Canada Indian Died : ಕೆನಡಾದ ಆಸ್ಪತ್ರೆಯಲ್ಲಿ ಘೋರ ಘಟನೆ; ಸಕಾಲದಲ್ಲಿ ಚಿಕಿತ್ಸೆ ನೀಡದಿದ್ದಕ್ಕೆ ಭಾರತೀಯ ವ್ಯಕ್ತಿಯ ಸಾವು

ಒಟಾವಾ (ಕೆನಡಾ) – ಸಕಾಲದಲ್ಲಿ ಚಿಕಿತ್ಸೆ ಸಿಗದೆ ಕೆನಡಾದಲ್ಲಿ ಓರ್ವ ಭಾರತೀಯ ನಾಗರಿಕನ ಸಾವಾಗಿದೆ. ಅವರ ಹೆಸರು ಪ್ರಶಾಂತ ಶ್ರೀಕುಮಾರ್ (ವಯಸ್ಸು ೪೪ ವರ್ಷ) ಎಂದಿದೆ. ಕೆನಡಾದ ಕೆ. ಎಡ್ಮಂಟನ್‌ನಲ್ಲಿ ಈ ಘಟನೆ ನಡೆದಿದೆ. ಸಿಕ್ಕಿರುವ ಮಾಹಿತಿ ಪ್ರಕಾರ, ಡಿಸೆಂಬರ್ ೨೨ ರಂದು ಪ್ರಶಾಂತ ಅವರಿಗೆ ಎದೆಯಲ್ಲಿ ತೀವ್ರವಾದ ನೋವು ಉಂಟಾಗಿತ್ತು. ಅವರು ಕೆಲಸದಲ್ಲಿದ್ದಾಗಲೇ ಈ ತೊಂದರೆ ಅವರಿಗೆ ಅರಿವಾಯಿತು. ಪರಿಸ್ಥಿತಿಯ ಗಂಭೀರತೆಯನ್ನು ಗಮನಕ್ಕೆ ತೆಗೆದುಕೊಂಡು ಅವರನ್ನು ತಕ್ಷಣವೇ ‘ಗ್ರೆ ನನ್ಸ್ ಕಮ್ಯೂನಿಟಿ’ ಆಸ್ಪತ್ರೆಗೆ ದಾಖಲಿಸಲಾಯಿತು; ಆದರೆ ಅಲ್ಲಿ ಅವರಿಗೆ ತಕ್ಷಣ ಚಿಕಿತ್ಸೆ ನೀಡದೆ, ಅವರನ್ನು ‘ವೇಟಿಂಗ್ ರೂಂ’ನಲ್ಲಿ ಕುಳಿತುಕೊಳ್ಳಿ’, ಎಂದು ಹೇಳಲಾಯಿತು. ಸಮಯ ಕಳೆದಂತೆ, ಪ್ರಶಾಂತ ಅವರ ರಕ್ತದೊತ್ತಡ ಹೆಚ್ಚಾಗತೊಡಗಿತು. ಆರಂಭದಲ್ಲಿ ಅವರಿಗೆ ಕೇವಲ ಒಂದು ಔಷಧಿಯನ್ನು ನೀಡಿ ಕುಳಿತುಕೊಳ್ಳಲು ಹೇಳಲಾಗಿತ್ತು. ಸುಮಾರು ೮ ಗಂಟೆಗಳ ಕಾಲ ಒಂದೇ ಸ್ಥಳದಲ್ಲಿ ಕೂಡಿಸಿ ನಂತರ, ಅವರನ್ನು ಚಿಕಿತ್ಸೆಗಾಗಿ ಕರೆದೊಯ್ಯಲಾಯಿತು; ಆದರೆ ಅವರು ತಕ್ಷಣ ಕುಸಿದುಬಿದ್ದರು. ಶುಶ್ರೂಷಕಿಯರು ಅವರನ್ನು ಎಬ್ಬಿಸಲು ಪ್ರಯತ್ನಿಸಿದರು; ಆದರೆ ಅವರಿಗೆ ತೀವ್ರ ಹೃದಯಾಘಾತವಾಗಿ ಅವರು ಅಲ್ಲೇ ಮೃತಪಟ್ಟರು. ಪ್ರಶಾಂತ ಅವರಿಗೆ ಒಟ್ಟು ಮೂವರು ಮಕ್ಕಳಿದ್ದಾರೆ. ಅವರ ಮರಣದ ನಂತರ, ಕೆನಡಾದಲ್ಲಿನ ಆರೋಗ್ಯ ವ್ಯವಸ್ಥೆ ಮತ್ತು ಅಲ್ಲಿ ಭಾರತೀಯರಿಗೆ ಸಿಗುವ ಸೌಲಭ್ಯಗಳ ಬಗ್ಗೆ ಈಗ ಪ್ರಶ್ನಾರ್ಥಕ ಚಿಹ್ನೆಗಳು ಎದ್ದಿವೆ.