ಶಿಮ್ಲಾ (ಹಿಮಾಚಲ ಪ್ರದೇಶ) ಇಲ್ಲಿ ಹಿಂದೂ ಮಹಿಳೆಯ ಅಂಗಡಿಯನ್ನು ಅತಿಕ್ರಮಿಸಿದ ಮುಸಲ್ಮಾನನನ್ನು ಓಡಿಸಿದ ಹಿಂದೂ ಸಂಘಟನೆ!

ಶಿಮ್ಲಾ (ಹಿಮಾಚಲ ಪ್ರದೇಶ) – ಇಲ್ಲಿನ ತರಕಾರಿ ಮಾರುಕಟ್ಟೆಯಲ್ಲಿ ಹಿಂದೂ ಅಂಗಡಿಕಾರನ ಅಂಗಡಿಯ ಮೇಲೆ ಅತಿಕ್ರಮಣ ಮಾಡಿ, ಅದನ್ನು ವಶಪಡಿಸಿಕೊಳ್ಳಲು ಮುಸಲ್ಮಾನನೊಬ್ಬ ಪ್ರಯತ್ನಿಸಿದನು. ಈ ಸಮಯದಲ್ಲಿ ‘ದೇವಭೂಮಿ ಸಂಘರ್ಷ ಸಮಿತಿ’ಯ ಕಾರ್ಯಕರ್ತರು ಸ್ಥಳಕ್ಕೆ ಧಾವಿಸಿ, ಅಂಗಡಿಯ ಬೀಗವನ್ನು ಒಡೆದು ಮುಸಲ್ಮಾನನ ಸಾಮಾನನ್ನು ಹೊರಗೆ ಎಸೆದರು ಮತ್ತು ಅಂಗಡಿಯನ್ನು ಪುನಃ ಹಿಂದೂ ಮಹಿಳೆಯ ಸುಪರ್ದಿಗೆ ಒಪ್ಪಿಸಿದರು. ತಾನು ೧ ಕೋಟಿ ರೂಪಾಯಿ ನೀಡಿ ಅಂಗಡಿಯನ್ನು ಖರೀದಿಸಿರುವುದಾಗಿ ಆ ಮುಸಲ್ಮಾನ ವ್ಯಕ್ತಿಯು ವಾದಿಸಿದನು.

ದೇವಭೂಮಿ ಸಂಘರ್ಷ ಸಮಿತಿಯ ಒಬ್ಬ ಸದಸ್ಯರು ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಮಾಹಿತಿ ನೀಡುತ್ತಾ, ತರಕಾರಿ ಮಾರುಕಟ್ಟೆಯ ಒಂದು ಅಂಗಡಿಯನ್ನು ಬಲವಂತವಾಗಿ ವಶಪಡಿಸಿಕೊಂಡು ರಾತ್ರಿ ವೇಳೆ ಬೀಗ ಹಾಕಲಾಗಿತ್ತು. ಅಂಗಡಿ ಮಾಲೀಕರನ್ನು ಹೊಡೆಯಲು ೫ ಮಂದಿ ಬಂದಿದ್ದರು. ಅವರು ಒಬ್ಬ ವೃದ್ಧ ಮಹಿಳೆಯ ಕುತ್ತಿಗೆಯನ್ನು ಹಿಡಿದು ಸಂಕಷ್ಟ ನೀಡಿದ್ದಲ್ಲದೆ, ಎಲ್ಲಾ ಸಿಸಿಟಿವಿ ಕ್ಯಾಮೆರಾಗಳನ್ನು ಒಡೆದು ಹಾಕಿದ್ದರು. ವರ್ಷ ೧೯೪೭ ರಿಂದ ಈ ಅಂಗಡಿಯು ಆ ಮಹಿಳೆಯ ಕುಟುಂಬದ ನಿಯಂತ್ರಣದಲ್ಲಿತ್ತು; ಆದರೆ ಮುಸಲ್ಮಾನ ಸಮುದಾಯದ ಜನರು ಅದನ್ನು ಬಲವಂತವಾಗಿ ಕಬಳಿಸಿದ್ದರು ಎಂದು ತಿಳಿಸಿದರು.