ಮಾಲೇಗಾಂವ್, ಮುಂಬಯಿ ಬಾಂಬ್ ಸ್ಫೋಟ ಮತ್ತು ಡಾ. ದಾಭೋಲ್ಕರ್ ಪ್ರಕರಣಗಳಲ್ಲಿನ ರಾಜಕೀಯ ಹಸ್ತಕ್ಷೇಪವನ್ನು ಮೀರಾ ಬೋರ್ವಣ್ಕರ್ ಬಹಿರಂಗಪಡಿಸಲಿ ! – ಚೇತನ್ ರಾಜಹಂಸ, ರಾಷ್ಟ್ರೀಯ ವಕ್ತಾರರು, ಸನಾತನ ಸಂಸ್ಥೆ

ಕೊಲ್ಲಾಪುರ, ಆಗಸ್ಟ್ 23 (ವಾರ್ತೆ) – ಮಾಲೇಗಾಂವ್ ಬಾಂಬ್ ಸ್ಫೋಟ, ಮುಂಬಯಿಯಲ್ಲಿ 11 ಜುಲೈ 2006 ರಂದು ನಡೆದ ಸರಣಿ ಬಾಂಬ್ ಸ್ಫೋಟ ಮತ್ತು ಡಾ. ದಾಭೋಲ್ಕರ್ ಹತ್ಯೆ ಪ್ರಕರಣಗಳ ತೀರ್ಪು ಇತ್ತೀಚೆಗೆ ಪ್ರಕಟವಾಗಿದೆ. ‘ಈ ಪ್ರಕರಣಗಳಲ್ಲಿ ರಾಜಕೀಯ ಹಸ್ತಕ್ಷೇಪವಿತ್ತು’ ಎಂಬ ಸ್ಫೋಟಕ ಆರೋಪವನ್ನು ಮಾಜಿ ಪೊಲೀಸ್ ಆಯುಕ್ತೆ ಮೀರಾ ಬೋರ್ವಣ್ಕರ್ ಮಾಡಿದ್ದರು. ನಾವು ಅವರನ್ನು ವಿನಂತಿಸುವುದೇನೆಂದರೆ, ಆಗ ರಾಜಕೀಯ ಹಸ್ತಕ್ಷೇಪ ಮಾಡಿದ ‘ಆ’ ರಾಜಕೀಯ ನಾಯಕರ ಹೆಸರನ್ನು ಅವರು ಘೋಷಿಸಬೇಕು ಎಂದು ಸನಾತನ ಸಂಸ್ಥೆಯ ರಾಷ್ಟ್ರೀಯ ವಕ್ತಾರರಾದ ಶ್ರೀ. ಚೇತನ್ ರಾಜಹಂಸ ಕರೆ ನೀಡಿದರು. ಕೊಲ್ಲಾಪುರದ ಪ್ರೆಸ್ ಕ್ಲಬ್‌ನಲ್ಲಿ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡುತ್ತಿದ್ದರು. ಡಾ. ನರೇಂದ್ರ ದಾಭೋಲ್ಕರ್ ಅವರ ಹನ್ನೆರಡನೇ ಪುಣ್ಯಸ್ಮರಣೆ ಅಂಗವಾಗಿ ಪುಣೆಯ ‘ಸಾನೆ ಗುರುಜಿ ಸ್ಮಾರಕ’ದಲ್ಲಿ ‘ಮಹಾರಾಷ್ಟ್ರ ಅಂಧಃ ಶ್ರದ್ಧಾ ನಿರ್ಮೂಲನ ಸಮಿತಿ’ಯವರು ಆಯೋಜಿಸಿದ್ದ ಪುಸ್ತಕ ಬಿಡುಗಡೆ ಸಮಾರಂಭದಲ್ಲಿ ಬೋರ್ವಣ್ಕರ್ ಈ ಆರೋಪ ಮಾಡಿದ್ದರು. ಈ ಪತ್ರಿಕಾಗೋಷ್ಠಿಯಲ್ಲಿ ಶ್ರೀ. ರಾಜಹಂಸ ಅವರು ಬೋರ್ವಣ್ಕರ್ ಮಾಡಿದ ಆರೋಪಗಳನ್ನು ಖಂಡಿಸಿದರು.

