆಯ ‘ಅದಾನಿ ಕನೆಕ್ಸ್’ ಯೋಜನೆಯ ಭೂಮಿಪೂಜೆ!

ವಿಶಾಖಪಟ್ಟಣಂ (ಆಂಧ್ರಪ್ರದೇಶ) – ‘ಅದಾನಿ ಗ್ರೂಪ್’ ಮತ್ತು ‘ಎಜ್ ಕನೆಕ್ಸ್’ ಸಂಸ್ಥೆಗಳು ಒಂದಾಗಿ ‘ಅದಾನಿ ಕನೆಕ್ಸ್’ ಹೆಸರಿನ ಜಂಟಿ ಯೋಜನೆಯನ್ನು ಪ್ರಾರಂಭಿಸಿವೆ. ಇದಕ್ಕಾಗಿ ಆಂಧ್ರಪ್ರದೇಶದ ವಿಶಾಖಪಟ್ಟಣಂನಲ್ಲಿ ‘ಗೂಗಲ್ ಕ್ಲೌಡ್ ಇಂಡಿಯಾ ಎಐ ಹಬ್’ ಮತ್ತು ಅದನ್ನು ನಡೆಸಲು ಸುಮಾರು ೧ ಗಿಗಾವ್ಯಾಟ್ ಸಾಮರ್ಥ್ಯದ ‘ಡೇಟಾ ಸೆಂಟರ್ ಪ್ಲಾಟ್ ಫಾರ್ಮ್’ನ ಭೂಮಿಪೂಜೆಯು ಏಪ್ರಿಲ್ ೨೮ ರಂದು ನೆರವೇರಿಸಲಾಯಿತು. ಅದಾನಿ ಸಮೂಹವು ಈ ಯೋಜನೆಯಲ್ಲಿ ಅಂದಾಜು ೧೦ ಬಿಲಿಯನ್ ಡಾಲರ್ ಗಳ (ಸುಮಾರು ೧ ಲಕ್ಷ ಕೋಟಿ ರೂಪಾಯಿಗಳು) ಹೂಡಿಕೆಯನ್ನು ಮಾಡಲಿದೆ. ‘ಎಐ’ ನ (ಕೃತಕ ಬುದ್ಧಿಮತ್ತೆ) ಮಾಧ್ಯಮದ ಮೂಲಕ ಭಾರತದ ಅಭಿವೃದ್ಧಿಯ ಮುಂದಿನ ಹಂತಕ್ಕೆ ಬಲ ನೀಡಲು ಇದು ಒಂದು ಮಹತ್ವದ ಹೆಜ್ಜೆಯಾಗಿದೆ.

ಈ ಅಭಿವೃದ್ಧಿ ಯೋಜನೆಯು ಅದಾನಿ ಸಮೂಹದ ವಿಶಾಲ ಬದ್ಧತೆಯ ಒಂದು ಭಾಗವಾಗಿದೆ, ಇದರ ಅಡಿಯಲ್ಲಿ ಸಮೂಹವು ಮುಂದಿನ ದಶಕದಲ್ಲಿ ಭಾರತದ ಎಐ, ಇಂಧನ ಮತ್ತು ಡಿಜಿಟಲ್ ಮೂಲಸೌಕರ್ಯಗಳನ್ನು ಬಲವಾಗಿ ನಿರ್ಮಿಸಲು ೧೦೦ ಬಿಲಿಯನ್ ಡಾಲರ್ ಗಳ (೧೦ ಲಕ್ಷ ಕೋಟಿ ರೂಪಾಯಿಗಳ) ಹೂಡಿಕೆಯನ್ನು ಮಾಡಲಿದೆ.