ರಷ್ಯಾದಿಂದ ಅಣುಶಕ್ತಿಯಿಂದ ಚಲಿಸುವ ವಿಶ್ವದ ಮೊದಲ ಕ್ಷಿಪಣಿ ಅಸ್ತ್ರ ಪರೀಕ್ಷೆ Russia Nuclear Missile

ಮಾಸ್ಕೋ (ರಷ್ಯಾ) – ರಷ್ಯಾ ಅಕ್ಟೋಬರ್ 21 ರಂದು ಅಣುಶಕ್ತಿಯಿಂದ ಚಲಿಸುವ ವಿಶ್ವದ ಮೊದಲ ಕ್ಷಿಪಣಿ ಅಸ್ತ್ರ ‘ಬುರೆವೆಸ್ಟ್ನಿಕ್’ ಅನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ. ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ಅಕ್ಟೋಬರ್ 26 ರಂದು ಈ ಸುದ್ದಿಯನ್ನು ದೃಢಪಡಿಸಿ, ಕ್ಷಿಪಣಿಯ ಎಲ್ಲಾ ಪರೀಕ್ಷೆಗಳು ಪೂರ್ಣಗೊಂಡಿವೆ ಎಂದು ಹೇಳಿದರು.

1. ಸೇನಾ ಮುಖ್ಯಸ್ಥ ವ್ಯಾಲೆರಿ ಗೆರಾಸಿಮೊವ್ ಅವರು ಪುಟಿನ್ ಅವರಿಗೆ ಪರೀಕ್ಷೆಯ ಮಾಹಿತಿಯನ್ನು ನೀಡಿದರು. ಈ ಪರೀಕ್ಷೆಯ ಸಮಯದಲ್ಲಿ ‘ಬುರೆವೆಸ್ಟ್ನಿಕ್’ ಸುಮಾರು 15 ಗಂಟೆಗಳ ಕಾಲ ಹಾರಾಟ ನಡೆಸಿತು ಮತ್ತು 14 ಸಾವಿರ ಕಿಲೋಮೀಟರ್ ದೂರವನ್ನು ಕ್ರಮಿಸಿತು. ಗೆರಾಸಿಮೊವ್ ಅವರು, ಇದು ಕ್ಷಿಪಣಿಯ ಗರಿಷ್ಠ ಶ್ರೇಣಿಯಲ್ಲ, ಅದು ಇನ್ನೂ ಹೆಚ್ಚಿನ ದೂರವನ್ನು ಕ್ರಮಿಸಬಲ್ಲದು,” ಎಂದು ಹೇಳಿದರು. ಈ ಬಗ್ಗೆ ಅಧ್ಯಕ್ಷ ಪುಟಿನ್ ಅವರು, ವಿಶ್ವದ ಯಾವುದೇ ದೇಶದ ಬಳಿ ಇಂತಹ ಕ್ಷಿಪಣಿ ಅಸ್ತ್ರ ಇಲ್ಲ. ಈ ಕ್ಷಿಪಣಿಯನ್ನು ಸೇನೆಯಲ್ಲಿ ಸೇರಿಸಲು ಸಿದ್ಧತೆಗಳನ್ನು ಮಾಡಲು ನಿರ್ದೇಶನ ನೀಡಲಾಗಿದೆ, ಎಂದು ಹೇಳಿದರು.

2. ಅಮೆರಿಕದ ವಾಯುಪಡೆಯ ವರದಿಯ ಪ್ರಕಾರ, ಒಮ್ಮೆ ಈ ಕ್ಷಿಪಣಿಯನ್ನು ಸೇವೆಗೆ ಸೇರಿಸಿದರೆ, ರಷ್ಯಾ 10 ಸಾವಿರದಿಂದ 20 ಸಾವಿರ ಕಿ.ಮೀ. ಅಂತರಖಂಡಗಳ ವ್ಯಾಪ್ತಿಯವರೆಗೆ ದಾಳಿ ಮಾಡುವ ಸಾಮರ್ಥ್ಯವನ್ನು ಹೊಂದಿರಲಿದೆ. ಇದರಿಂದ ರಷ್ಯಾವು ಎಲ್ಲಿಂದಲಾದರೂ ಅಮೆರಿಕದ ಮೇಲೆ ದಾಳಿ ಮಾಡಲು ಸಾಧ್ಯವಾಗುತ್ತದೆ.

⚡️Russia’s Power Move! 🇷🇺💣

President Vladimir Putin announces successful test of the nuclear-capable Burevestnik cruise missile (meaning “Storm Petrel.”)

