ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ಪಾಕಿಸ್ತಾನಕ್ಕೆ ಸೆಡ್ಡು ಹೊಡೆಯಲು ಈಗ ಬಲೂಚಿಸ್ತಾನದಿಂದ ನೌಕಾದಳದ ಸ್ಥಾಪನೆ !

ಪಾಕಿಸ್ತಾನಕ್ಕೆ ಸೆಡ್ಡು ಹೊಡೆಯಲು ಈಗ ಬಲೂಚಿಸ್ತಾನದಿಂದ ನೌಕಾದಳದ ಸ್ಥಾಪನೆ !

ಸಮುದ್ರದಲ್ಲಿಯೂ ನಿಮ್ಮನ್ನು ಉಳಿಯಲು ಬಿಡುವುದಿಲ್ಲ ! - ಪಾಕಿಸ್ತಾನಕ್ಕೆ ಬಲೂಚ್ ಸ್ವಾತಂತ್ರ್ಯ ಹೋರಾಟಗಾರರ ಸವಾಲು

ಕ್ವೆಟ್ಟಾ (ಬಲೂಚಿಸ್ತಾನ) – ಕುತಂತ್ರಿ ಪಾಕಿಸ್ತಾನದಿಂದ ತನ್ನದೇ ಆದ ಪ್ರತ್ಯೇಕ ಅಸ್ತಿತ್ವವನ್ನು ನಿರ್ಮಿಸಲು ಪ್ರಾಣದ ಹಂಗು ತೊರೆದು ಹೋರಾಡುತ್ತಿರುವ ‘ಬಲೂಚ್ ಲಿಬರೇಷನ್ ಆರ್ಮಿ’, ಅಂದರೆ ಬಲೂಚ್ ಸ್ವಾತಂತ್ರ್ಯ ಹೋರಾಟಗಾರರು ಈಗ ತಮ್ಮದೇ ಆದ ನೌಕಾದಳವನ್ನು ಸ್ಥಾಪಿಸಿದ್ದಾರೆ. ಈ ಸಂಘಟನೆಯು ತನ್ನ ಮೊದಲ ಸಮುದ್ರ ಕಾರ್ಯಾಚರಣೆಯಲ್ಲಿ ೩ ಪಾಕಿಸ್ತಾನಿ ನೌಕಾಪಡೆ ಸೈನಿಕರನ್ನು ಹತ್ಯೆ ಮಾಡಿರುವುದಾಗಿ ದಾವೆ ಮಾಡಿದೆ.

ಸಂಘಟನೆಯ ‘ಹಕ್ಕಾಲ್’ ಎಂಬ ಮಾಧ್ಯಮ ವಿಭಾಗವು ಒಂದು ವಿಡಿಯೋವನ್ನು ಪ್ರಸಾರ ಮಾಡಿದ್ದು, ಅದರಲ್ಲಿ ಮುಖವಾಡ ಧರಿಸಿದ ೪ ಸ್ವಾತಂತ್ರ್ಯ ಹೋರಾಟಗಾರರು ಸಮುದ್ರದ ಕಡೆಗೆ ಹೋಗುತ್ತಿರುವುದು ಮತ್ತು ನಂತರ ‘ಸ್ಪೀಡ್‌ ಬೋಟ್’ನಲ್ಲಿ ಕುಳಿತುಕೊಳ್ಳುವುದು ಕಂಡುಬರುತ್ತಿದೆ. ತದನಂತರ ಅವರು ಸಮುದ್ರದಲ್ಲಿರುವ ‘ಪಾಕಿಸ್ತಾನ್ ಕೋಸ್ಟ್ ಗಾರ್ಡ್’ನ ನೌಕೆಯ ದಿಕ್ಕಿನಲ್ಲಿ ತೆರಳುತ್ತಿರುವುದು ಕಾಣಿಸುತ್ತಿದೆ. ಅಲ್ಲಿ ಅವರು ಮನಸೋಇಚ್ಛೆ ಗುಂಡಿನ ದಾಳಿ ನಡೆಸುತ್ತಿದ್ದು, ಅದರಲ್ಲಿ ಪಾಕಿಸ್ತಾನ ನೌಕಾಪಡೆಯ ೩ ಸೈನಿಕರು ಸಾವನ್ನಪ್ಪಿದ್ದಾರೆ. ಈ ಘಟನೆಯು ಏಪ್ರಿಲ್ ೧೨ ರಂದು ಬೆಳಿಗ್ಗೆ ನಡೆದಿದ್ದು, ಗ್ವಾದರ್ ಜಿಲ್ಲೆಯ ಜಿವಾನಿ ಪರಿಸರದ ‘ಮಿಲ್ ತಿಯಾಬ್’ ಎಂಬ ಭಾಗದಲ್ಲಿ ನಡೆದಿದೆ ಎಂದು ಹೇಳಲಾಗುತ್ತಿದೆ.

ದಾಳಿಗೂ ಮುನ್ನ, ಅಂದರೆ ವಿಡಿಯೋದ ಆರಂಭದಲ್ಲಿ ಅವರು, ಈ ಭೂಮಿಯ ಮೇಲೆ ಬಲೂಚರು ಜೀವಂತವಾಗಿರುವವರೆಗೂ, ನಾವು ನಿಮ್ಮನ್ನು ಈ ಭೂಮಿಯ ಮೇಲೆ ಮತ್ತು ಸಮುದ್ರದಲ್ಲಿಯೂ ಉಳಿಯಲು ಬಿಡುವುದಿಲ್ಲ. ನಾವು ಇಂದೂ ಸಿದ್ಧರಿದ್ದೇವೆ, ನಿನ್ನೆಯೂ ಸಿದ್ಧರಿದ್ದೆವು ಮತ್ತು ಮುಂದೆಯೂ ಸಿದ್ಧರಿರುತ್ತೇವೆ. ನಿಮ್ಮನ್ನು ಎಲ್ಲೆಡೆ ಗುರಿ ಮಾಡಲಾಗುವುದು, ಎಂದು ಹೇಳುತ್ತಿದ್ದಾರೆ.

‘ಹಮಾಲ್ ಮೆರಿಟೈಮ್ ಡಿಫೆನ್ಸ್ ಫೋರ್ಸ್’ ಹೆಸರಿನಲ್ಲಿ ಅಧಿಕೃತ ನೌಕಾಪಡೆ ಶಾಖೆಯ ಸ್ಥಾಪನೆ !

ಬಲೂಚಿಸ್ತಾನ ಲಿಬರೇಷನ್ ಆರ್ಮಿಯ ವಕ್ತಾರ ಜಿಯಂದ್ ಬಲೂಚ್ ಅವರು, ಸಂಘಟನೆಯು ‘ಹಮಾಲ್ ಮೆರಿಟೈಮ್ ಡಿಫೆನ್ಸ್ ಫೋರ್ಸ್’ ಹೆಸರಿನಲ್ಲಿ ಅಧಿಕೃತ ನೌಕಾಪಡೆಯ ಶಾಖೆಯನ್ನು ಸ್ಥಾಪಿಸಿದೆ ಎಂದು ತಿಳಿಸಿದ್ದಾರೆ. ಬಲೂಚಿ ಸಮುದ್ರವನ್ನು ಸಂರಕ್ಷಿಸುವುದು ಈ ಶಾಖೆಯ ಉದ್ದೇಶವಾಗಿದೆ.

ಸಂಬಂಧಿತ ಲೇಖನಗಳು