ಅಫ್ಘಾನಿಸ್ತಾನದ ಮೇಲೆ ಆಕ್ರಮಣವಾದರೆ ಇಸ್ಲಾಮಾಬಾದ್ ಅನ್ನು ನಾಶ ಮಾಡುತ್ತೇವೆ – ತಾಲಿಬಾನ್‌ ಎಚ್ಚರಿಕೆ.

ತಾಲಿಬಾನ್ – ಪಾಕಿಸ್ತಾನದ ನಡುವಿನ ಮಾತುಕತೆ ವಿಫಲ

ಇಸ್ತಾಂಬುಲ್ (ಟರ್ಕಿ) – ಪಾಕಿಸ್ತಾನದೊಂದಿಗೆ ಕದನ ವಿರಾಮದ ಕುರಿತು ನಡೆಯುತ್ತಿದ್ದ ಸಭೆಯಲ್ಲಿ, ತಾಲಿಬಾನ್ ಸ್ಪಷ್ಟವಾಗಿ ಹೇಳಿದ್ದೇನೆಂದರೆ, ಅಫ್ಘಾನಿಸ್ತಾನದ ಯಾವುದೇ ಭಾಗದ ಮೇಲೆ ಆಕ್ರಮಣವಾದರೆ ಇಸ್ಲಾಮಾಬಾದ್‌ ಅನ್ನು ನಾಶಮಾಡಲಾಗುವುದು ಎಂದು ಬೆದರಿಕೆ ಹಾಕಿದೆ. ತಾಲಿಬಾನ್‌ ನ ಈ ಬೆದರಿಕೆಯ ನಂತರ, ತಾಲಿಬಾನ್ ಮತ್ತು ಪಾಕಿಸ್ತಾನದ ನಡುವಿನ ಶಾಂತಿ ಮಾತುಕತೆ ವಿಫಲವಾಗಿದೆ ಎಂಬುದು ಸ್ಪಷ್ಟವಾಗಿದೆ.

1. ತಾಲಿಬಾನ್ ಈ ಕುರಿತು ‘ಟೋಲೋ ನ್ಯೂಸ್’ಗೆ ಮಾಹಿತಿ ನೀಡುತ್ತಾ, ಪಾಕಿಸ್ತಾನದ ಯಾವುದೇ ಆಕ್ರಮಣಕ್ಕೆ ಪ್ರತ್ಯುತ್ತರ ನೀಡಲಾಗುವುದು ಮತ್ತು ಅಫ್ಘಾನ್ ಭೂಮಿಯ ಮೇಲೆ ಎಲ್ಲಿಯಾದರೂ ಬಾಂಬ್ ದಾಳಿ ನಡೆದರೆ ಇಸ್ಲಾಮಾಬಾದ್‌ ಅನ್ನು ಗುರಿಯಾಗಿಸಲಾಗುವುದು ಎಂದು ಹೇಳಿದೆ.

2. ಅಫ್ಘಾನ್ ಪ್ರತಿನಿಧಿಗಳು ಮಾತುಕತೆಗೆ ಬದ್ಧರಾಗಿದ್ದರು; ಆದರೆ ಪಾಕಿಸ್ತಾನದ ನಿಯೋಗದಲ್ಲಿ ಅಂತಹ ಬದ್ಧತೆ ಕಾಣಲಿಲ್ಲ ಮತ್ತು ಅವರು ಇಸ್ಲಾಮಿಕ್ ರಾಷ್ಟ್ರಗಳಿಂದ ಪಾಕಿಸ್ತಾನದ ಸುರಕ್ಷತೆಯನ್ನು ಖಚಿತಪಡಿಸುವಂತೆ ಬೇಡಿಕೆ ಇಟ್ಟರು ಎಂದು ಮೂಲಗಳು ತಿಳಿಸಿವೆ.

3. ತಾಲಿಬಾನ್ ಪ್ರತಿನಿಧಿಗಳು ಈ ಕುರಿತು ಮಾತನಾಡಿ, ತೆಹ್ರೀಕ್-ಎ-ತಾಲಿಬಾನ್ ಮಾಡಿದ ಆಕ್ರಮಣವು ಪಾಕಿಸ್ತಾನದ ಆಂತರಿಕ ಸಮಸ್ಯೆಯಾಗಿದೆ. ಅದಕ್ಕೂ ತಾಲಿಬಾನ್‌ ಗೂ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟಪಡಿಸಿದರು.