ಅಮೇರಿಕಾ-ಇಸ್ರೇಲ್ ದಾಳಿಗಾಗಿ ಭೂಭಾಗ ಬಳಸಲು ನೀಡಿದ್ದಕ್ಕಾಗಿ ನಷ್ಟಪರಿಹಾರ ನೀಡಿ !

ತೆಹರಾನ್ (ಇರಾನ್) – ಇರಾನ್ ಮೇಲೆ ದಾಳಿ ಮಾಡಲು ಅಮೇರಿಕಾ ಮತ್ತು ಇಸ್ರೇಲ್‌ ಗೆ ತಮ್ಮ ಭೂಭಾಗವನ್ನು ಬಳಸಲು ಅವಕಾಶ ಮಾಡಿಕೊಟ್ಟ ಬಹರೇನ್, ಸೌದಿ ಅರೇಬಿಯಾ, ಕತಾರ್, ಸಂಯುಕ್ತ ಅರಬ್ ಅಮಿರೇಟ್ಸ್ ಮತ್ತು ಜೋರ್ಡಾನ್ ದೇಶಗಳು ಹಾನಿಪರಿಹಾರ ನೀಡಬೇಕು ಎಂದು ಇರಾನ್ ವಿಶ್ವಸಂಸ್ಥೆಯ ಬಳಿ ಬೇಡಿಕೆಯನ್ನಿಟ್ಟಿದೆ. ಈ ಸಂಘರ್ಷದಲ್ಲಿ ಅಮೇರಿಕಾವನ್ನು ಬೆಂಬಲಿಸುವ ಮೂಲಕ ಅರಬ್ ದೇಶಗಳು ತಪ್ಪು ಮಾಡಿವೆ ಎಂದು ಇರಾನ್ ಹೇಳಿದೆ.

೧. ಬಹರೇನ್, ಸೌದಿ ಅರೇಬಿಯಾ, ಕತಾರ್, ಸಂಯುಕ್ತ ಅರಬ್ ಅಮಿರೇಟ್ಸ್ ಮತ್ತು ಜೋರ್ಡಾನ್ ದೇಶಗಳು ವಿಶ್ವಸಂಸ್ಥೆಯ ಮಹಾಕಾರ್ಯದರ್ಶಿ ಆಂಟೋನಿಯೊ ಗುಟೆರೆಸ್ ಮತ್ತು ಭದ್ರತಾ ಮಂಡಳಿಯ ಅಧ್ಯಕ್ಷ ಜಮಾಲ್ ಫಾರೇಸ್ ಅಲ್ರೋವಾಯಿ ಅವರಿಗೆ ಪತ್ರ ಬರೆದಿದ್ದವು.

೨. ಇದರಲ್ಲಿ ಈ ದೇಶಗಳು ಇರಾನ್ ನಡೆಸಿದ ಆಕ್ರಮಣದಿಂದ ತಮಗಾದ ನಷ್ಟಕ್ಕೆ ಪರಿಹಾರ ನೀಡುವಂತೆ ಒತ್ತಾಯಿಸಿದ್ದವು; ಆದರೆ ವಿಶ್ವಸಂಸ್ಥೆಯಲ್ಲಿನ ಇರಾನ್‌ ನ ಕಾಯಂ ಪ್ರತಿನಿಧಿ ಅಮಿರ್-ಸಯೀದ್ ಇರವಾನಿ ಅವರು ಈ ಬೇಡಿಕೆಯನ್ನು ತಳ್ಳಿಹಾಕಿದ್ದಾರೆ.

೩. ‘ಈ ಎಲ್ಲಾ ದೇಶಗಳು ಇರಾನ್ ವಿರುದ್ಧ ವಿಶ್ವಸಂಸ್ಥೆಯ ಕಲಂ ೫೧ (ಸ್ವರಕ್ಷಣೆ ಹಕ್ಕು) ಅನ್ನು ಕಾನೂನುಬದ್ಧವಾಗಿ ಅನ್ವಯಿಸಲು ಸಾಧ್ಯವಿಲ್ಲ. ಏಕೆಂದರೆ ಈ ದೇಶಗಳು ಅಮೇರಿಕಾ-ಇಸ್ರೇಲ್‌ ನ ಆಕ್ರಮಣಕ್ಕೆ ಸಹಾಯ ಮಾಡಿದ್ದವು’, ಎಂದು ಇರಾನ್ ಸ್ಪಷ್ಟಪಡಿಸಿದೆ.

೪. ಇರಾನ್‌ ಗೆ ಸ್ವರಕ್ಷಣೆಯ ಹಕ್ಕಿದೆ. ಇರಾನ್‌ ನ ನಾಗರಿಕರನ್ನು ಗುರಿಯಾಗಿಸಿಕೊಂಡು ನಡೆಸಲಾದ ಕೆಲವು ಆಕ್ರಮಣಗಳು ಇದೇ ದೇಶಗಳ ಮೂಲಕ ನಡೆದಿವೆ.

೫. ಸಂಯುಕ್ತ ಅರಬ್ ಅಮಿರೇಟ್ಸ್, ಸೌದಿ ಅರೇಬಿಯಾ, ಕತಾರ್ ಮತ್ತು ಕುವೈತ್ ದೇಶಗಳ ಭೂಭಾಗ ಹಾಗೂ ವೈಮಾನಿಕ ಪ್ರದೇಶವನ್ನು ಇರಾನ್ ಮೇಲೆ ದಾಳಿ ಮಾಡಲು ಬಳಸಿಕೊಳ್ಳಲಾಗಿದೆ. ಈ ೫ ಅರಬ್ ದೇಶಗಳು ಇರಾನ್ ವಿರುದ್ಧದ ಕಾರ್ಯಾಚರಣೆಯನ್ನು ತಕ್ಷಣವೇ ನಿಲ್ಲಿಸಬೇಕು ಮತ್ತು ಭೂಭಾಗದ ಬಳಕೆಯನ್ನು ನಿರ್ಬಂಧಿಸಬೇಕು ಎಂದು ಇರಾನ್ ಒತ್ತಾಯಿಸಿದೆ.