ನೆದರಲೆಂಡ್ಸ್ ನಲ್ಲಿನ ಯಹೂದಿ ಸಮುದಾಯದ ಶಾಲೆಯಲ್ಲಿ ಸ್ಫೋಟ

ಆಮಸ್ಟರಡ್ಯಾಮ್ (ನೆದರ್ಲೆಂಡ್ಸ್) – ದೇಶದ ಆಮಸ್ಟರಡ್ಯಾಮ್ ನ ಯಹೂದಿ ಸಮುದಾಯಕ್ಕೆ ಸೇರಿದ ಶಾಲೆಯೊಂದರಲ್ಲಿ ಭೀಕರ ಸ್ಫೋಟ ಸಂಭವಿಸಿದೆ. ಇದರಿಂದ ಶಾಲೆಯ ಕಟ್ಟಡಕ್ಕೆ ಅಪಾರ ಹಾನಿಯಾಗಿದೆ. ‘ಸ್ಕೈ ನ್ಯೂಸ್’ ವರದಿಯ ಪ್ರಕಾರ, ಆಮಸ್ಟರಡ್ಯಾಮ್ ನ ಮೇಯರ ಫೆಮ್ಕೆ ಹಾಲ್ಸೆಮಾ ಅವರು, ‘ಯಹೂದಿ ಸಮುದಾಯವನ್ನು ಗುರಿಯಾಗಿಸಿಕೊಂಡೇ ಈ ದಾಳಿ ಮಾಡಲಾಗಿದೆ’ ಎಂದು ಹೇಳಿದ್ದಾರೆ. ಆಮಸ್ಟರಡ್ಯಾಮ್ ನಲ್ಲಿನ ಯಹೂದಿಗಳು ತಮ್ಮ ಮೇಲೆ ಸತತವಾಗಿ ನಡೆಯುತ್ತಿರುವ ದಾಳಿಗಳನ್ನು ಎದುರಿಸಬೇಕಾಗುತ್ತಿರುವುದು ಒಪ್ಪುವಂತಹದ್ದಲ್ಲ ಎಂದು ಅವರು ಹೇಳಿದರು

೧. ಶಾಲೆಗೆ ಬೆಂಕಿ ಹೊತ್ತಿಕೊಂಡ ತಕ್ಷಣ ಅಗ್ನಿಶಾಮಕ ದಳದವರು ಸ್ಥಳಕ್ಕೆ ಧಾವಿಸಿ ಪರಿಸ್ಥಿತಿಯನ್ನು ಹತೋಟಿಗೆ ತಂದರು; ಆದರೆ ಈ ಘಟನೆಯಲ್ಲಿ ಯಾರಾದರೂ ಗಾಯಗೊಂಡಿದ್ದಾರೆಯೇ ಅಥವಾ ಮೃತಪಟ್ಟಿದ್ದಾರೆಯೇ ಎಂಬುದು ಇನ್ನು ಸ್ಪಷ್ಟವಾಗಿಲ್ಲ.

೨. ಇರಾನ್ ಮತ್ತು ಇಸ್ರೇಲ್-ಅಮೆರಿಕ ನಡುವೆ ಯುದ್ಧ ನಡೆಯುತ್ತಿರುವ ಹಿನ್ನೆಲೆಯಲ್ಲಿ, ಯಹೂದಿ ಸಮುದಾಯದ ಶಾಲೆಯ ಮೇಲೆ ನಡೆದ ಈ ದಾಳಿಯು ತೀವ್ರ ಆತಂಕಕ್ಕೆ ಕಾರಣವಾಗಿದೆ.

೩. ಈ ಶಾಲೆಯಲ್ಲಿ ಸ್ಫೋಟ ಸಂಭವಿಸುವ ಒಂದು ದಿನದ ಮೊದಲು ರೊಟರಡ್ಯಾಮ್ ನಲ್ಲಿಯೂ ಯಹೂದಿ ಪ್ರಾರ್ಥನಾ ಮಂದಿರದಲ್ಲಿ ಸ್ಫೋಟ ನಡೆದಿತ್ತು. ಅಧಿಕಾರಿಗಳ ಪ್ರಕಾರ, ಈ ದಾಳಿಯಲ್ಲಿ ಯಾರೂ ಗಾಯಗೊಂಡಿಲ್ಲ ಮತ್ತು ಬೆಂಕಿಯನ್ನು ತಕ್ಷಣವೇ ನಂದಿಸಲಾಗಿದೆ.

೪. ನೆದರಲೆಂಡ್ಸ್ ನ ಯಹೂದಿ ಸಂಘಟನೆಯೊಂದು ‘ಎಕ್ಸ್’ನಲ್ಲಿ ಮಾಹಿತಿ ನೀಡಿ, ಇಸ್ಲಾಮಿಸ್ಟ್ ಗುಂಪೊಂದು ರೊಟರಡ್ಯಾಮ್ ನ ಪ್ರಾರ್ಥನಾ ಮಂದಿರದ ಸ್ಫೋಟದ ವಿಡಿಯೋವನ್ನು ಆನ್ ಲೈನ್ ನಲ್ಲಿ ಹಂಚಿಕೊಂಡು ಆಕ್ರಮಣದ ಹೊಣೆ ಹೊತ್ತುಕೊಂಡಿದೆ ಎಂದು ಹೇಳಿದೆ. ಸಂಘಟನೆಯ ಪ್ರಕಾರ, ಇದೇ ಗುಂಪು ಬೆಲ್ಜಿಯಂ ದೇಶದ ಲೀಜ್ ನಗರದಲ್ಲಿ ಯಹೂದಿ ಪ್ರಾರ್ಥನಾ ಮಂದಿರದ ಮೇಲೆ ನಡೆದ ಆಕ್ರಮಣದ ಜವಾಬ್ದಾರಿಯನ್ನೂ ಹೊತ್ತುಕೊಂಡಿತ್ತು.