ಬಂಗಾಳದಲ್ಲಿ ನವರಾತ್ರೋತ್ಸವದ ದುರ್ಗಾ ಪೂಜಾ ಮಂಟಪಗಳಿಗೆ ಸರಕಾರದಿಂದ ತಲಾ 1 ಲಕ್ಷ 10 ಸಾವಿರ ರೂ. ಅನುದಾನ Mamata Banerjee Durga Puja Grant

ರಾಜ್ಯದಲ್ಲಿ 45 ಸಾವಿರ ಮಂಟಪಗಳಿದ್ದು, 500 ಕೋಟಿ ರೂ. ಖರ್ಚಾಗಲಿದೆ!

ಕೋಲಕಾತಾ (ಬಂಗಾಳ) – ಮಹಾರಾಷ್ಟ್ರದಲ್ಲಿ ಗಣೇಶೋತ್ಸವವನ್ನು ಆಚರಿಸುವಂತೆಯೇ, ಬಂಗಾಳದಲ್ಲಿ ನವರಾತ್ರಿಯನ್ನು ಆಚರಿಸಲಾಗುತ್ತದೆ. ನವರಾತ್ರಿ ಆಚರಣೆಗಾಗಿ ಮಂಟಪಗಳನ್ನು ಸ್ಥಾಪಿಸುವವರಿಗೆ ಪಶ್ಚಿಮ ಬಂಗಾಳ ಸರಕಾರ ಪ್ರತಿ ವರ್ಷ ಅನುದಾನ ನೀಡುತ್ತದೆ. ಈ ವರ್ಷ ತೃಣಮೂಲ ಕಾಂಗ್ರೆಸ್ ಅದನ್ನು ಹೆಚ್ಚಿಸಿದೆ. ಈ ಬಾರಿ ಸರಕಾರ ಪ್ರತಿ ಮಂಟಪಕ್ಕೆ 1 ಲಕ್ಷ 10 ಸಾವಿರ ರೂ. ಅನುದಾನ ನೀಡುತ್ತಿದೆ. ಕಳೆದ ವರ್ಷ 85 ಸಾವಿರ ರೂ.ಗಳನ್ನು ನೀಡಲಾಗಿತ್ತು. ಇದಕ್ಕಾಗಿ ಸರಕಾರ ಸುಮಾರು 500 ಕೋಟಿ ರೂ. ವೆಚ್ಚ ಮಾಡುತ್ತಿದೆ.

1. ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು 2018 ರಲ್ಲಿ ಮಂಟಪಗಳಿಗೆ ಅನುದಾನ ನೀಡುವುದನ್ನು ಪ್ರಾರಂಭಿಸಿದರು. ಆ ಸಮಯದಲ್ಲಿ 28 ಸಾವಿರ ಮಂಟಪಗಳಿಗೆ ತಲಾ 10 ಸಾವಿರ ರೂ. ನೀಡಲಾಗಿತ್ತು. ಈ ಬಾರಿ ರಾಜ್ಯದಲ್ಲಿ 45 ಸಾವಿರಕ್ಕೂ ಹೆಚ್ಚು ಮಂಟಪಗಳಿವೆ, ಅಂದರೆ 11 ಪಟ್ಟು ಹೆಚ್ಚಳವಾಗಿದೆ.

2. ಸರಕಾರಿ ಅಂಕಿಅಂಶಗಳ ಪ್ರಕಾರ, ಕಳೆದ ವರ್ಷ ಈ 10 ದಿನಗಳಲ್ಲಿ 80 ಸಾವಿರ ಕೋಟಿ ರೂ.ಗೂ ಹೆಚ್ಚು ವಹಿವಾಟು ನಡೆದಿತ್ತು. ಈ ಬಾರಿ ಎಲ್ಲಾ ವಸ್ತುಗಳ ಬೆಲೆಗಳು ಮತ್ತು ಮಂಟಪಗಳ ಸಂಖ್ಯೆ ಹೆಚ್ಚಿರುವುದರಿಂದ 1 ಲಕ್ಷ ಕೋಟಿ ರೂ. ತಲುಪಬಹುದು.

ರಾಜಕೀಯ ಲಾಭ ಪಡೆಯುವ ಸರಕಾರದ ಪ್ರಯತ್ನ! – ಭಾಜಪ ಆರೋಪ

ಭಾಜಪ ವಕ್ತಾರ ಸಜಲ್ ಘೋಷ ಮಾತನಾಡಿ, “ನಾವು ತೃಣಮೂಲ ಸರಕಾರದಿಂದ ಅನುದಾನ ಪಡೆಯುವುದಿಲ್ಲ; ಏಕೆಂದರೆ ಸರಕಾರವು ಅವುಗಳನ್ನು ತನ್ನ ಸ್ವಂತ ಪ್ರಚಾರಕ್ಕೆ ವೇದಿಕೆಯನ್ನಾಗಿ ಮಾಡಿಕೊಂಡಿದೆ. ಮುಂದಿನ ವರ್ಷ ರಾಜ್ಯದಲ್ಲಿ ವಿಧಾನಸಭಾ ಚುನಾವಣೆಗಳಿವೆ; ಅದಕ್ಕಾಗಿಯೇ ಮಮತಾ ಬ್ಯಾನರ್ಜಿ ಸರಕಾರವು 25 ಸಾವಿರ ರೂ.ಗಳ ಹೆಚ್ಚುವರಿ ಅನುದಾನ ನೀಡುತ್ತಿದೆ” ಎಂದು ಹೇಳಿದರು.

ವಿಧಾನಸಭೆಯ ಸ್ಪೀಕರ್ ಮತ್ತು ತೃಣಮೂಲ ಕಾಂಗ್ರೆಸ್ ನಾಯಕ ಬಿಮನ್ ಬ್ಯಾನರ್ಜಿಯವರು, “ಸರಕಾರ ಯಾವುದೇ ರಾಜಕೀಯ ತಾರತಮ್ಯ ಮಾಡುವುದಿಲ್ಲ. ಕೋಲಕಾತಾದಲ್ಲಿ 4-5 ದೊಡ್ಡ ಭಾಜಪ ಬೆಂಬಲಿತ ಮಂಟಪಗಳಿವೆ; ಆದರೆ ಸರಕಾರ ಅವರಿಗೂ ಅನುದಾನ ನೀಡುತ್ತದೆ” ಎಂದು ಹೇಳಿದರು.