ಇನ್ನು ಮುಂದೆ ನೇಪಾಳ ಪ್ರವೇಶಿಸಲು ಭಾರತೀಯ ವಾಹನಗಳಿಗೆ ಪ್ರವೇಶ ಪರವಾನಗಿ ಕಡ್ಡಾಯ !

ಕಾಠಮಂಡು (ನೇಪಾಳ) – ಭಾರತೀಯ ನೋಂದಣಿ ಸಂಖ್ಯೆ ಹೊಂದಿರುವ ದ್ವಿಚಕ್ರ ವಾಹನಗಳು ನೇಪಾಳ ಪ್ರವೇಶಿಸುವಾಗ ಪ್ರವೇಶ ಪರವಾನಗಿ ಪಡೆಯುವುದು ಕಡ್ಡಾಯ ಎಂದು ನೇಪಾಳ ಸರ್ಕಾರ ಘೋಷಿಸಿದೆ. ಇದರೊಂದಿಗೆ ನಿಗದಿತ ಅವಧಿಗೆ ಪಾಸ್ ಕೂಡ ನೀಡಲಾಗುವುದು. ಈ ಆಧಾರದ ಮೇಲೆ ಕೇವಲ ಕೇಂದ್ರ ಕಾರ್ಯಾಲಯದ ವ್ಯಾಪ್ತಿಯವರೆಗೆ ಮಾತ್ರ ಸಂಚರಿಸಲು ಅನುಮತಿ ನೀಡಲಾಗುವುದು, ಆದರೆ ಒಳಭಾಗಕ್ಕೆ ಪ್ರವೇಶಿಸುವಾಗ ಗಡಿ ಸುಂಕವನ್ನು ಪಾವತಿಸುವುದು ಅನಿವಾರ್ಯವಾಗಿದೆ.

ಭಾರತೀಯರಲ್ಲಿ ಆಕ್ರೋಶ

ಈ ನಿಯಮದಿಂದಾಗಿ ಕೆಲವು ಭಾರತೀಯ ನಾಗರಿಕರಲ್ಲಿ ಅಸಮಾಧಾನ ವ್ಯಕ್ತವಾಗಿದೆ. ‘ಭಾರತೀಯ ವಾಹನಗಳ ಮೇಲೆ ಹೆಚ್ಚು ಕಠಿಣ ನಿರ್ಬಂಧಗಳನ್ನು ಹೇರಲಾಗುತ್ತಿದೆ, ಆದರೆ ನೇಪಾಳಿ ವಾಹನಗಳು ಭಾರತದಲ್ಲಿ ಮುಕ್ತವಾಗಿ ಸಂಚರಿಸುತ್ತಿವೆ. ನೇಪಾಳಿ ವಾಹನಗಳ ಭಾರತ ಪ್ರವೇಶಕ್ಕೂ ಇಂತಹದೇ ನಿಯಮಗಳನ್ನು ಜಾರಿಗೆ ತರಬೇಕು’, ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ. ‘ಗಡಿ ಭಾಗದವರೆಗೆ ಸಂಚಾರಕ್ಕೆ ಅನುಮತಿ ನೀಡಲಿ; ಆದರೆ ಪ್ರವೇಶದ ಸಮಯದಲ್ಲಿ ತೆರಿಗೆ ಅಥವಾ ಪ್ರವೇಶ ಶುಲ್ಕವನ್ನು ಕಡ್ಡಾಯಗೊಳಿಸಬೇಕು’, ಎಂಬುದು ಭಾರತೀಯರ ಅಭಿಪ್ರಾಯವಾಗಿದೆ.