ಈ ಸಂದರ್ಭದಲ್ಲಿ ಮಹಾರಾಷ್ಟ್ರ ಮಂದಿರ ಮಹಾಸಂಘದ ಜಿಲ್ಲಾ ಸಹ-ಸಂಯೋಜಕ ಶ್ರೀ. ಅಶೋಕ್ ಗುರವ್, ಹಿಂದೂ ಏಕತಾ ಆಂದೋಲನದ ಜಿಲ್ಲಾಧ್ಯಕ್ಷ ಶ್ರೀ. ದೀಪಕ್ ದೇಸಾಯಿ, ಸನಾತನ ಸಂಸ್ಥೆಯ ಡಾ. ಮಾನಸಿಂಗ್ ಶಿಂದೆ, ‘ಮಹಾರಾಜಾ ಪ್ರತಿಷ್ಠಾನ’ದ ಸಂಸ್ಥಾಪಕ ಶ್ರೀ. ನಿರಂಜನ ಶಿಂದೆ ಮತ್ತು ಹಿಂದೂ ಜನಜಾಗೃತಿ ಸಮಿತಿಯ ಶ್ರೀ. ಶಿವಾನಂದ ಸ್ವಾಮಿ ಉಪಸ್ಥಿತರಿದ್ದರು.

ಶ್ರೀ. ಚೇತನ್ ರಾಜಹಂಸ ಅವರು ಮಂಡಿಸಿದ ಪ್ರಮುಖ ಅಂಶಗಳು:

ಡಾ. ದಾಭೋಲ್ಕರ್ ಹತ್ಯೆಯ ನಂತರ ಸನಾತನದ ಸಾಧಕರನ್ನು ತನಿಖೆಯ ಹೆಸರಿನಲ್ಲಿ ನಡೆಸಿದ ಕಿರುಕುಳ ರಾಜಕೀಯ ಹಸ್ತಕ್ಷೇಪದಿಂದಾಗಿ ಆಗಿದೆಯೇ?

ಶ್ರೀ. ರಾಜಹಂಸ ಅವರು ಮುಂದೆ ಮಾತನಾಡಿ, “ಪೀಡಿತರಿಗೆ ನ್ಯಾಯ ಸಿಕ್ಕಿಲ್ಲ ಎಂದು ಬೋರ್ವಣ್ಕರ್ ಹೇಳುತ್ತಾರೆ. ಹಾಗಿದ್ದರೆ, ಅವರಿಗೆ ನ್ಯಾಯ ಸಿಗದಂತೆ ಮಾಡಿದ ಆ ರಾಜಕೀಯ ವ್ಯಕ್ತಿ ಯಾರು ಎಂಬುದನ್ನೂ ಅವರು ತಿಳಿಸುವುದು ಅಪೇಕ್ಷಿತ. ಈ ಘಟನೆಗಳು ನಡೆದಾಗ ಮಹಾರಾಷ್ಟ್ರದಲ್ಲಿ ಯಾರ ಸರಕಾರವಿತ್ತು? ದಾಭೋಲ್ಕರ್ ಪ್ರಕರಣದಲ್ಲಿ, ಅಂದಿನ ಕಾಂಗ್ರೆಸ್ ಮುಖ್ಯಮಂತ್ರಿ ಪೃಥ್ವಿರಾಜ್ ಚವಾಣ್ ಹತ್ಯೆಯ ಘಟನೆ ನಡೆದ ತಕ್ಷಣ, ತನಿಖೆ ಪ್ರಾರಂಭವಾಗುವ ಮೊದಲೇ ‘ಈ ಹತ್ಯೆಯನ್ನು ಗೋಡ್ಸೆವಾದಿ ಪ್ರವೃತ್ತಿಯವರು ಮಾಡಿದ್ದಾರೆ’ ಎಂದು ಘೋಷಿಸಿದರು. ಇದರ ನಂತರ, ಸನಾತನದ ಸಾವಿರಾರು ಸಾಧಕರು ಮತ್ತು ಹಿಂದೂ ಕಾರ್ಯಕರ್ತರನ್ನು ತನಿಖೆಯ ಹೆಸರಿನಲ್ಲಿ ಕಿರುಕುಳಕ್ಕೆ ಒಳಪಡಿಸಲಾಯಿತು. ಈ ಕಿರುಕುಳ ರಾಜಕೀಯ ಹಸ್ತಕ್ಷೇಪದಿಂದಾಗಿಯೇ ಆಗಿತ್ತು ಎಂದು ಮೀರಾ ಬೋರ್ವಣ್ಕರ್ ಹೇಳಲು ಬಯಸಿದ್ದಾರೆಯೇ?

