ರಾಷ್ಟ್ರೀಯ ಭದ್ರತೆಗೆ ಅಪಾಯಕಾರಿಯಾದ ಹಲಾಲ್ ಪ್ರಮಾಣಪತ್ರವನ್ನುದೇಶಾದ್ಯಂತ ನಿಷೇಧಿಸಬೇಕು! Nagpur Halal Certification Ban

ನಾಗಪುರ, ಡಿಸೆಂಬರ್ ೯ (ಸುದ್ದಿ) – ದೇಶದಲ್ಲಿ ಕೆಲವು ಖಾಸಗಿ ಇಸ್ಲಾಮಿ ಸಂಘಟನೆಗಳು ನಡೆಸುತ್ತಿರುವ ಅಕ್ರಮ ಹಲಾಲ್ ಪ್ರಮಾಣಪತ್ರದಿಂದಾಗಿ ದೇಶದಲ್ಲಿ ಗಂಭೀರವಾದ ಸಂಕಟ ಎದುರಾಗಿದೆ. ಇದು ಗಂಭೀರ ವಿಷಯವಾಗಿದೆ. ಈ ವ್ಯವಸ್ಥೆಯು ಕೇವಲ ಒಂದು ವಾಣಿಜ್ಯ ವಿಷಯವಾಗಿ ಉಳಿದಿಲ್ಲ, ಬದಲಿಗೆ ಇದು ಭಾರತದ ಸಾರ್ವಭೌಮತ್ವಕ್ಕೆ ಸವಾಲೊಡ್ಡುವ ಮತ್ತು ರಾಷ್ಟ್ರೀಯ ಭದ್ರತೆಗೆ ಅಪಾಯಕಾರಿಯಾಗಿ ಪರಿಣಮಿಸಿದೆ. ಆದ್ದರಿಂದ, ಉತ್ತರಪ್ರದೇಶದ ಮಾದರಿಯಲ್ಲಿ ‘ಹಲಾಲ್ ಪ್ರಮಾಣಪತ್ರ’ ವ್ಯವಸ್ಥೆಯ ಮೇಲೆ ದೇಶಾದ್ಯಂತ ನಿಷೇಧ ಹೇರಬೇಕು ಎಂದು ಭಾಜಪ ಶಾಸಕ ಶ್ರೀ. ಮೋಹನ ಮಾಟೆ ಅವರು ಡಿಸೆಂಬರ್ ೯ ರಂದು ವಿಧಾನಸಭೆಯಲ್ಲಿ ಒತ್ತಾಯಿಸಿದರು. ಅವರು ಔಚಿತ್ಯದ ಸೂತ್ರವನ್ನು ಮಂಡಿಸುವಾಗ ಮಾತನಾಡುತ್ತಿದ್ದರು.

Maharashtra Assembly, BJP MLA Mohan Mate @MohanMateBJP raises two major concerns:

❗ Ban Halal certification nationwide – cites risks to national security

❗ Enact a law to protect Devasthan lands from illegal acquisition.
The nation cannot ignore these warnings! 🇮🇳 pic.twitter.com/fiV56VXeLE

— Sanatan Prabhat (@SanatanPrabhat) December 9, 2025

ದೇವಸ್ಥಾನಗಳ ಕೃಷಿ ಭೂಮಿಯನ್ನು ರಕ್ಷಿಸಲು ಅಕ್ರಮ ಭೂಸ್ವಾಧೀನ ವಿರೋಧಿ ಕಾನೂನು ರೂಪಿಸಬೇಕು!

ಶಾಸಕ ಶ್ರೀ. ಮೋಹನ ಮಾಟೆ ಅವರು  ತಮ್ಮ ಮಾತನ್ನು ಮುಂದುವರಿಸಿ, ದೇವಸ್ಥಾನದ ಆವರಣದ ಸರೋವರಗಳ ಸ್ವಚ್ಛತೆಗಾಗಿ ಮತ್ತು ಉತ್ಸವಗಳನ್ನು ಆಚರಿಸಲು ಭಕ್ತರು ನಿಧಿಗಾಗಿ ಕೈ ಚಾಚಬೇಕಾಗಿದೆ. ಅವರ ಮಾಲೀಕತ್ವದ ಭೂಮಿಯನ್ನು ಭೂಮಾಫಿಯಾಗಳು ಕಬಳಿಸುತ್ತಿದ್ದಾರೆ .ಇದು ಛತ್ರಪತಿ ಶಿವಾಜಿ ಮಹಾರಾಜರ ಮಹಾರಾಷ್ಟ್ರಕ್ಕೆ ಶೋಭೆ ತರುವ ವಿಷಯವಲ್ಲ. ಆದ್ದರಿಂದ, ದೇಶಕ್ಕೆ ಛತ್ರಪತಿ ಶಿವಾಜಿ ಮಹಾರಾಜರಂತಹ ಧರ್ಮಾಧಿಷ್ಠ ರಾಜರ ಅಗತ್ಯವಿದೆ. ಛತ್ರಪತಿ ಶಿವಾಜಿ ಮಹಾರಾಜರ ಆದರ್ಶವನ್ನು ಕಣ್ಮುಂದೆ ಇಟ್ಟುಕೊಂಡು ದೇವಸ್ಥಾನ ಮತ್ತು ಅವುಗಳ ಆಸ್ತಿಗಳನ್ನು ರಕ್ಷಿಸಬೇಕು. ದೇವಸ್ಥಾನಗಳ ಸಾವಿರಾರು ಎಕರೆ ಕೃಷಿ ಭೂಮಿಯನ್ನು ಭೂಮಾಫಿಯಾಗಳು ಕಬಳಿಸಿರುವುದರಿಂದ, ಅವುಗಳ ರಕ್ಷಣೆಗಾಗಿ ಗುಜರಾತ ಮತ್ತು ಕರ್ನಾಟಕ ರಾಜ್ಯಗಳ ಮಾದರಿಯಲ್ಲಿ ಕಠಿಣ ‘ಕಾನೂನುಬಾಹಿರ ಭೂಮಿ ವಶಪಡಿಸಿಕೊಳ್ಳುವಿಕೆ ವಿರೋಧಿ ಕಾಯ್ದೆ’ಯನ್ನು ತಕ್ಷಣ ಜಾರಿಗೊಳಿಸಿ ವಿಶೇಷ ತನಿಖಾ ದಳಗಳನ್ನು ಸ್ಥಾಪಿಸಬೇಕು, ಎಂದು ಅವರು ಈ ಸಂದರ್ಭದಲ್ಲಿ ಕೋರಿಕೆ ಸಲ್ಲಿಸಿದರು.