ಇರಾನ್‌ ನ ತೈಲ ಸಾಗಿಸುತ್ತಿದ್ದ ನೌಕೆಯನ್ನು ತಡೆದ ಅಮೆರಿಕ

ಟೆಹರಾನ್ (ಇರಾನ್) – ಏಪ್ರಿಲ್ ೨೫ ರಂದು ಅಮೆರಿಕದ ನೌಕಾಪಡೆಯು ಅರಬ್ಬಿ ಸಮುದ್ರದಲ್ಲಿ ದಿಗ್ಬಂಧನವನ್ನು ಮುರಿಯಲು ಪ್ರಯತ್ನಿಸುತ್ತಿದ್ದ ‘ಸೇವನ್’ ಎಂಬ ಇರಾನಿ ವ್ಯಾಪಾರಿ ನೌಕೆಯನ್ನು ತಡೆದಿದೆ. ಇರಾನ್‌ ನ ತೈಲ ಮತ್ತು ಅನಿಲವನ್ನು ಕಳ್ಳಮಾರ್ಗದಿಂದ ವಿದೇಶಗಳಿಗೆ ಸಾಗಿಸುತ್ತಿದ್ದ ೧೯ ನೌಕೆಗಳ ಸಮೂಹದಲ್ಲಿ ಈ ನೌಕೆಯೂ ಒಂದಾಗಿತ್ತು. ಅಮೆರಿಕ ನೌಕಾಪಡೆಯ ಎಚ್ಚರಿಕೆಯ ನಂತರ ಈ ನೌಕೆಯು ಇರಾನ್ ಕಡೆಗೆ ಹಿಂತಿರುಗಿತು. ಅಮೆರಿಕದ ನೌಕಾಪಡೆಯು ಇದುವರೆಗೆ ಇಂತಹ ೩೭ ನೌಕೆಗಳನ್ನು ವಾಪಸ್ ಕಳುಹಿಸಿದೆ.

‘ರಾಡೋ ಫ್ಲೀಟ್’ ಎಂಬುದು ೧೯ ನೌಕೆಗಳ ಸಮೂಹವಾಗಿದೆ. ಇದು ಇರಾನ್‌ ನ ತೈಲ ಮತ್ತು ಅನಿಲವನ್ನು ವಿಶ್ವದ ಇತರ ದೇಶಗಳಿಗೆ ತಲುಪಿಸುತ್ತದೆ. ಈ ಎಲ್ಲಾ ನೌಕೆಗಳ ಮೇಲೆ ಅಮೆರಿಕದ ನಿರ್ಬಂಧಗಳಿವೆ. ಈ ನೌಕೆಗಳು ಇರಾನ್‌ ನಿಂದ ಇತರ ದೇಶಗಳಿಗೆ ತೈಲ, ಅನಿಲ, ಪ್ರೊಪೇನ್ ಮತ್ತು ಬ್ಯುಟೇನ್‌ ನಂತಹ ಶತಕೋಟಿ ಡಾಲರ್ ಮೌಲ್ಯದ ಉತ್ಪನ್ನಗಳನ್ನು ಸಾಗಿಸುತ್ತವೆ. ‘ಈ ನೌಕೆಗಳು ಇರಾನ್‌ ನ ಅರ್ಥವ್ಯವಸ್ಥೆಯನ್ನು ಬಲಪಡಿಸಲು ಸಹಾಯ ಮಾಡುತ್ತಿರುವುದರಿಂದ ನಾವು ಅವುಗಳನ್ನು ತಡೆಯುತ್ತಿದ್ದೇವೆ’, ಎಂದು ಅಮೆರಿಕ ಹೇಳಿದೆ.