ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ದೆಹಲಿ ವಿಮಾನ ನಿಲ್ದಾಣದಲ್ಲಿ ಹಾರಾಟದ ವೇಳೆ ಇಂಜಿನ್‌ ನಲ್ಲಿ ಬೆಂಕಿಯ ಅವಘಡ : ೬ ಪ್ರಯಾಣಿಕರಿಗೆ ಗಾಯ

ದೆಹಲಿ ವಿಮಾನ ನಿಲ್ದಾಣದಲ್ಲಿ ಹಾರಾಟದ ವೇಳೆ ಇಂಜಿನ್‌ ನಲ್ಲಿ ಬೆಂಕಿಯ ಅವಘಡ : ೬ ಪ್ರಯಾಣಿಕರಿಗೆ ಗಾಯ

ನವದೆಹಲಿ – ದೆಹಲಿಯಿಂದ ಸ್ವಿಟ್ಜರ್ಲೆಂಡ್‌ ನ ಜ್ಯೂರಿಚ್‌ ಗೆ ತೆರಳುತ್ತಿದ್ದ ಸ್ವಿಸ್ ಏರ್‌ಲೈನ್ಸ್‌ ನ ‘ಎಲ್.ಎಕ್ಸ್.೧೪೭’ ವಿಮಾನವು ಹಾರಾಟ ಆರಂಭಿಸುವ ಹಂತದಲ್ಲಿದ್ದಾಗ ಇಂಜಿನ್‌ ನಲ್ಲಿ ತಾಂತ್ರಿಕ ದೋಷ ಕಾಣಿಸಿಕೊಂಡು ಬೆಂಕಿ ಹತ್ತಿಕೊಂಡಿದೆ. ಈ ಘಟನೆಯಲ್ಲಿ ೬ ಜನರು ಗಾಯಗೊಂಡಿದ್ದಾರೆ.

ಈ ವಿಮಾನದಲ್ಲಿ ೪ ನವಜಾತ ಶಿಶುಗಳು ಸೇರಿದಂತೆ ಒಟ್ಟು ೨೩೨ ಪ್ರಯಾಣಿಕರಿದ್ದರು. ಏಪ್ರಿಲ್ ೨೫ ರಂದು ಮಧ್ಯರಾತ್ರಿ ೧ ಗಂಟೆ ೮ ನಿಮಿಷಕ್ಕೆ ವಿಮಾನವು ಉಡ್ಡಯನ ಮಾಡುತ್ತಿದ್ದಾಗ, ಅದರ ಇಂಜಿನ್ ಇದ್ದಕ್ಕಿದ್ದಂತೆ ಸ್ಥಗಿತಗೊಂಡು ಬೆಂಕಿ ಕಾಣಿಸಿಕೊಂಡಿತು. ಇದನ್ನು ಗಮನಿಸಿದ ಪೈಲಟ್ ತಕ್ಷಣವೇ ವಿಮಾನವನ್ನು ನಿಲ್ಲಿಸಿದರು.ಎಲ್ಲಾ ಪ್ರಯಾಣಿಕರನ್ನು ತುರ್ತು ನಿರ್ಗಮನದ ‘ಸ್ಲೈಡ್’ ಬಳಸಿ ಸುರಕ್ಷಿತವಾಗಿ ಹೊರತರಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸಂಬಂಧಿತ ಲೇಖನಗಳು