ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > ಇಟಲಿಯಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಬುರ್ಖಾ ಮತ್ತು ನಕಾಬ್ ಮೇಲೆ ನಿಷೇಧ! : Italy Burqa Ban

ಇಟಲಿಯಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಬುರ್ಖಾ ಮತ್ತು ನಕಾಬ್ ಮೇಲೆ ನಿಷೇಧ! : Italy Burqa Ban

ಜಗತ್ತಿನಾದ್ಯಂತ ೨೦ಕ್ಕೂ ಹೆಚ್ಚು ದೇಶಗಳಲ್ಲಿ ನಿಷೇಧ!

(ಬುರ್ಖಾ ಎಂದರೆ ಇಡೀ ದೇಹವನ್ನು ಆವರಿಸುವ ಉಡುಪು ಮತ್ತು ನಿಖಾಬ್ ಎಂದರೆ ಮುಖವನ್ನು ಆವರಿಸುವ ಜಾಲರಿಯ ಉಡುಪು)

ಇಟಾಲಿಯನ್ ಪ್ರಧಾನಿ ಜಾರ್ಜಿ ಮೆಲೋನಿ (ಎಡ)

ರೋಮ್ – ಇಟಲಿಯ ಆಡಳಿತ ಪಕ್ಷವಾದ ‘ಬ್ರದರ್ಸ್ ಆಫ್ ಇಟಲಿ’ ಇತ್ತೀಚೆಗೆ ಸಂಸತ್ತಿನಲ್ಲಿ ಹೊಸ ಮಸೂದೆಯನ್ನು ಮಂಡಿಸಿದೆ. ಈ ಮಸೂದೆಯು ಸಾರ್ವಜನಿಕ ಸ್ಥಳಗಳಲ್ಲಿ ಬುರ್ಖಾ ಮತ್ತು ನಕಾಬ್ ಧರಿಸುವುದನ್ನು ನಿಷೇಧಿಸುವ ಪ್ರಸ್ತಾವನೆಯನ್ನು ಹೊಂದಿದೆ. ಪ್ರಧಾನಿ ಜಾರ್ಜಿಯಾ ಮೆಲೋನಿ ಅವರ ಪಕ್ಷದ ಪ್ರಕಾರ, ಈ ಕಾನೂನನ್ನು ‘ಧಾರ್ಮಿಕ ಕಟ್ಟರತೆ’ ತಡೆಯಲು ತರಲಾಗುತ್ತಿದೆ. ಪ್ರಸ್ತಾವಿತ ಕಾನೂನಿನ ಪ್ರಕಾರ, ಶಾಲೆಗಳು, ವಿಶ್ವವಿದ್ಯಾಲಯಗಳು, ಕಚೇರಿಗಳು, ಅಂಗಡಿಗಳು ಮತ್ತು ಸರಕಾರಿ ಕಟ್ಟಡಗಳು ಸೇರಿದಂತೆ ಯಾವುದೇ ಸಾರ್ವಜನಿಕ ಸ್ಥಳಗಳಲ್ಲಿ ಬುರ್ಖಾ ಮತ್ತು ನಕಾಬ್ ಅನ್ನು ಸಂಪೂರ್ಣವಾಗಿ ನಿಷೇಧಿಸಲಾಗುತ್ತದೆ. ನಿಯಮವನ್ನು ಉಲ್ಲಂಘಿಸುವವರಿಗೆ ೨೮ ಸಾವಿರದಿಂದ ೨ ಲಕ್ಷ ೮೦ ಸಾವಿರ ರೂಪಾಯಿವರೆಗೆ ದಂಡ ವಿಧಿಸಬಹುದು.

ಫ್ರಾನ್ಸ್ ಬುರ್ಖಾ ನಿಷೇಧಿಸಿದ ಮೊದಲ ಯುರೋಪಿಯನ್ ದೇಶವಾಗಿತ್ತು. ಫ್ರಾನ್ಸ್ ೨೦೧೧ ರಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಬುರ್ಖಾ ಧರಿಸುವುದನ್ನು ನಿಷೇಧಿಸಿತು. ಅದರ ನಂತರ ಬೆಲ್ಜಿಯಂ, ಆಸ್ಟ್ರಿಯಾ, ಟರ್ಕಿಯೆ, ಟ್ಯುನೀಷಿಯಾ, ಶ್ರೀಲಂಕಾ ಮತ್ತು ಸ್ವಿಟ್ಜರ್ಲೆಂಡ್ ಸೇರಿದಂತೆ ೨೦ಕ್ಕೂ ಹೆಚ್ಚು ದೇಶಗಳು ಬುರ್ಖಾ ಅಥವಾ ನಕಾಬ್ ಅನ್ನು ನಿಷೇಧಿಸಿವೆ. ಯುರೋಪಿಯನ್ ಮಾನವ ಹಕ್ಕುಗಳ ನ್ಯಾಯಾಲಯವು ಸಹ ಈ ನಿಷೇಧವನ್ನು ಅನುಮೋದಿಸಿದೆ.

ಸಂಪಾದಕೀಯ ನಿಲುವು

ಪ್ರತಿ ದೇಶವು ತನ್ನ ನಾಗರಿಕರ ಸುರಕ್ಷತೆಗೆ ಪರಮೋಚ್ಚ ಆದ್ಯತೆ ನೀಡುತ್ತದೆ ಎಂಬುದನ್ನು ಗಮನಿಸಿದರೆ, ಭಾರತವೂ ಇದಕ್ಕಾಗಿ ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಯಾರಿಗಾದರೂ ಅನಿಸಿದರೆ ತಪ್ಪೇನು?

ಸಂಬಂಧಿತ ಲೇಖನಗಳು