ಇಂದು ಕಾಮ್ರೆಡ್ ಪನ್ಸಾರೆ ಹತ್ಯೆ ಪ್ರಕರಣದಲ್ಲಿ ಡಾ. ವೀರೇಂದ್ರಸಿಂಗ್ ತಾವ್ಡೆ ಅವರಿಗೆ ಜಾಮೀನು ಸಿಕ್ಕರೂ ಅದನ್ನು ರದ್ದುಗೊಳಿಸಲಾಗುತ್ತಿದೆ. ಇದೇ ರೀತಿ, ಕನಿಷ್ಠ ನ್ಯಾಯಾಲಯವು ಇತರ ಶಂಕಿತರ ಜಾಮೀನನ್ನು ನಿರಾಕರಿಸುತ್ತದೆ. ಆದರೆ ಜಾಮೀನು ಪಡೆಯಲು ಉನ್ನತ ನ್ಯಾಯಾಲಯದ ಮೊರೆ ಹೋಗಬೇಕಾಗುತ್ತದೆ. ಅನೇಕ ನಿರ್ದೋಷಿಗಳು ಕೇವಲ ಸಂಶಯದ ಆಧಾರದ ಮೇಲೆ 10-10 ವರ್ಷಗಳ ಕಾಲ ಜೈಲಿನಲ್ಲಿರಬೇಕಾಗುತ್ತದೆ! ಇದರಲ್ಲಿ ನಿಖರವಾಗಿ ಯಾರ ಹಸ್ತಕ್ಷೇಪವಿದೆ? ಯಾರ ಒತ್ತಡವಿದೆ? ಯಾವುದಾದರೂ ಕುಟುಂಬದ ಒತ್ತಡ ಇದೆಯೇ? ಇದಕ್ಕೆ ಉತ್ತರ ನೀಡುವವರು ಯಾರು?

ಭಯೋತ್ಪಾದನಾ ವಿರೋಧಿ ದಳದ ಅಂದಿನ ಮುಖ್ಯಸ್ಥ ಹೇಮಂತ್ ಕರ್ಕರೆ ಮೇಲೂ ರಾಜಕೀಯ ಒತ್ತಡವಿತ್ತು ಎಂದು ಅವರು ಹೇಳಿದರು. ಅಂದಿನ ಮುಖ್ಯಮಂತ್ರಿ ವಿಲಾಸರಾವ್ ದೇಶಮುಖ್, ಗೃಹ ಸಚಿವ ಆರ್.ಆರ್. ಪಾಟೀಲ್ ಅಥವಾ ಕೇಂದ್ರ ಗೃಹ ಸಚಿವ ಪಿ. ಚಿದಂಬರಂ ಹಸ್ತಕ್ಷೇಪ ಮಾಡಿದರು ಎಂದು ಬೋರ್ವಣ್ಕರ್ ಹೇಳಲು ಬಯಸಿದ್ದಾರೆಯೇ ಎಂಬುದನ್ನು ಅವರು ಸ್ಪಷ್ಟಪಡಿಸಬೇಕು.”

ಖಾಕಿ ಎಡಪಂಥೀಯ ಮತ್ತು ಬಲಪಂಥೀಯ ಎರಡೂ ಆಗಬಾರದು!

