ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಭಾರತೀಯ ಸೇನೆಯಿಂದ ಅರುಣಾಚಲ ಪ್ರದೇಶದಲ್ಲಿ ೧೬ ಸಾವಿರ ಅಡಿ ಎತ್ತರದಲ್ಲಿ ‘ಮೋನೋರೈಲ್’ ನಿರ್ಮಾಣ ! – Indian Army’s High-Altitude Monorail

ಭಾರತೀಯ ಸೇನೆಯಿಂದ ಅರುಣಾಚಲ ಪ್ರದೇಶದಲ್ಲಿ ೧೬ ಸಾವಿರ ಅಡಿ ಎತ್ತರದಲ್ಲಿ ‘ಮೋನೋರೈಲ್’ ನಿರ್ಮಾಣ ! – Indian Army’s High-Altitude Monorail

  • ಸೇನೆಯ ‘ಗಜರಾಜ್ ಕಾರ್ಪ್ಸ್’ನ ಸಾಧನೆ

  • ಪರ್ವತ ಪ್ರದೇಶಗಳಿಗೆ ನೆರವು ತಲುಪಿಸಲು ಸುಲಭವಾಗಲಿದೆ

ಅರುಣಾಚಲ ಪ್ರದೇಶ – ಭಾರತೀಯ ಸೇನೆಯ ‘ಗಜರಾಜ್ ಕಾರ್ಪ್ಸ್’ (ಗಜರಾಜ್ ಪಥಕ) ಒಂದು ‘ಇನ್-ಹೌಸ್ ಹೈ ಆಲ್ಟಿಟ್ಯೂಡ್ ಮೋನೋರೈಲ್ ಸಿಸ್ಟಮ್’ ಅನ್ನು ಅಭಿವೃದ್ಧಿಪಡಿಸಿದೆ. ಅರುಣಾಚಲ ಪ್ರದೇಶದ ಕಡಿದಾದ ಪರ್ವತ ಪ್ರದೇಶದಲ್ಲಿ ೧೬ ಸಾವಿರ ಅಡಿ ಎತ್ತರದಲ್ಲಿ ಈ ಮೋನೋರೈಲ್ (ಸಣ್ಣ ಆಧುನಿಕ ರೈಲುಗಾಡಿ) ಅನ್ನು ಓಡಿಸಲಾಗಿದೆ. ಇದರಿಂದ ಸೈನಿಕರಿಗೆ ಅಗತ್ಯವಿರುವ ವಸ್ತುಗಳನ್ನು ತ್ವರಿತವಾಗಿ ತಲುಪಿಸಲು ಸಾಧ್ಯವಾಗಲಿದೆ.

ಸೈನಿಕರ ಸಮಯ ಮತ್ತು ಶ್ರಮ ಉಳಿಯುತ್ತದೆ, ಅಪಾಯ ಕಡಿಮೆಯಾಗುತ್ತದೆ !

ಈ ಹೊಸ ವ್ಯವಸ್ಥೆಯು ರಸ್ತೆಗಳು ಅಥವಾ ಇತರ ವಾಹನಗಳು ಲಭ್ಯವಿಲ್ಲದ ಹಿಮಾಲಯದ ಕಾಮೆಂಗ್ ಪ್ರದೇಶದಲ್ಲಿ ಸರಬರಾಜು ಮಾಡಲು ಭಾರತೀಯ ಸೇನೆಗೆ ಸಹಾಯ ಮಾಡುತ್ತಿದೆ. ಪರ್ವತಗಳಲ್ಲಿನ ಕಿರಿದಾದ ರಸ್ತೆಗಳು, ಸಡಿಲವಾದ ಬಂಡೆಗಳು, ಅನಿರೀಕ್ಷಿತ ಹವಾಮಾನ ಮತ್ತು ಸೀಮಿತ ಆಮ್ಲಜನಕದಿಂದಾಗಿ, ಚಿಕ್ಕ ದೂರವೂ ಸಹ ದೂರದ ಮತ್ತು ಕಷ್ಟಕರವೆನಿಸುತ್ತದೆ. ಅನೇಕ ಬಾರಿ ಸೈನಿಕರು ವಿವಿಧ ಅಗತ್ಯ ವಸ್ತುಗಳನ್ನು ತಮ್ಮ ಬೆನ್ನಿನ ಮೇಲೆ ಹೊತ್ತುಕೊಂಡು ಹೋಗಬೇಕಾಗಿತ್ತು. ಅದಕ್ಕಾಗಿ ಸಮಯ ಮತ್ತು ಶ್ರಮ ತಗಲುತಿತ್ತು. ಈಗ ಮೋನೋರೈಲ್‌ನಿಂದಾಗಿ ಸಮಯ ಮತ್ತು ಶ್ರಮ ಎರಡೂ ಉಳಿತಾಯವಾಗಲಿದೆ ಮತ್ತು ಅಪಾಯವೂ ಕಡಿಮೆಯಾಗಲಿದೆ.

ಸಂಬಂಧಿತ ಲೇಖನಗಳು