ಕಳೆದ 5 ವರ್ಷಗಳಲ್ಲಿ ಹುಲಿಗಳ ದಾಳಿಯಿಂದ 378 ಜನರ ಸಾವು

ನವ ದೆಹಲಿ – ಭಾರತದಲ್ಲಿ 2020 ರಿಂದ 2024 ರ ಅವಧಿಯಲ್ಲಿ ಹುಲಿಗಳ ದಾಳಿಯಿಂದ 378 ಮಾನವ ಸಾವುಗಳು ದಾಖಲಾಗಿವೆ. ಇದರಲ್ಲಿ ಮಹಾರಾಷ್ಟ್ರದಲ್ಲಿ ಎಲ್ಲಕ್ಕಿಂತ ಅಧಿಕ (ಅತಿ ಹೆಚ್ಚು) 218 ಸಾವುಗಳು ದಾಖಲಾಗಿವೆ.

1. 2022 ರ ಒಂದೇ ವರ್ಷದಲ್ಲಿ ಹುಲಿಗಳ ದಾಳಿಯಿಂದ ಭಾರತದಲ್ಲಿ 110 ಜನರು ಸಾವನ್ನಪ್ಪಿದ್ದಾರೆ, ಮಹಾರಾಷ್ಟ್ರದಲ್ಲಿ 82 ಸಾವುಗಳು ದಾಖಲಾಗಿವೆ. ಕಳೆದ 5 ವರ್ಷಗಳಲ್ಲಿ ಇದು ಅತಿ ಹೆಚ್ಚು ಸಂಖ್ಯೆಯಾಗಿದೆ.

2. 2020 ರಲ್ಲಿ 51, 2021 ರಲ್ಲಿ 59, 2023 ರಲ್ಲಿ 85 ಮತ್ತು 2024 ರಲ್ಲಿ 73 ಜನರು ಹುಲಿಗಳ ದಾಳಿಯಿಂದ ಸಾವನ್ನಪ್ಪಿದ್ದಾರೆ.

3. ಕಳೆದ 5 ವರ್ಷಗಳಲ್ಲಿ ಉತ್ತರ ಪ್ರದೇಶದಲ್ಲಿ ಹುಲಿಗಳ ದಾಳಿಯಿಂದ 61 ಮತ್ತು ಮಧ್ಯಪ್ರದೇಶದಲ್ಲಿ 32 ಮಾನವ ಸಾವುಗಳು ದಾಖಲಾಗಿವೆ. ಉತ್ತರಾಖಂಡ, ಅಸ್ಸಾಂ, ಬಂಗಾಳ, ಛತ್ತೀಸ್‌ಗಢ, ತೆಲಂಗಾಣ, ಕರ್ನಾಟಕ, ಕೇರಳ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಹುಲಿಗಳ ದಾಳಿಯಲ್ಲಿ ಮಾನವ ಸಾವಿನ ಪ್ರಮಾಣ ಬಹಳ ಕಡಿಮೆ ಇದೆ, ಆದರೆ ರಾಜಸ್ಥಾನ, ಒಡಿಶಾ, ಜಾರ್ಖಂಡ್ ಮತ್ತು ಮಿಜೋರಾಂನಂತಹ ರಾಜ್ಯಗಳಲ್ಲಿ ಒಂದೂ ಸಾವು ಸಂಭವಿಸಿಲ್ಲ.