ಪುಣೆಯಲ್ಲಿ ದಾಭೋಲ್ಕರ್ ಅವರ ಪುಣ್ಯಸ್ಮರಣೆ ಅಂಗವಾಗಿ ನಡೆದ ಮಹಾರಾಷ್ಟ್ರ ಅಂಧಃ ಶ್ರದ್ಧಾ ನಿರ್ಮೂಲನ ಸಮಿತಿ (‘ಅಂನಿಸ್’) ಕಾರ್ಯಕ್ರಮದಲ್ಲಿ ಮೀರಾ ಬೋರ್ವಣ್ಕರ್ ‘ಖಾಕಿ ಹಸಿರು, ಕೇಸರಿ ಅಥವಾ ಬಿಳಿ ಬಣ್ಣಕ್ಕೆ ತಿರುಗುವುದು ಅತ್ಯಂತ ಅಪಾಯಕಾರಿ’ ಎಂದು ಹೇಳಿದ್ದರು. ನಾವು ಅವರಿಗೆ ಹೇಳಲು ಬಯಸುವುದೇನೆಂದರೆ, ಖಾಕಿ ಎಡಪಂಥೀಯ ಅಥವಾ ಬಲಪಂಥೀಯವೂ ಆಗಬಾರದು. ಯಾವ ಸಂಘಟನೆಯ ಕಾರ್ಯಕರ್ತರು ನಕ್ಸಲ್ವಾದಿಗಳೆಂದು ಬಂಧನಕ್ಕೊಳಗಾಗುತ್ತಾರೋ, ಯಾವ ಸಂಘಟನೆಯ ಹೆಸರು ಕಾಂಗ್ರೆಸ್ ಸರಕಾರದ ಸಮಯದಲ್ಲಿ ಗೃಹ ಸಚಿವ ಆರ್.ಆರ್. ಪಾಟೀಲ್ ಇದ್ದಾಗ ಮಹಾರಾಷ್ಟ್ರ ಗುಪ್ತಚರ ಇಲಾಖೆಯ ನಕ್ಸಲ್ವಾದಿಗಳಿಗೆ ಸಹಾಯ ಮಾಡುವ ಸಂಘಟನೆಗಳ ಪಟ್ಟಿಯಲ್ಲಿತ್ತೋ, ಆ ಸಂಘಟನೆಯ ಬಗ್ಗೆ ಹಿರಿಯ ಪೊಲೀಸ್ ಅಧಿಕಾರಿಯಾಗಿದ್ದ ಬೋರ್ವಣ್ಕರ್ ಅವರಿಗೆ ಮಾಹಿತಿ ಇರಲಿಲ್ಲವೇ?

ಬೆದರಿಕೆ ಬಂದ ನಂತರ ಮೀರಾ ಬೊರವಣಕರ ಅವರು ಪೊಲೀಸ್ ದೂರು ಏಕೆ ದಾಖಲಿಸಲಿಲ್ಲ?

