ಪಾಕಿಸ್ತಾನದಿಂದ 20 ಲಕ್ಷ ಪೈಕಿ 10 ಲಕ್ಷ ಅಫ್ಘಾನ್ ನಿರಾಶ್ರಿತರ ಉಚ್ಚಾಟನೆ

ನ್ಯೂಯಾರ್ಕ್ (ಅಮೇರಿಕಾ) – ಪಾಕಿಸ್ತಾನದಲ್ಲಿ ಪ್ರಸ್ತುತ ಸುಮಾರು 20 ಲಕ್ಷ ಅಫ್ಘಾನ್ ನಿರಾಶ್ರಿತರು ವಾಸಿಸುತ್ತಿದ್ದಾರೆ ಎಂದು ವಿಶ್ವಸಂಸ್ಥೆಯ ನಿರಾಶ್ರಿತರ ಸಂಸ್ಥೆ ತಿಳಿಸಿದೆ. ವಿಶೇಷವೆಂದರೆ 2025 ರಲ್ಲಿ ಈವರೆಗೆ 10 ಲಕ್ಷಕ್ಕೂ ಹೆಚ್ಚು ಅಫ್ಘಾನ್ ನಾಗರಿಕರು ತಮ್ಮ ದೇಶಕ್ಕೆ ಮರಳಿದ್ದಾರೆ. ವಿಶ್ವಸಂಸ್ಥೆಯ ಇತ್ತೀಚಿನ ಅಂಕಿಅಂಶಗಳ ಪ್ರಕಾರ, ಪಾಕಿಸ್ತಾನ ಸರಕಾರದ ‘ಇಲ್ಲಿಗಲ್ ಫಾರಿನರ್ಸ್ ರಿಪ್ಯಾಟ್ರಿಯೇಶನ್ ಪ್ಲಾನ್’ ಅಡಿಯಲ್ಲಿ ಅಫ್ಘಾನಿಯರನ್ನು ವಾಪಸ್ ಕಳುಹಿಸುವ ಅಭಿಯಾನವು ವೇಗವಾಗಿ ನಡೆಯುತ್ತಿದೆ. ಕೇವಲ ನವೆಂಬರ್ ತಿಂಗಳಲ್ಲೇ 1 ಲಕ್ಷ 71 ಸಾವಿರದ 55 ಅಫ್ಘಾನ್ ನಾಗರಿಕರು ಅಫ್ಘಾನಿಸ್ತಾನಕ್ಕೆ ಮರಳಿದ್ದಾರೆ. ಇವರಲ್ಲಿ 37 ಸಾವಿರದ 899 ಜನರನ್ನು ಚಮನ್, ತೋರ್ಖಮ್ ಮತ್ತು ಬಾರಾಬಚಾ ಗಡಿ ಮಾರ್ಗಗಳ ಮೂಲಕ ದೇಶದಿಂದ ಹೊರಕ್ಕೆ ಕಳುಹಿಸಲಾಗಿದೆ.