೮ ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿ ಕೊಲೆ ಮಾಡಿದವನಿಗೆ ಗಲ್ಲು ಶಿಕ್ಷೆ!

ಪ್ರಯಾಗರಾಜ್ (ಉತ್ತರ ಪ್ರದೇಶ) – ಇಲ್ಲಿ ೮ ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿ ಹತ್ಯೆಗೈದ ಆರೋಪಿಗೆ ಪೋಕ್ಸೊ ನ್ಯಾಯಾಲಯವು ಗಲ್ಲು ಶಿಕ್ಷೆ ವಿಧಿಸಿದೆ. ಇದರೊಂದಿಗೆ ೨೫,೦೦೦ ರೂಪಾಯಿಗಳ ದಂಡವನ್ನೂ ವಿಧಿಸಲಾಗಿದೆ. ನ್ಯಾಯಾಧೀಶ ವಿನೋದ ಕುಮಾರ್ ಚೌರಸಿಯಾ ಅವರು ಮಾತನಾಡಿ, “ನಿರಪರಾಧಿ ಬಾಲಕಿಯ ಮೇಲೆ ನಡೆದ ಈ ಕ್ರೌರ್ಯವು ಸಮಾಜಕ್ಕೆ ಅತ್ಯಂತ ಅಪಾಯಕಾರಿಯಾಗಿದೆ. ಈ ಪ್ರಕರಣವು ಅತ್ಯಂತ ಕ್ರೂರ, ಅಮಾನವೀಯ ಮತ್ತು ಸಮಾಜವನ್ನು ಬೆಚ್ಚಿಬೀಳಿಸುವಂತದ್ದಾಗಿದೆ. ಆರೋಪಿಯು ಸುಧಾರಣೆಯಾಗುವ ಸಾಧ್ಯತೆ ಶೂನ್ಯವಾಗಿದೆ. ಆದ್ದರಿಂದ ದೋಷಿಯು ಗಲ್ಲು ಶಿಕ್ಷೆಗೆ ಅರ್ಹನಾಗಿದ್ದಾನೆ” ಎಂದು ಹೇಳಿದ್ದಾರೆ.

ಸೋರಾಂವ್‌ನಲ್ಲಿ ೩ ಅಕ್ಟೋಬರ್ ೨೦೨೪ ರಂದು ೨೬ ವರ್ಷದ ಆರೋಪಿ ಮುಕೇಶ್ ಪಟೇಲ್, ದುರ್ಗಾಪೂಜೆ ಮುಗಿಸಿ ಹಿಂತಿರುಗುತ್ತಿದ್ದ ಬಾಲಕಿಯನ್ನು ಅಪಹರಿಸಿದ್ದನು. ಅವಳ ಮೇಲೆ ಅತ್ಯಾಚಾರ ಮಾಡಿ ಅವಳ ಹತ್ಯೆ ಮಾಡಿದ್ದನು. ಗುರುತು ಸಿಗದಂತೆ ಮಾಡಲು ಅವಳ ಮುಖದ ಮೇಲೆ ಇರಿದಿದ್ದನು. ಅವಳ ಹಲ್ಲುಗಳನ್ನು ಮುರಿದು, ಮುಖದ ಮೇಲೆ ಗಾಯಗಳನ್ನು ಮಾಡಿ ಮತ್ತು ಎರಡೂ ಕೈಗಳನ್ನು ಮುರಿದಿದ್ದನು. ಘಟನೆ ನಡೆದ ೧೨ ದಿನಗಳ ನಂತರ ಪೊಲೀಸರು ಆರೋಪಿಯನ್ನು ಎನ್‌ಕೌಂಟರ್ ಮೂಲಕ ಬಂಧಿಸಿದ್ದರು.