ಗಂಗಾನದಿಯಲ್ಲಿ ರೋಗಕಾರಕ ‘ಕೋಲಿಫಾರ್ಮ್’ ಬ್ಯಾಕ್ಟೀರಿಯಾಗಳ ಪ್ರಮಾಣ 32 ಪಟ್ಟು ಹೆಚ್ಚಳ! – CAG Report

ಗೈರ್ಸೇನ್ (ಉತ್ತರಾಖಂಡ್) – ಹಿಂದೂಗಳಿಗೆ ಅತ್ಯಂತ ಪೂಜನೀಯವಾಗಿರುವ ಗಂಗಾನದಿಯ ಶುದ್ಧೀಕರಣಕ್ಕಾಗಿ ‘ನಮಾಮಿ ಗಂಗೆ’ ಯೋಜನೆಯನ್ನು ಹಮ್ಮಿಕೊಳ್ಳಲಾಗಿದ್ದರೂ, ಈ ನದಿಯು ಭಾರೀ ಪ್ರಮಾಣದಲ್ಲಿ ಕಲುಷಿತಗೊಳ್ಳುತ್ತಿರುವುದು ಕಂಡುಬಂದಿದೆ. ದೇವಪ್ರಯಾಗದಿಂದ ಹರಿದ್ವಾರದವರೆಗಿನ ಗಂಗಾ ನದಿಯ ನೀರಿನ ಸ್ಥಿತಿಗತಿಯ ಕುರಿತಾದ ಭಾರತೀಯ ನಿಯಂತ್ರಕರು ಮತ್ತು ಮಹಾಲೇಖಪಾಲಕರ (ಸಿಎಜಿ – ‘ಕ್ಯಾಗ್’) ವರದಿಯು ಈಗ ಹೊರಬಂದಿದೆ. ಈ ವರದಿಯ ಪ್ರಕಾರ, ಗಂಗಾ ನದಿಯಲ್ಲಿ ರೋಗ ಹರಡಲು ಕಾರಣವಾಗುವ ‘ಕೋಲಿಫಾರ್ಮ್’ ಬ್ಯಾಕ್ಟೀರಿಯಾಗಳ ಪ್ರಮಾಣ ನಿಗದಿತ ಪ್ರಮಾಣಕ್ಕಿಂತ 32 ಪಟ್ಟು ಹೆಚ್ಚಿರುವುದು ಪತ್ತೆಯಾಗಿದೆ. ಇದಲ್ಲದೆ, ಅನೇಕ ಕೊಳಚೆ ನೀರು ಸಂಸ್ಕರಣಾ ಘಟಕಗಳು (STP) ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿ (NGT) ನಿಗದಿಪಡಿಸಿದ ಮಾನದಂಡಗಳನ್ನು ಪಾಲಿಸುತ್ತಿಲ್ಲ ಎಂಬುದು ತಿಳಿದುಬಂದಿದೆ. 2018 ರಿಂದ 2023 ರ ಅವಧಿಯಲ್ಲಿ ಉತ್ತರಾಖಂಡದಲ್ಲಿ ‘ನಮಾಮಿ ಗಂಗೆ’ ಯೋಜನೆಯ ಅನುಷ್ಠಾನವನ್ನು ಪರಿಶೀಲಿಸುವಾಗ ಈ ಲೆಕ್ಕಪರಿಶೋಧನೆ ನಡೆಸಲಾಗಿದೆ.

🚨 CAG Report Exposes Alarming Pollution in Maa Ganga 🌊

📊 ‘Coliform’ bacteria levels in the Ganga are 32 times higher than the permissible limit.

⚠️ Key Findings:
▪️ Administrative negligence highlighted in the report
▪️ Only 16% of funds under the Namami Gange initiative… pic.twitter.com/GrpVr8yWKw

— Sanatan Prabhat (@SanatanPrabhat) March 12, 2026

ವರದಿಯ ಪ್ರಮುಖ ಅಂಶಗಳು !

ಅಂದಾಜು ಶೇ. 32% ರಷ್ಟು ಕೊಳಚೆ ನೀರನ್ನು ಸಂಸ್ಕರಣಾ ಘಟಕಗಳಿಂದ ಸಂಸ್ಕರಿಸದೆಯೇ ನೇರವಾಗಿ ಗಂಗೆಗೆ ಬಿಡಲಾಗುತ್ತಿದೆ.

ಗಂಗಾ ನದಿಯ ದಡದಲ್ಲಿರುವ ನಗರಗಳಲ್ಲಿ ಈ ಯೋಜನೆಯ ಅನೇಕ ಅಂಶಗಳನ್ನು ಸಮರ್ಪಕವಾಗಿ ಜಾರಿಗೆ ತಂದಿಲ್ಲ.

ಯೋಜನೆಯಡಿ ಕೈಗೊಳ್ಳಲಾದ ವೃಕ್ಷಾರೋಪಣ (ಸಸಿ ನೆಡುವ) ಕಾರ್ಯಗಳಲ್ಲೂ ನಿರೀಕ್ಷಿತ ಪ್ರಗತಿಯಾಗಿಲ್ಲ. ಯೋಜನೆಗೆ ನಿಗದಿಪಡಿಸಿದ ಒಟ್ಟು ವೆಚ್ಚದಲ್ಲಿ ಕೇವಲ ಶೇ. 16% ರಷ್ಟು ಹಣವನ್ನು ಮಾತ್ರ ಪರಿಣಾಮಕಾರಿಯಾಗಿ ಬಳಸಲಾಗಿದೆ.

ಕಲುಷಿತ ನೀರು ಮತ್ತು ಕಳಪೆ ನೈರ್ಮಲ್ಯದಿಂದಾಗಿ ಅತಿಸಾರ, ಭೇದಿ, ‘ಹೆಪಟೈಟಿಸ್ ಎ’, ಟೈಫಾಯಿಡ್ ಮತ್ತು ಪೋಲಿಯೊದಂತಹ ಅನೇಕ ಗಂಭೀರ ಕಾಯಿಲೆಗಳು ಹರಡುವ ಸಾಧ್ಯತೆಯಿದೆ.