ನಾಶಿಕ್‌ನ ‘ಟಿಸಿಎಸ್’ನಲ್ಲಿನ ಮತಾಂತರ ಪ್ರಕರಣ

ನಾಶಿಕ್ – ಇಲ್ಲಿನ ‘ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್’ (‘ಟಿಸಿಎಸ್’) ಕಂಪನಿಯಲ್ಲಿ ಹಿಂದೂ ಮಹಿಳೆಯರ ಮೇಲೆ ಲೈಂಗಿಕ ಕಿರುಕುಳ ಮತ್ತು ಮತಾಂತರಕ್ಕಾಗಿ ಒತ್ತಡ ಹೇರಲಾಗಿದೆ. ಈ ಸಂತ್ರಸ್ತರಲ್ಲಿ ಒಬ್ಬರಾದ 23 ವರ್ಷದ ಮಹಿಳಾ ಉದ್ಯೋಗಿ ತನ್ನ ಅನುಭವವನ್ನು ಹಂಚಿಕೊಂಡಿದ್ದಾಳೆ. ಕಂಪನಿಗೆ ಸೇರಿದಾಗಿನಿಂದ ಆಕೆ ಅವಮಾನಕರ ವಾತಾವರಣವನ್ನು ಎದುರಿಸಬೇಕಾಯಿತು. ಒಮ್ಮೆ ಶಫಿ ಶೇಖ್ ಪಕ್ಕದಲ್ಲಿ ಬಂದು ಕುಳಿತು, ತನ್ನ ಕಾಲುಗಳನ್ನು ಮಹಿಳೆಯ ಕಾಲುಗಳಿಗೆ ಉಜ್ಜಲು ಪ್ರಾರಂಭಿಸಿದ. ಕಂಪ್ಯೂಟರ್ ಕೀಬೋರ್ಡ್ ಬಳಸುವ ನೆಪದಲ್ಲಿ ಆಕೆಯ ಮರ್ಮಾಂಗಗಳನ್ನು ಸ್ಪರ್ಶಿಸಿದನು. ಈ ಘಟನೆಯಿಂದ ಗಾಬರಿಗೊಂಡ ಸಂತ್ರಸ್ತೆ ತಕ್ಷಣವೇ ಅಲ್ಲಿಂದ ಹೊರಟುಹೋದಳು. ಆ ನಂತರ ಆರೋಪಿ ನಕ್ಕು, ಕಣ್ಣುಗಳನ್ನು ತಿರುಗಿಸಿ ಹೊರಟುಹೋದನು. ಆರೋಪಿ ಉದ್ಯೋಗಿಗಳಿಗೆ ಮೇಲಧಿಕಾರಿಗಳಿಂದ ರಕ್ಷಣೆ ಸಿಗುತ್ತಿರುವುದರಿಂದ ಅವರು ನಿರ್ಭೀತಿಯಿಂದ ಇರುತ್ತಿದ್ದರು. ಸಂತ್ರಸ್ತ ಮಹಿಳೆಯ ಮುಂದೆ ಹಿಂದೂ ಧಾರ್ಮಿಕ ಗ್ರಂಥಗಳು ಮತ್ತು ದೇವತೆಗಳ ಬಗ್ಗೆಯೂ ಅವಹೇಳನಕಾರಿ ಟೀಕೆಗಳನ್ನು ಮಾಡಲಾಗುತ್ತಿತ್ತು. ಒಮ್ಮೆ ಆಸಿಫ್ ಅನ್ಸಾರಿ ಮುಂದೆ ಬಂದು ಆಕೆಯ ಸ್ತನಗಳತ್ತ ದಿಟ್ಟಿಸಿ ನೋಡಿದ ಮತ್ತು ಆಕ್ಷೇಪಾರ್ಹ ಲೈಂಗಿಕ ಟೀಕೆ ಮಾಡಿದ. ಅನ್ಸಾರಿ ಮತ್ತು ತೌಸಿಫ್ ಅತ್ತಾರ್ ಪದೇ ಪದೇ ಆಕೆಯ ದೇಹವನ್ನು ದಿಟ್ಟಿಸಿ ನೋಡುತ್ತಿದ್ದರು.

ದಾನಿಶ್ ಎಜಾಜ್ ಶೇಖ್‌ನ ನಿರೀಕ್ಷಣಾ ಜಾಮೀನು ಅರ್ಜಿ ವಜಾ!

ಇದೇ ಕಂಪನಿಯ ಉದ್ಯೋಗಿ ದಾನಿಶ್ ಎಜಾಜ್ ಶೇಖ್‌ನ ನಿರೀಕ್ಷಣಾ ಜಾಮೀನು ಅರ್ಜಿಯನ್ನು ನ್ಯಾಯಾಲಯವು ತಿರಸ್ಕರಿಸಿದೆ. ಶೇಖ್ ಮೇಲೆ ಹಿಂದೂ ಮಹಿಳಾ ಉದ್ಯೋಗಿಗಳ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದ ಆರೋಪವಿದೆ.