ಶ್ರೀ. ರಾಜಹಂಸ ಅವರು ಮಾತು ಮುಂದುವರೆಸಿ, “ಇತ್ತೀಚೆಗೆ ಪ್ರಶಾಂತ್ ಕಾಂಬಳೆ ಅಲಿಯಾಸ್ ಸುನೀಲ್ ಜಗತಾಪ್ ಎಂಬ ಕಟುವಾದ ನಕ್ಸಲ್ವಾದಿಯನ್ನು ರಾಯಗಡದಲ್ಲಿ ಬಂಧಿಸಲಾಯಿತು. ಅವನು ‘ಅಂನಿಸ್’ ನ ಕಾರ್ಯಕರ್ತ. ಇದು ಬೋರ್ವಣ್ಕರ್ ಅವರಿಗೆ ತಿಳಿದಿಲ್ಲವೇ? ತಮ್ಮನ್ನು ವಿವೇಕದ ಧ್ವನಿ ಎಂದು ಕರೆದುಕೊಳ್ಳುವ ‘ಅಂನಿಸ್’ ಅನ್ನು ನಾವಲ್ಲ, ಸಾತಾರಾದ ಸಹಾಯಕ ಧಾರ್ಮಿಕ ಆಯುಕ್ತರು ತರಾಟೆಗೆ ತೆಗೆದುಕೊಂಡು, ಅವರ ಟ್ರಸ್ಟ್‌ಗೆ ಆಡಳಿತಾಧಿಕಾರಿ ನೇಮಿಸಲು ಮತ್ತು ವಿಶೇಷ ಲೆಕ್ಕಪರಿಶೋಧನೆ ಮಾಡಲು ಶಿಫಾರಸು ಮಾಡಿದ್ದಾರೆ ಎಂಬುದು ಅವರಿಗೆ ತಿಳಿದಿಲ್ಲವೇ? ಇಂತಹ ಸಂಘಟನೆಯ ವೇದಿಕೆಯ ಮೇಲೆ ಹೋಗುವುದು ಸರಿಯೋ ತಪ್ಪೋ ಎಂದು ಯಾರಿಗಾದರೂ ಅನಿಸಬಹುದು. ಆದರೆ ‘ಈ ಕಾರ್ಯಕ್ರಮಕ್ಕೆ ಹೋಗಬಾರದು’ ಎಂದು ಮೀರಾ ಬೋರ್ವಣ್ಕರ್ ಅವರಿಗೆ 20 ದೂರವಾಣಿ ಕರೆಗಳು ಬಂದವು ಎಂದು ಅವರು ಹೇಳಿದ್ದಾರೆ! ಅದರಲ್ಲಿ ಒಂದು ಬೆದರಿಕೆ ಕರೆ ಕೂಡ ಇತ್ತು ಎಂದರು. ಮಾಜಿ ಪೊಲೀಸ್ ಆಯುಕ್ತರಿಗೆ ಬೆದರಿಕೆ ಬಂದರೂ, ಇಷ್ಟು ಗಂಭೀರ ಘಟನೆ ನಡೆದರೂ ಒಂದು ಸಾಮಾನ್ಯ ಸುದ್ದಿ ಕೂಡ ಬರಲಿಲ್ಲ. ಬೋರ್ವಣ್ಕರ್ ಅವರು ಈ ಬಗ್ಗೆ ಪೊಲೀಸ್ ದೂರು ದಾಖಲಿಸಿದ್ದಾರೆಯೇ? ದಾಭೋಲ್ಕರ್ ಪ್ರಕರಣದಲ್ಲೂ ಹಮೀದ್ ದಾಭೋಲ್ಕರ್ ಅವರು ‘ನನ್ನ ತಂದೆಗೆ ‘ನಿನ್ನನ್ನು ಗಾಂಧಿ ಮಾಡುತ್ತೇವೆ’ ಎಂದು ಬೆದರಿಕೆ ಹಾಕಲಾಗಿದೆ’ ಎಂದು ಸ್ಫೋಟಕ ಆರೋಪ ಮಾಡಿ ವಿಪರೀತ ಪ್ರಚಾರ ಪಡೆದಿದ್ದರು. ಆದರೆ ವಾಸ್ತವವಾಗಿ ನ್ಯಾಯಾಲಯದಲ್ಲಿ ಈ ಬಗ್ಗೆ ವಿಚಾರಣೆ ಮಾಡಿದಾಗ ಅವರಿಗೆ ಏನನ್ನೂ ಹೇಳಲು ಸಾಧ್ಯವಾಗಲಿಲ್ಲ. ಅವರು ಈ ಬಗ್ಗೆ ಸಾಮಾನ್ಯ ಪೊಲೀಸ್ ದೂರು ಕೂಡ ದಾಖಲಿಸಿಲ್ಲ ಎಂಬುದು ಬೆಳಕಿಗೆ ಬಂದಿದೆ. ‘ಇದರಿಂದ ಸಾರ್ವಜನಿಕರು ಏನು ಅರ್ಥಮಾಡಿಕೊಳ್ಳಬೇಕು’ ಎಂದು ಕೂಡ ಶ್ರೀ. ರಾಜಹಂಸ ಪ್ರಶ್ನಿಸಿದರು.”