ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಕೇವಲ ಮಾನನಷ್ಟ ಕಾನೂನು ಸಾಕಾಗುವುದಿಲ್ಲ, ನಿರ್ಭಯವಾಗಿ ಜನರು ಯಾರ ಬಗ್ಗೆಯಾದರೂ ಮಾನಹಾನಿ ಮಾಡುತ್ತಿದ್ದಾರೆ!

ಕೇವಲ ಮಾನನಷ್ಟ ಕಾನೂನು ಸಾಕಾಗುವುದಿಲ್ಲ, ನಿರ್ಭಯವಾಗಿ ಜನರು ಯಾರ ಬಗ್ಗೆಯಾದರೂ ಮಾನಹಾನಿ ಮಾಡುತ್ತಿದ್ದಾರೆ!

ಯೂಟ್ಯೂಬ್‌ ದಲ್ಲಿನ ಸುಳ್ಳು ಮಾಹಿತಿಯನ್ನು ತೀವ್ರವಾಗಿ ಖಂಡಿಸಿದ ಕರ್ನಾಟಕ ಉಚ್ಚ ನ್ಯಾಯಾಲಯ

ಬೆಂಗಳೂರು – ಯೂಟ್ಯೂಬ್‌ನಂತಹ ಮಾಧ್ಯಮಗಳಿಂದ ಹರಡುತ್ತಿರುವ ಸುಳ್ಳು ಮತ್ತು ಆಕ್ಷೇಪಾರ್ಹ ಮಾಹಿತಿಯ ಬಗ್ಗೆ ಕರ್ನಾಟಕ ಉಚ್ಚ ನ್ಯಾಯಾಲಯ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದೆ. ಮಾಧ್ಯಮಗಳ ಮೇಲೆ ಜನರಿಗೆ ನಂಬಿಕೆ ಇದೆ. ಹಾಗಾಗಿ, ಸತ್ಯಗಳನ್ನು ಪರಿಶೀಲಿಸದೆ ಆರೋಪಗಳನ್ನು ಪ್ರಕಟಿಸುವುದು ತಪ್ಪು ಎಂದು ನ್ಯಾಯಾಲಯ ಹೇಳಿದೆ. ಅದರಿಂದ, ಯೂಟ್ಯೂಬ್‌ನಂತಹ ಮಾಧ್ಯಮಗಳನ್ನು ನಿಯಂತ್ರಿಸಲು ಮಾನನಷ್ಟ ಕಾನೂನು ಒಂದೇ ಸಾಕಾಗುವುದಿಲ್ಲ; ಏಕೆಂದರೆ ಜನರು ನಿರ್ಭಯವಾಗಿ ಯಾರ ಬಗ್ಗೆಯಾದರೂ ಮಾನಹಾನಿ ಮಾಡುತ್ತಿದ್ದಾರೆ, ಹಾಗೆಯೇ ಅವರ ವೈಯಕ್ತಿಕ ಜೀವನದಲ್ಲಿ ಹಸ್ತಕ್ಷೇಪ ಮಾಡುತ್ತಿದ್ದಾರೆ. ಇದನ್ನು ತಡೆಗಟ್ಟಲು ಒಂದು ದೃಢವಾದ ನೀತಿ ಆವಶ್ಯಕವಾಗಿದೆ. ಸಚಿವ ಕೆ.ಜೆ. ಜಾರ್ಜ್ ಅವರು ‘ಕನ್ನಡ ಪ್ರಭ’ ಸುದ್ದಿ ವಾಹಿನಿಯ ಸಂಪಾದಕ ರವಿ ಹೆಗಡೆ ಅವರ ವಿರುದ್ಧ ದಾಖಲಿಸಿದ ಮಾನನಷ್ಟ ಮೊಕದ್ದಮೆಯ ವಿಚಾರಣೆಯ ಸಮಯದಲ್ಲಿ ನ್ಯಾಯಾಲಯ ಈ ಅಭಿಪ್ರಾಯ ವ್ಯಕ್ತಪಡಿಸಿದೆ. 2020 ರಲ್ಲಿ, ರವಿ ಹೆಗಡೆ ಅವರು ಜಾರ್ಜ್ ಅವರ ವಿರುದ್ಧ ಯೂಟ್ಯೂಬ್‌ನಲ್ಲಿ ಸುಳ್ಳು ಮಾಹಿತಿ ಪ್ರಕಟಿಸಿದ್ದರು ಎಂದು ಆರೋಪಿಸಲಾಗಿದೆ.

ನ್ಯಾಯಾಲಯವು ರವಿ ಹೆಗಡೆ ಅವರಿಗೆ ಒಂದು ಪ್ರಕಟಣೆಯನ್ನು ಹೊರಡಿಸುವಂತೆ ಸೂಚಿಸಿದ್ದು, “ಈ ಸುದ್ದಿ ಇನ್ನೊಬ್ಬರ ಹೇಳಿಕೆಗಳ ಆಧಾರಿತವಾಗಿದ್ದು, ಅದರಿಂದ ಯಾರಿಗಾದರೂ ನೋವಾಗಿದ್ದರೆ ಪತ್ರಿಕೆಗೆ ವಿಷಾದವಿದೆ” ಎಂದು ಸ್ಪಷ್ಟಪಡಿಸುವಂತೆ ಸೂಚಿಸಿದೆ. ಇದರೊಂದಿಗೆ, ನ್ಯಾಯಾಲಯವು ಎರಡೂ ಪಕ್ಷಗಳಿಗೆ ತಮ್ಮೊಳಗೆ ರಾಜಿ ಮಾಡಿಕೊಳ್ಳಲು ಸಲಹೆ ನೀಡಿತು, ಇಲ್ಲದಿದ್ದರೆ ಪ್ರಕರಣವನ್ನು ಮತ್ತೆ ಮಧ್ಯಸ್ಥಿಕೆಗೆ ಕಳುಹಿಸಲಾಗುವುದು ಎಂದು ತಿಳಿಸಿದೆ. ಹಿಂದಿನ ವಿಚಾರಣೆಯ ಸಮಯದಲ್ಲಿಯೂ, ಪುರಾವೆ ಅಥವಾ ವಿವರಣೆ ಇಲ್ಲದೆ ಆರೋಪಗಳನ್ನು ಪ್ರಕಟಿಸುವುದು ಪತ್ರಿಕೋದ್ಯಮದ ನೀತಿಗೆ ಅನುಗುಣವಾಗಿಲ್ಲ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿತ್ತು.

ಸಂಬಂಧಿತ ಲೇಖನಗಳು