ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಗೋವಾ ರಾಜ್ಯದಲ್ಲಿ ಇದೇ ಮೊದಲ ಬಾರಿಗೆ ಒಂದು ದಿನದ ಪಾದಯಾತ್ರೆಯ ವಾರಿ !

ಗೋವಾ ರಾಜ್ಯದಲ್ಲಿ ಇದೇ ಮೊದಲ ಬಾರಿಗೆ ಒಂದು ದಿನದ ಪಾದಯಾತ್ರೆಯ ವಾರಿ !

400ಕ್ಕೂ ಹೆಚ್ಚು ವಾರಕರಿಗಳು ಹಾಗೂ ಧರ್ಮಪ್ರೇಮಿ ಹಿಂದೂಗಳ ಉಪಸ್ಥಿತಿ

ವಾರಿಯಲ್ಲಿ ಪ್ರಮುಖ ಆಕರ್ಷಣೆಯಾಗಿದ್ದ ಸಂತ ಸೋಹಿರೋಬಾನಾಥರ ಚಿತ್ರರಥ !

ಫೋಂಡಾ, ಮಾರ್ಚ್ 29 (ವಾರ್ತೆ) – ಗೋವಾ ರಾಜ್ಯದಲ್ಲಿಯೇ ಮೊದಲ ಬಾರಿಗೆ ಒಂದು ದಿನದ ಪಾದಯಾತ್ರೆಯ ವಾರಿಯನ್ನು ಆಯೋಜಿಸಲಾಗಿತ್ತು. ಪ್ರಸಿದ್ಧ ವಾಗ್ಮಿಗಳಾದ ಹ.ಭ.ಪ. ಸುಹಾಸ್ ಬುವಾ ವಝೆ ಅವರ ಆಶೀರ್ವಾದ ಮತ್ತು ನೇತೃತ್ವದಲ್ಲಿ ಈ ವಾರಿಯನ್ನು ಆಯೋಜಿಸಲಾಗಿತ್ತು. ಇದರಲ್ಲಿ 400ಕ್ಕೂ ಹೆಚ್ಚು ವಾರಕರಿಗಳು ಮತ್ತು ಧರ್ಮಪ್ರೇಮಿ ಹಿಂದೂಗಳು ಉತ್ಸಾಹದಿಂದ ಪಾಲ್ಗೊಂಡಿದ್ದರು. ‘ದೇವಕಿಕೃಷ್ಣ ವಾರಕರಿ ಮಂಡಳಿ, ಮಾಶೆಲ್’ ಮತ್ತು ‘ಗೋಮಂತಕ ಕೀರ್ತನ ವಿದ್ಯಾಲಯ’ ಇವರ ಸಂಯುಕ್ತ ಆಶ್ರಯದಲ್ಲಿ ಈ ವಾರಿಯನ್ನು ಹಮ್ಮಿಕೊಳ್ಳಲಾಗಿತ್ತು.

ಮಾರ್ಗದುದ್ದಕ್ಕೂ ಸಾಗಿದ ವಾರಿ

ಈ ಸಂದರ್ಭದಲ್ಲಿ ಲೇಖಕಿ ಸೌ. ಜ್ಯೋತಿ ಕುಂಕಳಕರ್ ಮಾತನಾಡಿ, “ಅಧ್ಯಾತ್ಮವು ನಮ್ಮನ್ನು ಉತ್ತಮ ಮನುಷ್ಯನನ್ನಾಗಿ ರೂಪಿಸುತ್ತದೆ. ದೇವಸ್ಥಾನಗಳ ಮೂಲಕ ಉತ್ತಮ ಸಂಸ್ಕಾರಗಳನ್ನು ನೀಡಬೇಕು” ಎಂದರು. ಶ್ರೀ ಗಣಪತಿ ದೇವಸ್ಥಾನದ ಅಧ್ಯಕ್ಷರಾದ ಶ್ರೀ. ನವನಾಥ ಖಾಂಡೇಪಾರ್ಕರ್ ಅವರು, “ವಾರಕರಿಗಳಿಂದಾಗಿ ಹಿಂದೂ ಸಂಸ್ಕೃತಿಯ ಸಂರಕ್ಷಣೆಯಾಗುತ್ತಿದೆ” ಎಂದು ತಿಳಿಸಿದರು.

ಹ.ಭ.ಪ. ಸುಹಾಸ್ ಬುವಾ ವಝೆ ಅವರ ಕರೆ

ಹ.ಭ.ಪ. ಸುಹಾಸ್ ಬುವಾ ವಝೆ ಅವರು, ಮಕ್ಕಳಿಗೆ ಮಾತೃಭಾಷೆಯಲ್ಲಿಯೇ ಪ್ರಾಥಮಿಕ ಶಿಕ್ಷಣ ನೀಡಬೇಕೆಂದು ಉಪಸ್ಥಿತರಿದ್ದವರಿಗೆ ಕರೆ ನೀಡಿದರು. ಬಳಿಕ ವಾರಿಯು ಬೆತ್ಕಿ-ಖಾಂಡೋಳ ಮಾರ್ಗವಾಗಿ ವಿವಿಧ ದೇವಸ್ಥಾನಗಳಿಗೆ ಭೇಟಿ ನೀಡಿ, ಸಾಯಂಕಾಲ ಸಾವಯಿವೇರೆಯ ಶ್ರೀ ಅನಂತ ದೇವಸ್ಥಾನವನ್ನು ತಲುಪಿತು. ವಾರಿಯಲ್ಲಿ ಸಂತ ಸೋಹಿರೋಬಾನಾಥರ ಹೆಸರಿನ ಆಕರ್ಷಕ ಚಿತ್ರರಥವನ್ನು ನಿರ್ಮಿಸಲಾಗಿತ್ತು. ಈ ಚಿತ್ರರಥದಲ್ಲಿ ಶ್ರೀ ವಿಠ್ಠಲ-ರಖುಮಾಯಿ ದೇವತೆಗಳ ಪ್ರತಿಮೆಗೆ ಪೂಜೆ ನೆರವೇರಿಸಲಾಯಿತು. ಪ್ರಸಾದ ವಿನಿಯೋಗದೊಂದಿಗೆ ಕಾರ್ಯಕ್ರಮವು ಮುಕ್ತಾಯವಾಯಿತು.

ಗಣ್ಯರ ಅನಿಸಿಕೆಗಳು

ಶ್ರೀ ಅನಂತ ದೇವಸ್ಥಾನ, ಸಾವೈಕರ್ ದಲ್ಲಿ ವಾರಿಯ ಮುಕ್ತಾಯ

“ಸನಾತನ ಹಿಂದೂ ಧರ್ಮವೇ ನಿಜವಾದ ಸರ್ವಸಮಾವೇಶಕ ಧರ್ಮ! – ಡಾ. ಮನೋಜ್ ಕಾಮತ್ (ಪ್ರಾಚಾರ್ಯರು, ಧೇಂಪೋ ವಾಣಿಜ್ಯ ಮಹಾವಿದ್ಯಾಲಯ)

ಡಾ. ಮನೋಜ್ ಕಾಮತ್

ವಾರಿಯು ಮುಂಜಾನೆ ೮ ಗಂಟೆಗೆ ಮಾಶೆಲ್‌ನ ಶ್ರೀ ದೇವಕಿಕೃಷ್ಣ ದೇವಸ್ಥಾನದಿಂದ ಪ್ರಾರಂಭವಾಗಿ, ಖಾಂಡೋಲಾದ ಶ್ರೀ ಗಣಪತಿ ದೇವಸ್ಥಾನದಲ್ಲಿ ಉಪಾಹಾರಕ್ಕಾಗಿ ನಿಂತಿತು. ಈ ಸಂದರ್ಭದಲ್ಲಿ ಆಯೋಜಿಸಲಾಗಿದ್ದ ಪ್ರಬೋಧನಾ ಕಾರ್ಯಕ್ರಮದಲ್ಲಿ ‘ಧೆಂಪೊ ಕಾಮರ್ಸ್ ಕಾಲೇಜಿನ’ ಪ್ರಾಂಶುಪಾಲರಾದ ಡಾ. ಮನೋಜ್ ಕಾಮತ್ ಅವರು ಮಾತನಾಡಿ, “ಸನಾತನ ಹಿಂದೂ ಧರ್ಮವು ನಿಜವಾದ ಸರ್ವಸಮಾವೇಶಕ ಧರ್ಮವಾಗಿದೆ. ನಾವೆಲ್ಲರೂ ಹಿಂದೂಗಳೆಂದು ಹೆಮ್ಮೆಪಡಬೇಕು. ವಾರಕರಿಗಳ ವಾರಿಯು ಹಳ್ಳಿಹಳ್ಳಿಗಳ ಮೂಲಕ ಸಾಗುವುದರಿಂದ, ಸಮಾಜವು ಒಗ್ಗಟ್ಟಾಗಿರಲು ಸಹಾಯವಾಗುತ್ತದೆ. ಪ್ರತಿದಿನ ನಾವು ಹತ್ತಿರದ ದೇವಸ್ಥಾನಕ್ಕೆ ಭೇಟಿ ನೀಡಬೇಕು. ದೇವಾಲಯಗಳು ಜನರಿಗಾಗಿ ಇವೆ.” ಎಂದು ಹೇಳಿದರು.

ಗೋವಾದಲ್ಲಿ ವಾರಿಯಂತಹ ಸಮಷ್ಟಿ ಉಪಾಸನೆಯ ಕಾರ್ಯಕ್ರಮಗಳು ನಿರಂತರವಾಗಿ ನಡೆಯುವುದು ಕಾಲದ ಬೇಡಿಕೆಯಾಗಿದೆ! – ವಿಕ್ರಮ ಡೋಂಗ್ರೆ, ಉಪಸಂಪಾದಕರು, ‘ಸನಾತನ ಪ್ರಭಾತ’ ಪ್ರಸಾರ ಮಾಧ್ಯಮ

ಶ್ರೀ. ವಿಕ್ರಮ ಡೋಂಗ್ರೆ

‘ಸನಾತನ ಪ್ರಭಾತ’ ಪ್ರಸಾರ ಮಾಧ್ಯಮ ಸಮೂಹದ ಉಪಸಂಪಾದಕರಾದ ಶ್ರೀ. ವಿಕ್ರಮ ಡೋಂಗ್ರೆ ಅವರು ಮಾತನಾಡಿ, “ಗೋವಾ ಒಂದು ತೀರ್ಥಕ್ಷೇತ್ರ. ಇಲ್ಲಿನ ಸುಂದರವಾದ ದೇವಾಲಯಗಳು ನಮ್ಮ ಸಂಸ್ಕೃತಿಯ ಪ್ರಚಾರ ಮತ್ತು ಪ್ರಸಾರ ಮಾಡುತ್ತಿವೆ. ಇಲ್ಲಿನ ಮಣ್ಣಿನಲ್ಲಿ ಚೈತನ್ಯ ಮತ್ತು ಸಾತ್ತ್ವಿಕತೆ ತುಂಬಿದೆ. ಇಂದು ಹ.ಭ.ಪ. ಸುಹಾಸ್‌ಬುವಾ ವಝೆ ಗುರೂಜಿಯವರ ಆಶೀರ್ವಾದ ಮತ್ತು ಮುತುವರ್ಜಿಯಿಂದ ನಾವು ಈ ಪಾದಯಾತ್ರೆಯ ‘ದಿಂಡಿ ವಾರಿ’ಯ ಸಂಪ್ರದಾಯವನ್ನು ಪ್ರಾರಂಭಿಸಿದ್ದೇವೆ. ಇಂತಹ ಧಾರ್ಮಿಕ ಕಾರ್ಯಕ್ರಮಗಳು ಮತ್ತು ಸಮಷ್ಟಿ ಉಪಾಸನೆಯ ಮೂಲಕ ಮಾತ್ರ ಗೋವಾದಲ್ಲಿ ಹಿಂದೂ ಸಂಸ್ಕೃತಿಯು ಉಸಿರಾಡಲು ಮತ್ತು ಬೆಳೆಯಲು ಸಾಧ್ಯ.” ಎಂದು ಹೇಳಿದರು.

ವಾರಕರಿಗಳು ಹಿಂದೂಗಳಲ್ಲಿ ಶೌರ್ಯವನ್ನು ಜಾಗೃತಗೊಳಿಸಬೇಕು! – ಸತ್ಯವಿಜಯ ನಾಯಿಕ್, ಗೋವಾ ರಾಜ್ಯ ಹಿಂದೂ ಸಂಘಟಕರು, ಹಿಂದೂ ಜನಜಾಗೃತಿ ಸಮಿತಿ

ಸತ್ಯವಿಜಯ ನಾಯಿಕ್

ಹಿಂದೂ ಜನಜಾಗೃತಿ ಸಮಿತಿಯ ಗೋವಾ ರಾಜ್ಯ ಹಿಂದೂ ಸಂಘಟಕರಾದ ಶ್ರೀ. ಸತ್ಯವಿಜಯ ನಾಯಿಕ್ ಅವರು ಮಾತನಾಡಿ, “ಭಾರತವು ೮೦೦ ವರ್ಷಗಳ ಹಳೆಯ ವಾರಕರಿ ಸಂಪ್ರದಾಯವನ್ನು ಹೊಂದಿದೆ. ಹಿಂದೂ ಸಮಾಜವನ್ನು ಜಾಗೃತಗೊಳಿಸಲು ಅನೇಕ ಸಂತರು ಈ ವಾರಿಯ ಮೂಲಕ ದೊಡ್ಡ ಕಾರ್ಯವನ್ನು ಮಾಡಿದ್ದಾರೆ. ನಾವೆಲ್ಲರೂ ಕಾಲಕ್ಕೆ ತಕ್ಕಂತೆ ಸಮಷ್ಟಿ ಸಾಧನೆ ಮಾಡಬೇಕು. ಹಿಂದೂಗಳಲ್ಲಿ ಶೌರ್ಯವನ್ನು ಜಾಗೃತಗೊಳಿಸಬೇಕು. ಪ್ರಸ್ತುತ ಇಡೀ ಜಗತ್ತಿನಲ್ಲಿ ಯುದ್ಧದಂತಹ ಪರಿಸ್ಥಿತಿ ಇದೆ. ಇಂತಹ ಸಮಯದಲ್ಲಿ ಭಾರತದಲ್ಲಿ ವಾಸಿಸುತ್ತಾ ಶತ್ರು ರಾಷ್ಟ್ರವನ್ನು ಹೊಗಳುವವರು ಭಾರತದ ಪರವಾಗಿ ನಿಲ್ಲುತ್ತಾರೆಯೇ? ಎಂಬುದು ಒಂದು ಪ್ರಶ್ನೆ. ಮುಂಬರುವ ದಿನಗಳಲ್ಲಿ ಇಂತಹ ಜನರು ಭಾರತದಲ್ಲಿ ಅಂತರ್ಯುದ್ಧವನ್ನು ಪ್ರಾರಂಭಿಸಿದರೆ, ಇದನ್ನೆಲ್ಲಾ ಎದುರಿಸಲು ನಮ್ಮ ಹಿಂದೂ ಸಮಾಜ ಸಿದ್ಧವಿದೆಯೇ? ಎಂಬುದನ್ನು ನಾವು ಯೋಚಿಸಬೇಕು. ವಾರಿಯ ಮೂಲಕ ಈ ಬಗ್ಗೆ ಸಮಾಜದಲ್ಲಿ ದೊಡ್ಡ ಮಟ್ಟದಲ್ಲಿ ಜಾಗೃತಿ ಮೂಡಿಸುವ ಅಗತ್ಯವಿದೆ.” ಎಂದು ಹೇಳಿದರು.

ಸಂಪಾದಕೀಯ ನಿಲುವು

ಗೋವಾ ರಾಜ್ಯದಲ್ಲಿ ಇಂತಹ ಶ್ಲಾಘನೀಯ ಧಾರ್ಮಿಕ ಕಾರ್ಯಕ್ರಮಗಳನ್ನು ಆಯೋಜಿಸುವುದು ಕಾಲದ ಬೇಡಿಕೆಯಾಗಿದೆ. ಇದರಿಂದ ಹಿಂದೂ ಸಂಘಟನೆಗೆ ಬಲ ಲಭಿಸುತ್ತದೆ; ಇದಲ್ಲದೆ ಗೋವಾ ಕೇವಲ ಮೋಜು-ಮಸ್ತಿಯ ತಾಣವಲ್ಲ, ಬದಲಾಗಿ ಧರ್ಮ ಮತ್ತು ರಾಷ್ಟ್ರದ ಉದ್ಧಾರದ ವಿಚಾರವನ್ನು ಪ್ರಸಾರ ಮಾಡುವ ‘ತೀರ್ಥಕ್ಷೇತ್ರ’ ಎಂಬ ವಿಚಾರವನ್ನು ಜನರಲ್ಲಿ ಬೇರೂರಿಸಲು ಇದು ಸಹಾಯ ಮಾಡುತ್ತದೆ ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳಿ !

ಸಂಬಂಧಿತ ಲೇಖನಗಳು