Commercial LPG Cylinder : ವಾಣಿಜ್ಯ ಗ್ಯಾಸ್ ಸಿಲಿಂಡರ್ ದರದಲ್ಲಿ 195 ರೂಪಾಯಿ ಏರಿಕೆ !

ನವದೆಹಲಿ: ಇರಾನ್ ವಿರುದ್ಧ ಇಸ್ರೇಲ್ ಮತ್ತು ಅಮೆರಿಕ ನಡೆಸುತ್ತಿರುವ ಯುದ್ಧದಿಂದಾಗಿ ಕಚ್ಚಾ ತೈಲ ಬೆಲೆಗಳು ಗಣನೀಯವಾಗಿ ಏರಿಕೆಯಾಗಿವೆ. ಇದರ ನೇರ ಪರಿಣಾಮ ಭಾರತದ ಹೋಟೆಲ್ ಮತ್ತು ರೆಸ್ಟೋರೆಂಟ್ ವ್ಯವಹಾರದ ಮೇಲೆ ಬೀರಿದೆ. ಏಪ್ರಿಲ್ 1 ರಿಂದ ಜಾರಿಗೆ ಬರುವಂತೆ ವಾಣಿಜ್ಯ ಸಿಲಿಂಡರ್ ದರವನ್ನು ಸರಕಾರ ನೇರವಾಗಿ 195 ರೂಪಾಯಿಗಳಷ್ಟು ಹೆಚ್ಚಿಸಿದೆ.

1. 19 ಕೆಜಿ ತೂಕದ ವಾಣಿಜ್ಯ ಸಿಲಿಂಡರ್ ದರವು 195.50 ರೂಪಾಯಿ ಏರಿಕೆಯಾಗಿದ್ದು, ಸಿಲಿಂಡರ್ ಬೆಲೆ ಈಗ 2,078.50 ರೂಪಾಯಿ ತಲುಪಿದೆ.

2.ಕೋಲಕಾತಾದಲ್ಲಿ ಈ ದರವು 218 ರೂಪಾಯಿ ಹೆಚ್ಚಳದೊಂದಿಗೆ 2,208.50 ರೂಪಾಯಿ ಆಗಿದೆ ಮತ್ತು ಮುಂಬಯಿನಲ್ಲಿ 195.50 ರೂಪಾಯಿ ಏರಿಕೆಯೊಂದಿಗೆ 2,031 ರೂಪಾಯಿ ಆಗಿದೆ.

3.ಚೆನ್ನೈನಲ್ಲಿ 203 ರೂಪಾಯಿಗಳ ಏರಿಕೆಯ ನಂತರ ವಾಣಿಜ್ಯ ಸಿಲಿಂಡರ್ ಬೆಲೆ 2,246 ರೂಪಾಯಿ ತಲುಪಿದೆ.

4.ಆದಾಗ್ಯೂ, ಗೃಹಬಳಕೆಯ ಸಿಲಿಂಡರ್ ಬೆಲೆಯಲ್ಲಿ ಸದ್ಯಕ್ಕೆ ಯಾವುದೇ ಬದಲಾವಣೆ ಮಾಡಲಾಗಿಲ್ಲ. ಇದರಿಂದಾಗಿ ಸಾಮಾನ್ಯ ನಾಗರಿಕರಿಗೆ ಸದ್ಯ ಸಮಾಧಾನ ಸಿಕ್ಕಂತಾಗಿದೆ.