ಅಫ್ಘಾನಿಸ್ತಾನ: ಮಹಿಳೆಯರಿಗೆ ಗರ್ಭನಿರೋಧಕ ಮಾತ್ರೆ ಬಳಕೆಗೆ ನಿಷೇಧ! Afghanistan Women Rights

​

ಕಾಬೂಲ್ (ಅಫ್ಘಾನಿಸ್ತಾನ): ತಾಲಿಬಾನ್ ಸರಕಾರವು ಮಹಿಳೆಯರಿಗೆ ಗರ್ಭನಿರೋಧಕ ಮಾತ್ರೆಗಳ ಬಳಕೆಯನ್ನು ನಿಷೇಧಿಸಿದೆ. ಮಹಿಳೆಯರಿಗೆ ಈ ಮಾತ್ರೆಗಳನ್ನು ನೀಡಿದರೆ ಸಂಬಂಧಪಟ್ಟ ಚಿಕಿತ್ಸಾಲಯಗಳನ್ನು ಮುಚ್ಚಲಾಗುವುದು ಎಂದು ವೈದ್ಯರಿಗೆ ಬೆದರಿಕೆ ಹಾಕಲಾಗಿದೆ. ಅದರಿಂದಾಗಿ ಅನೇಕರು ತಾವಾಗಿಯೇ ಚಿಕಿತ್ಸಾಲಯಗಳನ್ನು ಮುಚ್ಚಿದ್ದಾರೆ ಎಂದು ಹೇಳಲಾಗುತ್ತಿದೆ. ಬದ್ಗಿಸ್ ಪ್ರಾಂತ್ಯದ ಒಂದು ಚಿಕಿತ್ಸಾಲಯದಲ್ಲಿ ಎಲ್ಲಾ ಗರ್ಭನಿರೋಧಕ ಔಷಧಿಗಳನ್ನು ನಾಶಪಡಿಸಲಾಗಿದೆ.

​ಜೌಜಾನ್ ಪ್ರಾಂತ್ಯದ ವೈದ್ಯರೊಬ್ಬರು ಈ ಬಗ್ಗೆ ಮಾತನಾಡಿ, ತಾಲಿಬಾನ್ ಅಧಿಕಾರಕ್ಕೆ ಬಂದಾಗಿನಿಂದ ಗರ್ಭನಿರೋಧಕ ಮಾತ್ರೆಗಳ ದಾಸ್ತಾನು ವೇಗವಾಗಿ ಖಾಲಿಯಾಗುತ್ತಿದೆ. ಇಲ್ಲಿ ೭೦ ರಲ್ಲಿ ೩೦ ಮಹಿಳೆಯರಿಗೆ ಗರ್ಭನಿರೋಧಕ ಮಾತ್ರೆಗಳ ಅವಶ್ಯಕತೆಯಿತ್ತು. ಆದರೆ ಈಗ ನಮ್ಮ ಬಳಿ ಔಷಧಿಗಳಿಲ್ಲ ಎಂದು ನಾವು ಹೇಳುತ್ತಿದ್ದೇವೆ, ಎಂದು ತಿಳಿಸಿದರು.