🚀 Flew 14,000 km
⏱ Stayed airborne for 15 hours

A chilling reminder of how global power equations are shifting once… pic.twitter.com/Y9KTgIm36d

— Sanatan Prabhat (@SanatanPrabhat) October 27, 2025

3. ಈ ಕ್ಷಿಪಣಿಯ ಅಭಿವೃದ್ಧಿಯಲ್ಲಿ ಇಲ್ಲಿಯವರೆಗೆ ಅನೇಕ ತಾಂತ್ರಿಕ ಸಮಸ್ಯೆಗಳು ಬಂದಿವೆ. 2016 ರಿಂದ ನಡೆಸಿದ ಅನೇಕ ಪರೀಕ್ಷೆಗಳು ಕೇವಲ ಭಾಗಶಃ ಯಶಸ್ಸನ್ನು ಕಂಡಿವೆ. 2019 ರಲ್ಲಿ ಪರೀಕ್ಷೆಯ ಸಮಯದಲ್ಲಿ ನಡೆದ ಸ್ಫೋಟದಲ್ಲಿ 7 ವಿಜ್ಞಾನಿಗಳು ಮೃತಪಟ್ಟಿದ್ದರು ಮತ್ತು ಹತ್ತಿರದ ಸೆವೆರೋಡ್ವಿನ್ಸ್ಕ್ ನಗರದಲ್ಲಿ ಹೆಚ್ಚಿನ ವಿಕಿರಣ ಮಟ್ಟ ಉಂಟಾಗಿತ್ತು. ಅಣುಶಕ್ತಿಯಿಂದ ಚಲಿಸುವ ಕ್ಷಿಪಣಿಯ ಪರೀಕ್ಷೆಯ ಸಮಯದಲ್ಲಿ ಈ ಅಪಘಾತ ಸಂಭವಿಸಿತ್ತು ಎಂದು ರಷ್ಯಾ ನಂತರ ಒಪ್ಪಿಕೊಂಡಿತು.

ಏನಿದು ‘ಬುರೆವೆಸ್ಟ್ನಿಕ್’ ಕ್ಷಿಪಣಿ?

ಬುರೆವೆಸ್ಟ್ನಿಕ್ (9ಎಮ್. ಎಮ್.730) ಇದು ಸಾಂಪ್ರದಾಯಿಕ ಇಂಧನದ ಬದಲಿಗೆ ಅಣು ರಿಯಾಕ್ಟರ್‌ನಿಂದ ಚಲಿಸುವ ‘ಕ್ರೂಸ್’ ಕ್ಷಿಪಣಿಯಾಗಿದೆ. ಇದರಿಂದಾಗಿ ಅದು ಅನಿಯಮಿತ ವ್ಯಾಪ್ತಿಯವರೆಗೆ ಹಾರಾಟ ನಡೆಸಬಲ್ಲದು ಮತ್ತು ಅದು ಶತ್ರುವಿನ ಕ್ಷಿಪಣಿ-ವಿರೋಧಿ ರಕ್ಷಣಾ ವ್ಯವಸ್ಥೆಗಳಿಂದ ತಪ್ಪಿಸಿಕೊಳ್ಳಲು ಸಮರ್ಥವಾಗಿದೆ. ಪುಟಿನ್ ಅವರು ಈ ಹಿಂದೆ ಈ ಕ್ಷಿಪಣಿಯನ್ನು ‘ಅಜೇಯ ಆಯುಧ’ ಎಂದು ಬಣ್ಣಿಸಿದ್ದರು. ಅದರ ಅತ್ಯಂತ ಮಹತ್ವದ ವೈಶಿಷ್ಟ್ಯವೆಂದರೆ ಅದು ಹಾರಾಟದ ಸಮಯದಲ್ಲಿ ತನ್ನ ದಿಕ್ಕನ್ನು ಬದಲಾಯಿಸಬಲ್ಲದು, ಇದರಿಂದಾಗಿ ಅದನ್ನು ತಡೆಯುವುದು ಅತ್ಯಂತ ಕಷ್ಟಕರವಾಗುತ್ತದೆ.

ಸಾಮಾನ್ಯ ಅಂತರಖಂಡ ಕ್ಷಿಪಣಿಗಳು ಬಾಹ್ಯಾಕಾಶದಲ್ಲಿ ಸ್ಥಿರ ಮಾರ್ಗಗಳಲ್ಲಿ ಹಾರಾಟ ನಡೆಸುತ್ತವೆ ಮತ್ತು ಅವುಗಳನ್ನು ಹಿಂದಕ್ಕೆ ಕರೆಸಬಹುದು. ಆದಾಗ್ಯೂ, ‘ಬುರೆವೆಸ್ಟ್ನಿಕ್’ ಕ್ಷಿಪಣಿ ಕೇವಲ 50 ರಿಂದ 100 ಮೀಟರ್ ಎತ್ತರದಲ್ಲಿ ಹಾರಾಟ ನಡೆಸುತ್ತದೆ ಮತ್ತು ನಿರಂತರವಾಗಿ ಮಾರ್ಗವನ್ನು ಬದಲಾಯಿಸುತ್ತದೆ. ಆದ್ದರಿಂದ, ಅದನ್ನು ತಡೆಯುವುದು ಬಹುತೇಕ ಅಸಾಧ್ಯವಾಗಿದೆ.