ಅಫ್ಘಾನಿಸ್ತಾನದ ತಾಲಿಬಾನ್ ಸರಕಾರ ಮತ್ತು ಪಾಕಿಸ್ತಾನದ ನಡುವಿನ ಸಭೆ ವಿಫಲವಾದರೆ, ಯುದ್ಧ ಗ್ಯಾರಂಟಿ!

ಪಾಕಿಸ್ತಾನದ ರಕ್ಷಣಾ ಸಚಿವ ಖ್ವಾಜಾ ಆಸಿಫ್ ಅವರ ಹೇಳಿಕೆ

ಇಸ್ಲಾಮಾಬಾದ್ (ಪಾಕಿಸ್ತಾನ) – ಪಾಕಿಸ್ತಾನದ ರಕ್ಷಣಾ ಸಚಿವ ಖ್ವಾಜಾ ಆಸಿಫ್ ಅವರು ಅಫ್ಘಾನಿಸ್ತಾನದ ತಾಲಿಬಾನ್ ಸರಕಾರಕ್ಕೆ ನೇರವಾಗಿ ಯುದ್ಧದ ಬೆದರಿಕೆ ಹಾಕಿದ್ದಾರೆ. ಇಸ್ತಾನ್‌ಬುಲ್ (ಟರ್ಕಿಯೆ)ನಲ್ಲಿ ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನದ ನಿಯೋಗಗಳ ಸಭೆ ನಡೆಯುವ ಕೆಲವೇ ಗಂಟೆಗಳ ಮೊದಲು ಈ ಬೆದರಿಕೆ ನೀಡಲಾಗಿದೆ. ‘ತಾಲಿಬಾನ್‌ನೊಂದಿಗೆ ನಡೆಯುವ ಸಭೆಯಲ್ಲಿ ಪರಿಹಾರ ಸಿಗದಿದ್ದರೆ ಮುಂದೆ ಏನಾಗುತ್ತದೆ?’ ಎಂದು ಒಂದು ಸುದ್ದಿವಾಹಿನಿಯ ಸಂದರ್ಶನದಲ್ಲಿ ಆಸಿಫ್ ಅವರಿಗೆ ಕೇಳಲಾಯಿತು. ಅದಕ್ಕೆ ಅವರು, ‘ಸಭೆ ವಿಫಲವಾದರೆ, ಯುದ್ಧವೇ ನಡೆಯಲಿದೆ’ ಎಂದು ಸ್ಪಷ್ಟವಾಗಿ ಉತ್ತರಿಸಿದರು. ಈ ಹೇಳಿಕೆಯಿಂದಾಗಿ ಎರಡೂ ದೇಶಗಳ ನಡುವಿನ ಉದ್ವಿಗ್ನತೆ ಮತ್ತಷ್ಟು ಹೆಚ್ಚಿದೆ.

💣 Pakistan Defence Minister Khawaja Asif warns that if talks with the Taliban Government in Afghanistan fail, it will lead to war.

🕊️ The statement came hours before the Pak–Afghan meeting in Istanbul.

⚔️ Asif accused the Taliban of sheltering terrorists and not acting against… pic.twitter.com/4wGJoHGDsp

— Sanatan Prabhat (@SanatanPrabhat) November 6, 2025

ತಾಲಿಬಾನ್ ಸರಕಾರವು ಭಯೋತ್ಪಾದಕರಿಗೆ ಆಶ್ರಯ ನೀಡುತ್ತಿದೆ ಮತ್ತು ಪಾಕಿಸ್ತಾನದ ಮೇಲೆ ದಾಳಿ ಮಾಡುವವರ ವಿರುದ್ಧ ತಾಲಿಬಾನ್ ಕ್ರಮ ಕೈಗೊಳ್ಳುತ್ತಿಲ್ಲ ಎಂದು ಆಸಿಫ್ ಅವರು ಆರೋಪ ಮಾಡಿದ್ದಾರೆ. ತಾಲಿಬಾನ್ ಈ ಆರೋಪಗಳನ್ನು ನಿರಾಕರಿಸಿದ್ದು, ಪಾಕಿಸ್ತಾನದಿಂದ ಅಫ್ಘಾನ್ ನಾಗರಿಕರ ಮೇಲೆ ನಡೆದ ಡ್ರೋನ್ ದಾಳಿಗಳನ್ನು ಖಂಡಿಸಿದೆ. ಅಲ್ಲದೇ ‘ಇಸ್ಲಾಮಿಕ್ ಸ್ಟೇಟ್’ ಭಯೋತ್ಪಾದಕರಿಗೆ ಪಾಕ್ ಆಶ್ರಯ ನೀಡುತ್ತಿದೆ ಎಂದು ತಾಲಿಬಾನ್ ಆರೋಪಿಸಿದೆ.