ಅಕ್ರಮ ವಲಸಿಗ ಅಪರಾಧಿಗಳ ಬಗ್ಗೆ ನಾನು ಮೃದು ಧೋರಣೆ ತೋರುವುದಿಲ್ಲ ! – ಟ್ರಂಪ್ Trump Illegal Immigrant Killing Indian Origin

ಅಮೆರಿಕಾದಲ್ಲಿ ಅಕ್ರಮ ವಲಸಿಗ ಭಾರತೀಯ ಮೂಲದ ನಾಗರಿಕನನ್ನು ಹತ್ಯೆ ಮಾಡಿದ ಪ್ರಕರಣ

ವಾಷಿಂಗ್ಟನ್ (ಅಮೆರಿಕಾ) – ಸೆಪ್ಟೆಂಬರ್ 10 ರಂದು ಟೆಕ್ಸಾಸ್‌ನಲ್ಲಿ ಭಾರತೀಯ ಮೂಲದ ಹೋಟೆಲ್ ಮ್ಯಾನೇಜರ್ ಚಂದ್ರ ಮೌಳಿ ನಾಗಮಲ್ಲೆ ಅವರ ಶಿರಚ್ಛೇದನದ ಕುರಿತು ಅಧ್ಯಕ್ಷ ಟ್ರಂಪ್ ಮೊದಲ ಬಾರಿಗೆ ಮಾತನಾಡಿದ್ದಾರೆ. ಚಂದ್ರ ಅವರನ್ನು ಕೊಂದ ವ್ಯಕ್ತಿಯ ಹೆಸರು ಯೋರ್ಡಾನಿಸ್ ಕೋಬೋಸ್-ಮಾರ್ಟಿನೆಜ್, ಇವನು ಕ್ಯೂಬಾದವನು. ಈ ಘಟನೆಯ ಕುರಿತು ಟ್ರಂಪ್, “ಒಬ್ಬ ಅಕ್ರಮ ವಲಸಿಗ ಚಂದ್ರ ಅವರನ್ನು ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ. ಆತ ನಮ್ಮ ದೇಶದಲ್ಲಿ ಇರಲೇಬಾರದಿತ್ತು. ಚಂದ್ರ ಅವರು ಡಲ್ಲಾಸ್‌ನ ಗೌರವಾನ್ವಿತ ನಾಗರಿಕರಾಗಿದ್ದರು,” ಎಂದು ಹೇಳಿದರು.

ಟ್ರಂಪ್ ಮಾತು ಮುಂದುವರೆಸಿ, “ಆರೋಪಿಯನ್ನು ಈ ಹಿಂದೆ ಮಕ್ಕಳ ಮೇಲಿನ ಲೈಂಗಿಕ ದೌರ್ಜನ್ಯ, ದೊಡ್ಡ ಕಳ್ಳತನಗಳು ಸೇರಿದಂತೆ ಗಂಭೀರ ಅಪರಾಧಗಳಿಗಾಗಿ ಬಂಧಿಸಲಾಗಿತ್ತು; ಆದರೆ, ಹಿಂದಿನ ಜೋ ಬೈಡನ್ ಅವರ ಅಸಮರ್ಥ ಆಡಳಿತದ ಸಮಯದಲ್ಲಿ, ‘ಇಂತಹ ಕೆಟ್ಟ ವ್ಯಕ್ತಿ ನಮ್ಮ ದೇಶದಲ್ಲಿ ಬೇಡ’ ಎಂದು ಕ್ಯೂಬಾ ಆತನನ್ನು ನಮ್ಮ ದೇಶಕ್ಕೆ (ಅಮೆರಿಕಾಕ್ಕೆ) ಕಳುಹಿಸಿತ್ತು. ಈಗ ನಿಶ್ಚಿಂತೆಯಿಂದ ಇರಿ, ನನ್ನ ಉಸ್ತುವಾರಿಯಲ್ಲಿ ಇಂತಹ ಅಕ್ರಮ ವಲಸಿಗರ ಅಪರಾಧಗಳ ಕುರಿತು ಮೃದು ಧೋರಣೆ ಮುಗಿದಿದೆ, ಎಂದು ಹೇಳಿದರು.