ಚೀನಾಕ್ಕೆ ವಿನಾಯಿತಿ ನೀಡುವುದು ಮತ್ತು ಭಾರತದಂತಹ ಪ್ರಬಲ ರಾಷ್ಟ್ರದೊಂದಿಗೆ ಸಂಬಂಧವನ್ನು ಹಾಳು ಮಾಡುವುದು ಸರಿಯಲ್ಲ!

ಅಮೇರಿಕಾದ ರಾಷ್ಟ್ರ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇವರಿಗೆ ಅವರದೇ ಪಕ್ಷದ ಭಾರತೀಯ ಮೂಲದ ನಿಕ್ಕಿ ಹ್ಯಾಲೆ ಅವರಿಂದ ಎಚ್ಚರಿಕೆ

ವಾಷಿಂಗ್ಟನ್ (ಅಮೇರಿಕಾ) – ಭಾರತವು ರಷ್ಯಾದಿಂದ ಕಚ್ಚಾ ತೈಲವನ್ನು ಖರೀದಿಸಬಾರದು; ಆದರೆ ಚೀನಾವು ಅಮೆರಿಕಾದ ವಿರೋಧಿಯಾಗಿದೆ. ರಷ್ಯಾ ಮತ್ತು ಇರಾನ್‌ನಿಂದ ಕಚ್ಚಾ ತೈಲವನ್ನು ಖರೀದಿಸುವಲ್ಲಿ ಚೀನಾದ ಪಾಲು ದೊಡ್ಡದಿದೆ. ಅಂತಹ ದೇಶಕ್ಕೆ ಆಮದು ಸುಂಕದಿಂದ 90 ದಿನಗಳ ವಿನಾಯಿತಿ ನೀಡಲಾಗಿದೆ. ಒಂದು ಕಡೆ ಚೀನಾಕ್ಕೆ ವಿನಾಯಿತಿ ನೀಡುವುದು ಸರಿಯಲ್ಲ. ಇನ್ನೊಂದೆಡೆ, ಅಮೆರಿಕವು ಭಾರತದಂತಹ ಪ್ರಬಲ ರಾಷ್ಟ್ರದೊಂದಿಗೆ ತನ್ನ ಸಂಬಂಧವನ್ನು ಹಾಳು ಮಾಡಿಕೊಳ್ಳುವುದು ಸರಿಯಲ್ಲ, ಎಂದು ಅಮೆರಿಕಾದಲ್ಲಿ ಆಡಳಿತಾರೂಢ ರಿಪಬ್ಲಿಕನ್ ಪಕ್ಷದ ಭಾರತೀಯ ಮೂಲದ ನಾಯಕಿ ನಿಕ್ಕಿ ಹ್ಯಾಲೆ ಅವರು ‘X’ ನಲ್ಲಿ ಪೋಸ್ಟ್ ಮಾಡುವ ಮೂಲಕ ಟ್ರಂಪ್‌ಗೆ ಎಚ್ಚರಿಕೆ ನೀಡಿದ್ದಾರೆ. ದಕ್ಷಿಣ ಕೆರೊಲಿನಾದ ಮಾಜಿ ಗವರ್ನರ್ ಆಗಿದ್ದ ನಿಕ್ಕಿ ಹ್ಯಾಲೆ ಅವರು ಡೊನಾಲ್ಡ್ ಟ್ರಂಪ್ ಅವರ ಮೊದಲ ಅಧಿಕಾರಾವಧಿಯಲ್ಲಿ ವಿಶ್ವಸಂಸ್ಥೆಯಲ್ಲಿ ಅಮೆರಿಕಾದ ರಾಯಭಾರಿಯಾಗಿದ್ದರು. ಅಮೆರಿಕಾದ ಆಡಳಿತದಲ್ಲಿ ಕ್ಯಾಬಿನೆಟ್ ಮಟ್ಟದಲ್ಲಿ ನೇಮಕಗೊಂಡ ಭಾರತೀಯ ಮೂಲದ ಮೊದಲ ನಾಯಕಿ ಇವರಾಗಿದ್ದಾರೆ.