ಯಾದಗಿರಿಯ ಗುರುಮಠಕಲ್ ದಲ್ಲಿಯೂ ರಾಷ್ಟ್ರೀಯ ಸ್ವಯಂ ಸೇವಕ ಸಂಘದ ಪಥಸಂಚಲನಕ್ಕೆ ಆಡಳಿತದಿಂದ ಅನುಮತಿ ನಿರಾಕರಣೆ!

ಯಾದಗಿರಿ – ಕಲಬುರಗಿ ಜಿಲ್ಲೆಯ ಚಿತ್ತಾಪುರ ನಂತರ ಈಗ ಯಾದಗಿರಿ ಜಿಲ್ಲೆಯ ಗುರುಮಠಕಲ್ ತಾಲೂಕಿನಲ್ಲಿಯೂ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಪಥಸಂಚಲನಕ್ಕೆ ಆಡಳಿತವು ಅನುಮತಿ ನಿರಾಕರಿಸಿದೆ. ಸರಕಾರಿ ಆಸ್ತಿ ಮತ್ತು ಸರಕಾರಿ ಆವರಣವನ್ನು ಬಳಸಲು ಮೂರು ದಿನಗಳ ಮುಂಚಿತವಾಗಿ ಅನುಮತಿ ಕೇಳಿ ಅರ್ಜಿ ಸಲ್ಲಿಸದೇ ಎರಡು ದಿನಗಳ ಮುಂಚೆ ಸಲ್ಲಿಸಲಾಗಿದೆ ಎಂದು ಹೇಳಿ ಜಿಲ್ಲಾಧಿಕಾರಿ ಹರ್ಷಲ ಭೂಯರ್ ಅವರು ಸಂಘದ ಅರ್ಜಿಯನ್ನು ತಿರಸ್ಕರಿಸಿ ಪಥಸಂಚಲನಕ್ಕೆ ಅನುಮತಿ ನಿರಾಕರಿಸಿದರು.

1. ‘ಜಿಲ್ಲಾಧಿಕಾರಿಗಳು ಅನುಮತಿ ನೀಡದಿರುವ ಕಾರಣದಿಂದ ಪಥಸಂಚಲನವನ್ನು ತಾತ್ಕಾಲಿಕವಾಗಿ ಮುಂದೂಡಲಾಗಿದೆ. ಜಿಲ್ಲಾಧಿಕಾರಿಗಳ ಅನುಮತಿ ದೊರೆತ ತಕ್ಷಣ ಮುಂದಿನ ದಿನಾಂಕವನ್ನು ನಿಗದಿಪಡಿಸಿ ಪಥಸಂಚಲನವನ್ನು ಆಯೋಜಿಸಲಾಗುವುದು ಎಂದು ಸಂಘದ ಸ್ಥಳೀಯ ಜಿಲ್ಲಾ ಪ್ರಚಾರ ಪ್ರಮುಖ ಬಸಪ್ಪ ಸಂಜನೋಳ ಅವರು ಮಾಹಿತಿ ನೀಡಿದ್ದಾರೆ.

2. ಸ್ಥಳೀಯ ಹಿಂದುತ್ವನಿಷ್ಠ ನಾಯಕ ರವೀಂದ್ರ ರೆಡ್ಡಿ ಪೋತುಲ್ ಅವರು, ಸಂಘವು ಯಾವುದೇ ಧರ್ಮದ ವಿರುದ್ಧ ಕೆಲಸ ಮಾಡಿಲ್ಲ, ಆದರೂ ಗುರುಮಠಕಲ್‌ ನಲ್ಲಿ ಅವರ ಪಥಸಂಚಲನಕ್ಕೆ ಅನುಮತಿ ನಿರಾಕರಿಸಿರುವುದು ದುರುದ್ದೇಶದ ನಿರ್ಧಾರವಾಗಿದೆ. ಅಗತ್ಯವಿದ್ದರೆ ಕಾನೂನು ಹೋರಾಟ ಮಾಡಿ ನಾವು ಪಥಸಂಚಲನವನ್ನು ನಡೆಸುತ್ತೇವೆ’, ಎಂದು ಹೇಳಿದರು.