ಮನರೇಗಾ ಕಾನೂನನ್ನು ರದ್ದುಗೊಳಿಸುವ ಹೊಸ ಕಾನೂನು ಬರಲಿದೆ

ಮ. ಗಾಂಧೀಜಿಯವರ ಹೆಸರನ್ನು ಕೈಬಿಡಲಾಗುತ್ತಿದೆ !

ನವದೆಹಲಿ – ಕೇಂದ್ರ ಸರಕಾರವು ೨೦೦೫ ರಲ್ಲಿ ಜಾರಿಗೆ ತಂದ ಮನರೇಗಾ (ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತ್ರಿ ಅಧಿನಿಯಮ) ಕಾನೂನನ್ನು ಮುಚ್ಚಲು ಸಿದ್ಧತೆ ನಡೆಸುತ್ತಿದೆ. ಇದರ ಬದಲಿಗೆ, ಸಂಪೂರ್ಣ ಹೊಸ ಮಸೂದೆಯನ್ನು ತರಲಾಗುತ್ತಿದ್ದು, ಅದಕ್ಕೆ ‘ವಿಕಸಿತ ಭಾರತ ಉದ್ಯೋಗ ಮತ್ತು ಆಜೀವಿಕಾ ಖಾತರಿ ಅಭಿಯಾನ ಗ್ರಾಮೀಣ ಮಸೂದೆ ೨೦೨೫’ (ವಿಬಿ- ಜಯರಾಮಜೀ ಕೀ) ಎಂದು ಹೆಸರಿಸಲಾಗಿದೆ. ಈ ಹೊಸ ಕಾನೂನು ಸಹ ಗ್ರಾಮೀಣ ಉದ್ಯೋಗಕ್ಕಾಗಿಯೇ ಮೀಸಲಾಗಿರಲಿದೆ. ಕಾಂಗ್ರೆಸ್ ಸಂಸದೆ ಪ್ರಿಯಾಂಕಾ ವಾದ್ರಾ ಅವರು ಇದಕ್ಕೆ ವಿರೋಧ ವ್ಯಕ್ತಪಡಿಸಿ ಟೀಕಿಸಿದ್ದಾರೆ.

ಪ್ರಿಯಾಂಕಾ ವಾದ್ರಾ ಅವರು ಮಾತನಾಡಿ, ಮಹಾತ್ಮ ಗಾಂಧೀಜಿಯವರ ಹೆಸರನ್ನು ಏಕೆ ತೆಗೆಯಲಾಗುತ್ತಿದೆ ಎಂಬುದೇ ನಮ್ಮ ಪ್ರಶ್ನೆ. ಮಹಾತ್ಮ ಗಾಂಧಿ ಕೇವಲ ದೇಶದಲ್ಲಿ ಮಾತ್ರವಲ್ಲದೆ, ಇಡೀ ವಿಶ್ವದಲ್ಲಿ ಶ್ರೇಷ್ಠ ನಾಯಕರೆಂದು ಪರಿಗಣಿಸಲಾಗಿದೆ. ಅಂತಹ ವ್ಯಕ್ತಿಯ ಹೆಸರನ್ನು ತೆಗೆದುಹಾಕುವುದರ ಹಿಂದಿನ ಉದ್ದೇಶವೇನು? ಇದು ನಮಗೆ ಅರ್ಥವಾಗುತ್ತಿಲ್ಲ. ಸರಕಾರದ ಉದ್ದೇಶವೇನು? ಎಂದು ಪ್ರಿಯಾಂಕಾ ಪ್ರಶ್ನಿಸಿದ್ದಾರೆ.