ನಾವು ಔರಂಗಜೇಬ್, ಅಕ್ಬರ್, ಬಾಬರನ ಬಗ್ಗೆಯೇ ಏಕೆ ಮಾತನಾಡುತ್ತೇವೆ? ರಜಪೂತ ರಾಜರು, ಛತ್ರಪತಿ ಶಿವಾಜಿ ಮಹಾರಾಜರ ಬಗ್ಗೆ ಮಾತನಾಡಬೇಕು! – Suniel Shetty

ನಟ ಸುನಿಲ್ ಶೆಟ್ಟಿ ಅವರ ಹೇಳಿಕೆ

ಮುಂಬಯಿ – ನಾವು ಔರಂಗಜೇಬ್, ಅಕ್ಬರ್, ಬಾಬರ್, ಬೀರಬಲ್ಲನ ಬಗ್ಗೆಯೇ ಏಕೆ ಮಾತನಾಡುತ್ತೇವೆ? ನಮ್ಮ ಇತಿಹಾಸವು ನಮ್ಮ ಸಂಸ್ಕೃತಿಯ ಬಗ್ಗೆ ಇರಬೇಕು. ಅದು ವೇದಗಳ ಬಗ್ಗೆ, ರಜಪೂತ ರಾಜರ ಬಗ್ಗೆ, ಛತ್ರಪತಿ ಶಿವಾಜಿ ಮಹಾರಾಜರ ಬಗ್ಗೆ ಮತ್ತು ಉಳಿದ ಎಲ್ಲರ ಬಗ್ಗೆ ಇರಬೇಕು. ಪ್ರತಿಯೊಂದು ರಾಜ್ಯದಲ್ಲಿನ ಪ್ರತಿಯೊಬ್ಬ ನಾಯಕನ ಬಗ್ಗೆ ಚರ್ಚೆಯಾಗಬೇಕು ಎಂದು ನಟ ಸುನಿಲ್ ಶೆಟ್ಟಿ ಅವರು ಸಂದರ್ಶನವೊಂದರಲ್ಲಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಶೆಟ್ಟಿಯವರು ಮುಂದುವರಿದು ಮಾತನಾಡುತ್ತಾ, ಸೋಮನಾಥ ದೇವಾಲಯದ ಬಗ್ಗೆ ನನ್ನ ಭಾವನೆಗಳು ಅತ್ಯಂತ ತೀವ್ರವಾಗಿವೆ. ದೇವಾಲಯವು ಹಲವಾರು ಬಾರಿ ಲೂಟಿಗೊಳಗಾದರೂ, ಅದು ಇಂದು ಅಚಲವಾಗಿ ನಿಂತಿದೆ ಎಂದು ಹೇಳಿದರು.

೧. ನಟ ಸುನಿಲ್ ಶೆಟ್ಟಿ ಅವರು ೨೦೨೫ ರಲ್ಲಿ ತೆರೆಕಂಡ ‘ಕೇಸರಿ ವೀರ್’ ಎಂಬ ಚಲನಚಿತ್ರದಲ್ಲಿ ಅಭಿನಯಿಸಿದ್ದರು. ಈ ಚಿತ್ರವು ಗುಜರಾತಿನ ಸೋಮನಾಥ ದೇವಾಲಯದ ಮೇಲೆ ನಡೆದ ಸತತ ಆಕ್ರಮಣ ಮತ್ತು ಧ್ವಂಸದ ಘಟನೆಗಳ ಆಧಾರಿತವಾಗಿತ್ತು; ಆದರೆ ಈ ಚಿತ್ರಕ್ಕೆ ಪ್ರೇಕ್ಷಕರಿಂದ ನಿರೀಕ್ಷಿತ ಪ್ರತಿಕ್ರಿಯೆ ಲಭಿಸಲಿಲ್ಲ. ಸುನಿಲ್ ಶೆಟ್ಟಿ ಅವರು ಚಿತ್ರವು ಏಕೆ ವಿಫಲವಾಯಿತು ಎಂಬ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಮಂಡಿಸುವಾಗ ಮೇಲಿನ ವಿಚಾರಗಳನ್ನು ಹಂಚಿಕೊಂಡರು.

೨. ಸುನಿಲ್ ಶೆಟ್ಟಿ ಅವರು ಮುಂದುವರಿದು ಮಾತನಾಡುತ್ತಾ, ಚಿತ್ರವನ್ನು ನಿರ್ಮಿಸುವ ಮೊದಲು ದೊಡ್ಡ ಮಟ್ಟದ ಅಭ್ಯಾಸವನ್ನು ಮಾಡಲಾಗಿತ್ತು; ಆದರೆ ದುರದೃಷ್ಟವಶಾತ ಚಿತ್ರವು ಓಡಲಿಲ್ಲ. ವಿತರಣೆಯು ಒಂದು ಪ್ರಮುಖ ಅಂಶವಾಯಿತು. ಚಿತ್ರಮಂದಿರಗಳು ಲಭ್ಯವಾಗಲಿಲ್ಲ. ನಿರ್ಮಾಪಕರಿಗೂ ದೊಡ್ಡ ಮಟ್ಟದ ನಷ್ಟ ಉಂಟಾಯಿತು; ಏಕೆಂದರೆ ಅವರೇ ವಿತರಣೆಯ ಜವಾಬ್ದಾರಿಯನ್ನು ಹೊತ್ತಿದ್ದರು ಮತ್ತು ಆ ಪದ್ಧತಿಯು ಪರಿಣಾಮಕಾರಿಯಾಗಲಿಲ್ಲ. ಒಂದು ಉತ್ತಮ ಚಿತ್ರವು ವ್ಯರ್ಥವಾಯಿತು ಎಂದು ಅವರು ನಮೂದಿಸಿದರು.