ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > Manchar Pune Land Jihad : ಮಂಚರ್ (ಪುಣೆ ಜಿಲ್ಲೆ): ಪಾಂಡವರ ಕಾಲದ ಪುರಾತನ ಕಲ್ಯಾಣಿ ಆವರಣದಲ್ಲಿ ಅತಿಕ್ರಮಣ

Manchar Pune Land Jihad : ಮಂಚರ್ (ಪುಣೆ ಜಿಲ್ಲೆ): ಪಾಂಡವರ ಕಾಲದ ಪುರಾತನ ಕಲ್ಯಾಣಿ ಆವರಣದಲ್ಲಿ ಅತಿಕ್ರಮಣ

  • ಅನಧಿಕೃತ ಗೋರಿ ನಿರ್ಮಿಸಿ ಜಾಗವನ್ನು ‘ವಕ್ಫ್’ ಎಂದು ಘೋಷಣೆ

  • ​ಸಂಸದೆ ಪ್ರೊ. ಡಾ. ಮೇಧಾ ಕುಲಕರ್ಣಿ ನೇತೃತ್ವದಲ್ಲಿ ಬೃಹತ್ ಪ್ರತಿಭಟನೆ

​(ಗಮನಿಸಿ: ‘ಬಾರವ’ ಎಂದರೆ ಮೆಟ್ಟಿಲುಗಳಿರುವ ಐತಿಹಾಸಿಕ ಬಾವಿ ಅಥವಾ ಕಲ್ಯಾಣಿ ಎಂದರ್ಥ)

ವರದಿ ವಿವರ: ಪುಣೆ ಜಿಲ್ಲೆಯ ಮಂಚರ್‌ನಲ್ಲಿರುವ ಐತಿಹಾಸಿಕ ಪಾಂಡವರ ಕಾಲದ ಕಲ್ಯಾಣಿ (ಬಾರವ) ಆವರಣದಲ್ಲಿ ಅತಿಕ್ರಮಣ ನಡೆದಿದೆ. ಈ ಸ್ಥಳದಲ್ಲಿ ಪ್ರಾಚೀನ ಶಾಸನಗಳು, ಗೋಮುಖ ಮತ್ತು ಕಲ್ಲಿನ ಕೆತ್ತನೆಗಳಿದ್ದು, ಇದು ಹಿಂದೂ ಸಂಸ್ಕೃತಿಯ ಸ್ಮಾರಕ ಎನ್ನುವುದಕ್ಕೆ ಸ್ಪಷ್ಟ ಪುರಾವೆಗಳಿವೆ. ಆದರೂ ಇಲ್ಲಿ ಮತಾಂಧರು ಅನಧಿಕೃತ ದರ್ಗಾ ನಿರ್ಮಿಸಿ, ಇಡೀ ಜಾಗವನ್ನು ‘ವಕ್ಫ್’ ಆಸ್ತಿ ಎಂದು ಘೋಷಿಸಿದ್ದಾರೆ. ಈ ಬಗ್ಗೆ ಜಿಲ್ಲಾಧಿಕಾರಿಗಳು ಮತ್ತು ಪೊಲೀಸರಿಗೆ ಪದೇ ಪದೇ ದೂರು ನೀಡಿದರೂ ಯಾವುದೇ ಕ್ರಮ ಕೈಗೊಂಡಿಲ್ಲ.

ಕಳೆದ 6 ತಿಂಗಳ ಹಿಂದೆ ಅಧಿಕಾರಿಗಳು ಪರಿಶೀಲನೆ ನಡೆಸಿದಾಗ ಈ ಜಾಗ ಖಾಲಿ ಇತ್ತು. ಆದರೆ ಈಗ ಅಲ್ಲಿ ಸ್ಮಶಾನದ ಮಾದರಿಯಲ್ಲಿ ನಿರ್ಮಾಣ ಕಾರ್ಯ ನಡೆದಿದೆ. ಅಚ್ಚರಿಯೆಂದರೆ, 2021ರಲ್ಲಿ ನಿಧನರಾದ ವ್ಯಕ್ತಿಯ ಗೋರಿಯನ್ನು ಅಲ್ಲಿ ತೋರಿಸಲಾಗಿದೆ.

