ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಶಂಕರಾಚಾರ್ಯ ಶ್ರೀ ಸ್ವಾಮಿ ಅವಿಮುಕ್ತೇಶ್ವರಾನಂದ ಸರಸ್ವತಿ ಅವರಿಂದ ಹಿಂದೂತ್ವನಿಷ್ಠ ಮಯಾಂಕ್ ಜೈನ್ ಹಾಗೂ ಮೀನಾಕ್ಷಿ ಶರಣ್ ಅವರ ಸತ್ಕಾರ!

ಶಂಕರಾಚಾರ್ಯ ಶ್ರೀ ಸ್ವಾಮಿ ಅವಿಮುಕ್ತೇಶ್ವರಾನಂದ ಸರಸ್ವತಿ ಅವರಿಂದ ಹಿಂದೂತ್ವನಿಷ್ಠ ಮಯಾಂಕ್ ಜೈನ್ ಹಾಗೂ ಮೀನಾಕ್ಷಿ ಶರಣ್ ಅವರ ಸತ್ಕಾರ!

ನವದೆಹಲಿ – ಹಿಂದೂತ್ವನಿಷ್ಠ ಮಯಾಂಕ್ ಜೈನ್ ಅವರ ‘ಕ್ರಿಮ್ಸನ್ ಕ್ರಿಸೆಂಟ್ – ದ ಲಾಸ್ಟ್ ಕ್ವಾರ್ಟರ್’ ಎಂಬ ಸಾಕ್ಷ್ಯಚಿತ್ರವನ್ನು ಡಿಸೆಂಬರ್ 12 ರಂದು ‘ಕುರುಕ್ಷೇತ್ರ ಗುರುಕುಲ ಫೌಂಡೇಶನ್ ಧರ್ಮ ಅಲಂಕಾರ’ ಕಾರ್ಯಕ್ರಮದಲ್ಲಿ ಜಗದ್ಗುರು ಜ್ಯೋತಿರ್ಮಠ ಶಂಕರಾಚಾರ್ಯ ಶ್ರೀ ಸ್ವಾಮಿ ಅವಿಮುಕ್ತೇಶ್ವರಾನಂದ ಸರಸ್ವತಿ ಅವರು ಲೋಕಾರ್ಪಣೆಗೊಳಿಸಿದರು. ಈ ಸಂದರ್ಭದಲ್ಲಿ ಶಂಕರಾಚಾರ್ಯರು ಅವರಿಗೆ ಪ್ರಶಸ್ತಿ ನೀಡಿ ಗೌರವಿಸಿದರು. ಈ ಬಗ್ಗೆ ಪ್ರತಿಕ್ರಿಯಿಸಿದ ಮಯಾಂಕ್ ಜೈನ್, “ಇದು ಕೇವಲ ಪ್ರಶಸ್ತಿಯಲ್ಲ, ಬದಲಿಗೆ ಒಂದು ಸಾಂಸ್ಕೃತಿಕ ಚಳವಳಿಗೆ ಸಂದ ಗೌರವವಾಗಿದೆ” ಎಂದು ಹೇಳಿದರು.

‘ಕ್ರಿಮ್ಸನ್ ಕ್ರಿಸೆಂಟ್ – ದ ಲಾಸ್ಟ್ ಕ್ವಾರ್ಟರ್’ ಸಾಕ್ಷ್ಯಚಿತ್ರವು ಆಫ್ರಿಕಾ, ದಕ್ಷಿಣ ಏಷ್ಯಾ ಮತ್ತು ಆಗ್ನೇಯ ಏಷ್ಯಾದ ಮದರಸಾಗಳ ಮೂಲಕ ವಹಾಬಿ ಸಿದ್ಧಾಂತವು (ಕುರಾನ್ ಮತ್ತು ಸುನ್ನತ್‌ಗಳ ಅಕ್ಷರಶಃ ಅರ್ಥಕ್ಕೆ ಒತ್ತು ನೀಡುವ ಸಿದ್ಧಾಂತ) ಹೇಗೆ ಹರಡುತ್ತಿದೆ ಎಂಬ ಮಾಹಿತಿಯನ್ನು ಒಳಗೊಂಡಿದೆ. ಈ ಸಿದ್ಧಾಂತವನ್ನು ಹರಡಿದ ಸೌದಿ ಅರೇಬಿಯಾದಲ್ಲಿ ಇಂದು ರಾಜಕುಮಾರ ಮೊಹಮ್ಮದ್ ಬಿನ್ ಸಲ್ಮಾನ್ ಅವರ ನಾಯಕತ್ವದಲ್ಲಿ ಸುಧಾರಣೆಯ ಗಾಳಿ ಬೀಸುತ್ತಿದೆ. “ರಾಜಕುಮಾರ ಮೊಹಮ್ಮದ್ ಬಿನ್ ಸಲ್ಮಾನ್ ಅವರು ಕಟ್ಟರ್ ಇಸ್ಲಾಂನಲ್ಲಿ ಸುಧಾರಣೆ ತರುತ್ತಾರೆಯೇ?” ಎಂಬ ಪ್ರಶ್ನೆಯನ್ನು ಈ ಸಾಕ್ಷ್ಯಚಿತ್ರದಲ್ಲಿ ಎತ್ತಲಾಗಿದೆ.

ಹಿಂದೂತ್ವನಿಷ್ಠ ಮೀನಾಕ್ಷಿ ಶರಣ್ ಅವರಿಗೆ ‘ದೇವಿ ದುರ್ಗಾ’ ಪ್ರಶಸ್ತಿ ನೀಡಿ ಗೌರವ

ಕಳೆದ 1 ಸಾವಿರದ 400 ವರ್ಷಗಳಲ್ಲಿ ಸನಾತನ ಧರ್ಮದ ರಕ್ಷಣೆಗಾಗಿ ಪ್ರಾಣಾರ್ಪಣೆ ಮಾಡಿದ 80 ಕೋಟಿಗೂ ಹೆಚ್ಚು ಹಿಂದೂಗಳ ಸ್ಮರಣಾರ್ಥವಾಗಿ ‘ಅಯೋಧ್ಯಾ ಫೌಂಡೇಶನ್’ನ ಸಂಸ್ಥಾಪಕಿ ಮೀನಾಕ್ಷಿ ಶರಣ್ ಅವರು ಕಳೆದ 10 ವರ್ಷಗಳಿಂದ ‘ಸಾಮೂಹಿಕ ತರ್ಪಣ’ ಕಾರ್ಯಕ್ರಮವನ್ನು ನಡೆಸುತ್ತಿದ್ದಾರೆ.

ಅವರ ಈ ಸೇವೆಯನ್ನು ಗುರುತಿಸಿ ಸ್ವಾಮಿ ಅವಿಮುಕ್ತೇಶ್ವರಾನಂದರು ಅವರಿಗೆ ‘ದೇವಿ ದುರ್ಗಾ’ ಪ್ರಶಸ್ತಿ ನೀಡಿ ಗೌರವಿಸಿದರು. “ಶಂಕರಾಚಾರ್ಯರ ಆಶೀರ್ವಾದದಿಂದ ಈ ಉಪಕ್ರಮವನ್ನು ನಡೆಸುತ್ತಿರುವ ಹಿಂದೂತ್ವನಿಷ್ಠರ ಸಂಕಲ್ಪವು ಇನ್ನಷ್ಟು ದೃಢವಾಗಿದೆ” ಎಂದು ಮೀನಾಕ್ಷಿ ಶರಣ್ ತಿಳಿಸಿದರು.

ಸಂಬಂಧಿತ ಲೇಖನಗಳು