ಅಮೆರಿಕದಿಂದ ಭಾರತಕ್ಕೆ ೧೦೦ ‘ಜಾವೆಲಿನ್’ ಕ್ಷಿಪಣಿ ವ್ಯವಸ್ಥೆಗಳ ಮಾರಾಟ : Javelin Missile

ಜಾವೆಲಿನ್’ ಕ್ಷಿಪಣಿಯ ವೈಶಿಷ್ಟ

‘ಜಾವೆಲಿನ್’ ಇದೊಂದು ಟ್ಯಾಂಕ್ ವಿರೋಧಿ ಕ್ಷಿಪಣಿಯಾಗಿದ್ದು, ಟ್ಯಾಂಕ್‌ಗಳು, ಶಸ್ತ್ರಸಜ್ಜಿತ ವಾಹನಗಳು ಮತ್ತು ಬಂಕರ್‌ಗಳನ್ನು ನಾಶ ಮಾಡಲು ಇದನ್ನು ವಿನ್ಯಾಸಗೊಳಿಸಲಾಗಿದೆ. ಈ ಕ್ಷಿಪಣಿಯನ್ನು ಸೈನಿಕರು ತಮ್ಮ ಭುಜದಿಂದಲೂ ಸಹ ಹಾರಿಸಬಹುದಾಗಿದೆ. ಈ ಕ್ಷಿಪಣಿಯು ಉಷ್ಣತೆಯನ್ನು ಗುರುತಿಸಿ ಗುರಿಗಳ ಮೇಲೆ ದಾಳಿ ಮಾಡುತ್ತದೆ.

ಈ ಕ್ಷಿಪಣಿಯು ೨,೫೦೦ ಮೀಟರ್ ದೂರದವರೆಗೆ ಗುರಿಯನ್ನು ಭೇದಿಸುವ ಸಾಮರ್ಥ್ಯ ಹೊಂದಿದೆ. ಹೊಗೆ, ಧೂಳು ಅಥವಾ ಪ್ರತಿಕೂಲ ಹವಾಮಾನದಲ್ಲಿಯೂ ಸಹ ಈ ಕ್ಷಿಪಣಿ ಗುರಿಗಳನ್ನು ಹೊಡೆಯುವ ಸಾಮರ್ಥ್ಯ ಹೊಂದಿದೆ.