ಚೀನಾದಲ್ಲಿ ಹಾರುವ 2 ಕಾರುಗಳು ಪರಸ್ಪರ ಡಿಕ್ಕಿ ಹೊಡೆದು ಅಪಘಾತ!

ಯಾವುದೇ ಜೀವಹಾನಿಯಾಗಿಲ್ಲ!

ಬೀಜಿಂಗ್ (ಚೀನಾ) – ಚೀನಾದಲ್ಲಿ ಹಾರುವ ಕಾರುಗಳ ಪರೀಕ್ಷೆಯ ಸಮಯದಲ್ಲಿ ಎರಡು ಕಾರುಗಳು ಒಂದಕ್ಕೊಂದು ಡಿಕ್ಕಿ ಹೊಡೆದು ಅಪಘಾತ ಸಂಭವಿಸಿದೆ. ಇದರಲ್ಲಿ ಒಂದು ಕಾರು ಒಂದು ಮೂಲೆಗೆ ಬಿದ್ದು ಬೆಂಕಿ ಹತ್ತಿಕೊಂಡರೆ, ಇನ್ನೊಂದು ಕಾರು ಸುರಕ್ಷಿತವಾಗಿ ಕೆಳಗಿಳಿದಿದೆ. ಯಾವುದೇ ಜೀವಹಾನಿ ಸಂಭವಿಸಿಲ್ಲ. ಪರೀಕ್ಷಣೆ ನಡೆಯುತ್ತಿದ್ದಾಗ ಈ ಎರಡೂ ಕಾರುಗಳು ಒಂದಕ್ಕೊಂದು ತುಂಬಾ ಹತ್ತಿರ ಬಂದವು ಮತ್ತು ಡಿಕ್ಕಿ ಹೊಡೆದವು. ಒಂದು ಕಾರಿನ ಬೆಲೆ ಎರಡೂವರೆ ಕೋಟಿ ರೂಪಾಯಿಗಳು. ‘XPeng AeroHT’ ಕಂಪನಿಯ ‘eVTOL’ ಹೆಸರಿನ ಈ ಕಾರುಗಳು ಅಪಘಾತಕ್ಕೀಡಾದವು.

ಹಾರುವ ಕಾರುಗಳ ಇತಿಹಾಸದಲ್ಲಿ ಇದು ಮೊದಲ ದೊಡ್ಡ ಅಪಘಾತವೆಂದು ಪರಿಗಣಿಸಲಾಗಿದೆ. ಇದರಿಂದ ಈ ತಂತ್ರಜ್ಞಾನದ ಸುರಕ್ಷತೆ ಮತ್ತು ವಿಶ್ವಾಸಾರ್ಹತೆಯ ಬಗ್ಗೆ ಗಂಭೀರ ಸಂದೇಹಗಳು ಹುಟ್ಟಿಕೊಂಡಿವೆ. ಕಾರುಗಳು ಅಪಘಾತಕ್ಕೀಡಾದಾಗ ಅವು ಚಾಲಕನಿಂದ ನಿಯಂತ್ರಿಸಲ್ಪಟ್ಟಿದ್ದವೆಯೇ ಅಥವಾ ಸ್ವಯಂಚಾಲಿತವಾಗಿದ್ದವೇ ಎಂಬುದನ್ನು ಸಂಬಂಧಪಟ್ಟ ಕಂಪನಿ ಸ್ಪಷ್ಟಪಡಿಸಿಲ್ಲ.