ಸ್ಥಳದ ದಾಖಲೆಗಳನ್ನು ಪರಿಶೀಲಿಸುತ್ತಿರುವ ಪ್ರೊ. ಡಾ. (ಶೀಮತಿ) ಮೇಧಾ ಕುಲಕರ್ಣಿ

“6 ತಿಂಗಳ ಹಿಂದೆ ಅಸ್ತಿತ್ವದಲ್ಲೇ ಇಲ್ಲದ ಜಾಗದಲ್ಲಿ 2021ರ ಗೋರಿ ಇರಲು ಹೇಗೆ ಸಾಧ್ಯ?” ಎಂದು ಸಂಸದರು ಆಡಳಿತ ವ್ಯವಸ್ಥೆಯನ್ನು ಪ್ರಶ್ನಿಸಿದ್ದಾರೆ. ​ಈ ನಿರ್ಲಕ್ಷ್ಯವನ್ನು ಖಂಡಿಸಿ ಬಿಜೆಪಿ ಸಂಸದೆ ಪ್ರೊ. ಡಾ. ಮೇಧಾ ಕುಲಕರ್ಣಿ ಅವರು ಸ್ಥಳೀಯ ಹಿಂದೂ ಸಂಘಟನೆಗಳೊಂದಿಗೆ ಸ್ಥಳಕ್ಕೆ ಭೇಟಿ ನೀಡಿ ಪ್ರತಿಭಟನೆ ನಡೆಸಿದರು. ರಾಷ್ಟ್ರೀಯ ಸ್ವಯಂಸೇವಕ ಸಂಘ, ವಿಶ್ವ ಹಿಂದೂ ಪರಿಷತ್ ಮತ್ತು ಬಜರಂಗ ದಳದ ನೂರಾರು ಕಾರ್ಯಕರ್ತರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.​

ಪೊಲೀಸರ ವರ್ತನೆಗೆ ಆಕ್ಷೇಪ: ಪ್ರತಿಭಟನೆಯ ವೇಳೆ ಸಂಸದರು ಹಿಂದೂ ದೇವತೆಯ ಚಿತ್ರವನ್ನು ಇರಿಸಲು ಪ್ರಯತ್ನಿಸಿದಾಗ ಪೊಲೀಸರು ಅದನ್ನು ತಡೆದರು. “ಅಕ್ರಮವಾಗಿ ದರ್ಗಾ ಕಟ್ಟಲು ಮತ್ತು ಹಸಿರು ಬಣ್ಣ ಹಚ್ಚಲು ಯಾರಿಗೂ ಅಡ್ಡಿಪಡಿಸದ ಪೊಲೀಸರು, ನಮಗೆ ‘ಓಂ’ ಬರೆಯಲು ಮತ್ತು ದೇವರ ಚಿತ್ರ ಇಡಲು ಏಕೆ ಬಿಡುತ್ತಿಲ್ಲ?” ಎಂದು ಅವರು ಕಿಡಿಕಾರಿದರು.

​ಎಚ್ಚರಿಕೆ: ಮುಂದಿನ 8 ದಿನಗಳ ಒಳಗೆ ಅತಿಕ್ರಮಣ ತೆರವುಗೊಳಿಸದಿದ್ದರೆ ಉಗ್ರ ಹೋರಾಟ ಮಾಡುವುದಾಗಿ ಆಡಳಿತ ಮಂಡಳಿಗೆ ಎಚ್ಚರಿಕೆ ನೀಡಲಾಗಿದೆ. ಉಪವಿಭಾಗೀಯ ಪೊಲೀಸ್ ಅಧಿಕಾರಿಗಳು ಸ್ಥಳಕ್ಕೆ ಭೇಟಿ ನೀಡಿ ಕ್ರಮ ಕೈಗೊಳ್ಳುವ ಭರವಸೆ ನೀಡಿದ್ದಾರೆ.

ಸಂಬಂಧಿತ ಲೇಖನಗಳು