ಭಾರತದಿಂದ ಸ್ವದೇಶಿ ನಿರ್ಮಿತ ಸೇನೆಯ ‘ಪ್ಯಾರಾಚೂಟ್’ ಯಶಸ್ವಿ ಪರೀಕ್ಷೆ : DRDO Military Parachute

ನವದೆಹಲಿ – ಭಾರತೀಯ ಸೈನಿಕರು ಸ್ವದೇಶಿ ನಿರ್ಮಿತ ‘ಮಿಲಿಟರಿ ಕಾಂಬ್ಯಾಟ್ ಪ್ಯಾರಾಚೂಟ್ ಸಿಸ್ಟಮ್’ನ ಯಶಸ್ವಿ ಪರೀಕ್ಷೆಯನ್ನು ನಡೆಸಿದರು. ಭಾರತೀಯ ವಾಯುಪಡೆಯ 3 ಸೈನಿಕರು 32 ಸಾವಿರ ಅಡಿ ಎತ್ತರದಿಂದ ಜಿಗಿಯುವಾಗ ‘ಪ್ಯಾರಾಚೂಟ್’ ಅನ್ನು ಬಳಸಿದರು.

‘ಪ್ಯಾರಾಚೂಟ್’ನ ನಿಯಂತ್ರಣ, ಭೂಮಿಯ ಮೇಲೆ ಇಳಿಯುವುದು ಮತ್ತು ‘ನ್ಯಾವಿಗೇಷನ್’ ಸಾಮರ್ಥ್ಯವನ್ನು ಸುಧಾರಿಸುವ ಉದ್ದೇಶದಿಂದ ಈ ಪರೀಕ್ಷೆ ಕೈಗೊಳ್ಳಲಾಗಿತ್ತು. ‘ಪ್ಯಾರಾಚೂಟ್’ ವ್ಯವಸ್ಥೆಯಲ್ಲಿ ‘ನ್ಯಾವಿಗೇಷನ್ ವಿಥ್ ಇಂಡಿಯನ್ ಕಾನ್ಸ್ಟೆಲೇಷನ್’ ಎಂಬ ಸ್ವದೇಶಿ ಉಪಗ್ರಹ ‘ನ್ಯಾವಿಗೇಷನ್’ ವ್ಯವಸ್ಥೆಯಿದೆ. ಈ ‘ಪ್ಯಾರಾಚೂಟ್’ ಅನ್ನು ‘ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ’ಯ (ಡಿ.ಆರ್.ಡಿ.ಓ. – ‘ಡಿಫೆನ್ಸ್ ರಿಸರ್ಚ್ ಅಂಡ್ ಡೆವಲಪ್ಮೆಂಟ್ ಆರ್ಗನೈಸೇಷನ್’) ‘ದಿ ಏರಿಯಲ್ ಡೆಲಿವರಿ ರಿಸರ್ಚ್ ಅಂಡ್ ಡೆವಲಪ್ಮೆಂಟ್ ಎಸ್ಟಾಬ್ಲಿಷ್ಮೆಂಟ್, ಆಗ್ರಾ’ ಮತ್ತು ‘ದಿ ಡಿಫೆನ್ಸ್ ಬಯೋಇಂಜಿನಿಯರಿಂಗ್ ಅಂಡ್ ಎಲೆಕ್ಟ್ರೋಮೆಡಿಕಲ್ ಲ್ಯಾಬೊರೇಟರಿ, ಬೆಂಗಳೂರು’ ಎಂಬ ಪ್ರಯೋಗಾಲಯಗಳು ಜಂಟಿಯಾಗಿ ಅಭಿವೃದ್ಧಿಪಡಿಸಿವೆ.

ಈ ಸ್ವದೇಶಿ ನಿರ್ಮಿತ ‘ಪ್ಯಾರಾಚೂಟ್’ ನಿಂದಾಗಿ ಆಮದು ಮಾಡಿಕೊಳ್ಳುವ ಉಪಕರಣಗಳಿಗೆ ಹೋಲಿಸಿದರೆ ನಿಯಮಿತ ನಿರ್ವಹಣೆ-ದುರಸ್ತಿಗಾಗಿ ಕಡಿಮೆ ಸಮಯ ತೆಗೆದುಕೊಳ್ಳಲಿದೆ, ಮತ್ತು ಯುದ್ಧದ ಪರಿಸ್ಥಿತಿಯಲ್ಲಿ ಭಾರತದ ಇತರ ದೇಶಗಳ ಮೇಲಿನ ಅವಲಂಬನೆ ಕಡಿಮೆಯಾಗಲಿದೆ. ಭಾರತದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಈ ಕುರಿತು ‘ಡಿ.ಆರ್.ಡಿ.ಓ.’ ಮತ್ತು ಸೈನ್ಯವನ್ನು ಅಭಿನಂದಿಸಿದ್ದಾರೆ.