“ಅಮೆರಿಕಾ-ರಷ್ಯಾ ಸೋಲಿಸಿದೆ ಎಂದು ದಾವೆ ಮಾಡಿದ ಪಾಕ್‌ಗೆ ಕಾಶ್ಮೀರ ಗೆಲ್ಲಲಾಗಲಿಲ್ಲ!”

ಪಾಕಿಸ್ತಾನ ಸೈನ್ಯದ ಗೇಲಿ ಮಾಡಿದ ಅಫ್ಘಾನಿಸ್ತಾನದ ತಾಲಿಬಾನ್ ಸರಕಾರದ ಸಲಹೆಗಾರ!

ಕೌಲಬ್ (ಅಫ್ಘಾನಿಸ್ತಾನ) – ಪಾಕಿಸ್ತಾನದ ಸೈನ್ಯದಲ್ಲಿ ಒಂದು ನಿರ್ದಿಷ್ಟ ವರ್ಗವಿದೆ. ಅದು ಮಾಧ್ಯಮಗಳ ಮೂಲಕ ‘ನಾವು ಅಮೆರಿಕಾವನ್ನು ಸೋಲಿಸಿದೆವು, ನಾವು ರಷ್ಯಾವನ್ನು ಸೋಲಿಸಿದೆವು’ ಎಂದು ಜನರಲ್ಲಿ ಪ್ರಚಾರ ಮಾಡುತ್ತದೆ. ಆದರೆ, ನೀವು ಅಮೆರಿಕಾವನ್ನು ಸೋಲಿಸಿದ್ದರೆ, ರಷ್ಯಾ ಮತ್ತು ‘ನ್ಯಾಟೋ’ (ಅಂದರೆ ‘ನಾರ್ತ್ ಅಟ್ಲಾಂಟಿಕ್ ಟ್ರೀಟಿ ಆರ್ಗನೈಸೇಷನ್’ ಎಂಬ ವಿಶ್ವದ 29 ದೇಶಗಳನ್ನು ಒಳಗೊಂಡಿರುವ ಒಂದು ಮಿಲಿಟರಿ ಸಂಘಟನೆ)ವನ್ನು ಸೋಲಿಸಿದ್ದರೆ, ‘ಪಾಕಿಸ್ತಾನದ ಸೈನ್ಯವು ಕಾಶ್ಮೀರದ ಕೆಲವು ಕಿಲೋಮೀಟರ್ ಭೂಮಿಯನ್ನು ಏಕೆ ಸ್ವತಂತ್ರಗೊಳಿಸಲು ಸಾಧ್ಯವಾಗಲಿಲ್ಲ?’ ಎಂದು ಅಫ್ಘಾನಿಸ್ತಾನದಲ್ಲಿರುವ ತಾಲಿಬಾನ್ ಸರಕಾರದ ಮಾಹಿತಿ ಸಚಿವಾಲಯದ ಸಲಹೆಗಾರರಾದ ಖಾರಿ ಸಯೀದ್ ಖೋಸ್ತಿ ಅವರು ಪಾಕಿಸ್ತಾನದ ಸೈನ್ಯವನ್ನು ಗೇಲಿ ಮಾಡುತ್ತಾ ಪ್ರಶ್ನಿಸಿದ್ದಾರೆ. ಅವರು ಪಾಕಿಸ್ತಾನದ ಮಾಜಿ ಸೈನ್ಯಾಧಿಕಾರಿ ಆದಿಲ್ ರಾಜಾ ಅವರೊಂದಿಗೆ ನಡೆದ ಆನ್‌ಲೈನ್ ಸಂದರ್ಶನದಲ್ಲಿ ಮಾತನಾಡುತ್ತಿದ್ದರು.

🇦🇫💥 Taliban advisor humiliates Pakistan Army

Qari Saeed Khosti, advisor to Afghanistan’s Taliban govt, taunts Pakistan:
“The army that claims to have defeated America and Russia couldn’t even conquer Kashmir. Pakistani generals became billionaires from the money given by… pic.twitter.com/oa3niAidgW

— Sanatan Prabhat (@SanatanPrabhat) November 1, 2025

ಅಮೆರಿಕಾ ನೀಡಿದ ಹಣದಿಂದ ಪಾಕಿಸ್ತಾನದ ಸೈನ್ಯಾಧಿಕಾರಿಗಳು ಬಿಲಿಯನೇರ್‌ಗಳಾಗಿದ್ದಾರೆ!

ಈ ಸಂದರ್ಶನದಲ್ಲಿ ಖೋಸ್ತಿ ಅವರು ಮಾತು ಮುಂದುವರೆಸಿ, ಪಾಕಿಸ್ತಾನಿ ಸೈನ್ಯಾಧಿಕಾರಿಗಳು ಕೇವಲ ಸುಳ್ಳು ಹೇಳಿಕೆಗಳನ್ನು ನೀಡುತ್ತಾರೆ. ವಾಸ್ತವವಾಗಿ, ಅಮೆರಿಕಾ ಮತ್ತು ಸೋವಿಯತ್ ಯೂನಿಯನ್ ವಿರುದ್ಧದ ವಿಜಯದಲ್ಲಿ ಪಾಕಿಸ್ತಾನಿ ಸೈನ್ಯದ ಯಾವುದೇ ಪಾತ್ರವಿರಲಿಲ್ಲ. ಈ ವಿಜಯವು ಕೇವಲ ಅಫ್ಘಾನಿಸ್ತಾನದ ಜನರ ಹೋರಾಟದ ಫಲಿತಾಂಶವಾಗಿತ್ತು. ಕಳೆದ 21 ವರ್ಷಗಳಲ್ಲಿ ಪಾಕಿಸ್ತಾನವು ಅಮೆರಿಕಾದಿಂದ ಶತಕೋಟಿ ಡಾಲರ್‌ಗಳನ್ನು ಪಡೆಯಿತು. ಸೈನ್ಯಾಧಿಕಾರಿಗಳು ಬಿಲಿಯನೇರ್‌ಗಳಾದರು ಮತ್ತು ಅವರು ಆ ಹಣವನ್ನು ತಮ್ಮ ಬಂಗಲೆಗಳನ್ನು ನಿರ್ಮಿಸಲು ಮತ್ತು ಭೂಮಿ ಖರೀದಿಸಲು ಬಳಸಿದರು, ಎಂದು ಹೇಳಿದರು.