'ಮಹಾವತಾರ ನರಸಿಂಹ' ಅನಿಮೇಟೆಡ್ ಚಲನಚಿತ್ರವು ತನ್ನ ಸಾಂಸ್ಕೃತಿಕ ನಿರೂಪಣೆಯಿಂದಾಗಿ ಯಶಸ್ವಿ !

ಹಿಂದಿ ಆವೃತ್ತಿಯು ಶೀಘ್ರದಲ್ಲೇ 80 ಕೋಟಿ ರೂ. ಗಳಿಕೆ ಮಾಡಲಿದೆ!

(ಅನಿಮೇಟೆಡ್ ಚಲನಚಿತ್ರ ಎಂದರೆ ವಿವಿಧ ಸ್ಥಿರ ಚಿತ್ರಗಳಿಗೆ ತಂತ್ರಜ್ಞಾನದ ಮೂಲಕ ಚಲನೆಯನ್ನು ನೀಡಿ ಕಥೆಯನ್ನು ಹೇಳುವುದು)

ಮುಂಬಯಿ – ‘ಮಹಾವತಾರ ನರಸಿಂಹ’ ಎಂಬ ಅನಿಮೇಟೆಡ್ ಪೌರಾಣಿಕ ಚಲನಚಿತ್ರವು ಸೀಮಿತ ಸಂಖ್ಯೆಯ ಪ್ರೇಕ್ಷಕರೊಂದಿಗೆ ಪ್ರಾರಂಭವಾದರೂ, ಕೇವಲ 10 ದಿನಗಳಲ್ಲಿ ಅದರ ಹಿಂದಿ ಆವೃತ್ತಿಯು 67 ಕೋಟಿ ರೂ.ಗಿಂತ ಹೆಚ್ಚು ಗಳಿಸಿದೆ. ಇದು ಶೀಘ್ರದಲ್ಲೇ 80 ಕೋಟಿ ರೂ.ಗಳ ಗಡಿಯನ್ನು ದಾಟಲಿದೆ. ಮೊದಲ ದಿನ ಕೇವಲ 1 ಕೋಟಿ 35 ಲಕ್ಷ ರೂ. ಗಳಿಸಿದ್ದ ಈ ಚಲನಚಿತ್ರದ ಶೋಗಳು ಎರಡನೇ ವಾರದಲ್ಲಿ ಎಲ್ಲೆಡೆ ‘ಹೌಸ್‌ಫುಲ್’ ಆಗಿದ್ದವು. ಪ್ರಸಿದ್ಧ ಚಲನಚಿತ್ರ ವಿಶ್ಲೇಷಕ ತರಣ್ ಆದರ್ಶ್ ಅವರ ಪ್ರಕಾರ, ಈ ಚಲನಚಿತ್ರದ ಯಶಸ್ಸು ಯಾರು ನಿರೀಕ್ಷಿಸಿರಲಿಲ್ಲ. ‘ಸೈಯಾರಾ’ದಂತಹ ದೊಡ್ಡ ಚಲನಚಿತ್ರಗಳನ್ನು ಹಿಂದಿಕ್ಕಿ ಇದು ಯಶಸ್ಸು ಸಾಧಿಸಿರುವುದು, ಇದರ ಭಾವನಾತ್ಮಕ ಮತ್ತು ಸಾಂಸ್ಕೃತಿಕ ನಿರೂಪಣೆಯಿಂದಾಗಿ ಸಾಧ್ಯವಾಗಿದೆ, ಎಂದು ಹೇಳಿದ್ದಾರೆ.

🔥 ‘Mahavatar Narasimha’ Roars at the Box Office to gross 100 crore in India! 🦁🎥

The animated film rooted in Hindu Dharma is winning hearts across India – with the Hindi version set to cross ₹80 Cr+ soon! 💥

📽️ Devotional storytelling + animation = cultural renaissance!

👏… pic.twitter.com/m0GpPE5B8N

— Sanatan Prabhat (@SanatanPrabhat) August 5, 2025

1. ಆದರ್ಶ್ ಅವರು, ಭಾರತದಲ್ಲಿ ಅನಿಮೇಷನ್ ವಿಶೇಷವಾಗಿ ಯಶಸ್ವಿಯಾಗುವುದಿಲ್ಲ; ಆದರೆ ‘ಮಹಾವತಾರ ನರಸಿಂಹ’ ಈ ಕಲ್ಪನೆಯನ್ನು ಬದಲಾಯಿಸಿದೆ ಎಂದಿದ್ದಾರೆ.

2. ಚಿತ್ರದ ನಿರ್ಮಾಪಕರು ‘ಹೊಂಬಾಳೆ ಫಿಲಮ್ಸ್’ ಹೇಳಿಕೆಯಲ್ಲಿ, ಇದು ಕೇವಲ ಚಲನಚಿತ್ರವಲ್ಲ, ಇದೊಂದು ಆಧ್ಯಾತ್ಮಿಕ ಅನುಭವವಾಗಿದೆ. ಭಾರತೀಯ ಬೇರುಗಳೊಂದಿಗೆ ಸಂಪರ್ಕ ಹೊಂದಿರುವ ಕಥೆಗಳನ್ನು ಜಾಗತಿಕ ಮಟ್ಟದಲ್ಲಿ ತಲುಪಿಸುವುದು ನಮ್ಮ ಗುರಿಯಾಗಿದೆ ಎಂದು ತಿಳಿಸಿದ್ದಾರೆ. (ಅತ್ಯಾಧುನಿಕ ತಂತ್ರಜ್ಞಾನವನ್ನು ಚತುರವಾಗಿ ಬಳಸಿಕೊಂಡು ಧರ್ಮ ಪ್ರಸಾರ ಮಾಡುತ್ತಿರುವ ‘ಹೊಂಬಾಳೆ ಫಿಲಮ್ಸ್’ಗೆ ಅಭಿನಂದನೆಗಳು! – ಸಂಪಾದಕರು)

ಚಲನಚಿತ್ರದ ಕಥೆ ಏನು?

‘ಮಹಾವತಾರ ನರಸಿಂಹ’ ಒಂದು ