ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಗುಜರಾತ್ ಸಮಾನ ನಾಗರಿಕ ಕಾನೂನು ಜಾರಿಗೆ ತಂದ ಎರಡನೇ ರಾಜ್ಯ ! – Gujarat Assembly Passes Uniform Civil Code

ಗುಜರಾತ್ ಸಮಾನ ನಾಗರಿಕ ಕಾನೂನು ಜಾರಿಗೆ ತಂದ ಎರಡನೇ ರಾಜ್ಯ ! – Gujarat Assembly Passes Uniform Civil Code

ಗಾಂಧಿನಗರ (ಗುಜರಾತ್) – ಗುಜರಾತ್‌ನ ಭಾಜಪ ಸರಕಾರವು ವಿಧಾನಸಭೆಯಲ್ಲಿ ಸಮಾನ ನಾಗರಿಕ ಕಾನೂನು ವಿಧೇಯಕವನ್ನು ಬಹುಮತದಿಂದ ಅಂಗೀಕರಿಸಿದೆ. ಇದರೊಂದಿಗೆ ಉತ್ತರಾಖಂಡದ ನಂತರ ದೇಶದಲ್ಲಿ ಸಮಾನ ನಾಗರಿಕ ಕಾನೂನನ್ನು ಜಾರಿಗೆ ತಂದ ಎರಡನೇ ರಾಜ್ಯವಾಗಿ ಗುಜರಾತ್ ಹೊರಹೊಮ್ಮಿದೆ. ಗೋವಾದಲ್ಲಿ ಪೋರ್ಚುಗೀಸರ ಕಾಲದಿಂದಲೂ ಈ ಕಾಯ್ದೆ ಅಸ್ತಿತ್ವದಲ್ಲಿದೆ.

ಕಾಯ್ದೆಯಲ್ಲಿ ಏನಿದೆ ?

ಈ ಕಾಯ್ದೆಯಲ್ಲಿ ವಿವಾಹದ ಕಡ್ಡಾಯ ನೋಂದಣಿ, ವಿಚ್ಛೇದನದ ಸಮಾನ ನಿಯಮಗಳು ಮತ್ತು ದಂಡದಂತಹ ಕೆಲವು ಪ್ರಮುಖ ನಿಬಂಧನೆಗಳಿವೆ. ವಿವಾಹದ ನೋಂದಣಿ ಮಾಡದವರಿಗೆ ೧೦ ಸಾವಿರ ರೂಪಾಯಿ ದಂಡ ಮತ್ತು ಒಂದಕ್ಕಿಂತ ಹೆಚ್ಚು ವಿವಾಹವಾಗುವವರಿಗೆ ೪ ವರ್ಷಗಳ ಶಿಕ್ಷೆಯಿದೆ. ನ್ಯಾಯಾಲಯದ ಹೊರಗಿನ ವಿಚ್ಛೇದನಗಳು ಅಸಿಂಧುವಾಗಿರುತ್ತವೆ. ನ್ಯಾಯಾಲಯದ ಹೊರಗೆ ವಿಚ್ಛೇದನ ಪಡೆದರೆ ಅದು ಶಿಕ್ಷಾರ್ಹ ಅಪರಾಧವಾಗಲಿದೆ. ‘ಲಿವ್-ಇನ್ ರಿಲೇಶನ್‌ಶಿಪ್’ಗಾಗಿ (ಜೋಡಿಗಳು ವಿವಾಹವಾಗದೆ ಜೊತೆಯಲ್ಲಿ ವಾಸಿಸಲು) ೩ ತಿಂಗಳೊಳಗೆ ನೋಂದಣಿ ಮಾಡಿಕೊಳ್ಳುವುದು ಕಡ್ಡಾಯವಾಗಿದೆ. ‘ಲಿವ್-ಇನ್ ರಿಲೇಶನ್‌ಶಿಪ್’ ನಿಬಂಧನೆಯು ಕಾನೂನು ರಕ್ಷಣೆಗಾಗಿ ಇರಲಿದೆ. ಅಂತಹ ಪ್ರಕರಣಗಳಲ್ಲಿ ವಂಚಿಸುವವರಿಗೆ ಗುಜರಾತ್‌ನಲ್ಲಿ ಸ್ಥಾನವಿಲ್ಲ. ಪ್ರತಿಯೊಂದು ಸಮಾಜ ಮತ್ತು ಧರ್ಮದವರಿಗೂ ವಿಚ್ಛೇದನದ ಸಮಾನ ನಿಯಮಗಳು ಅನ್ವಯವಾಗಲಿವೆ.

ಸಂಬಂಧಿತ ಲೇಖನಗಳು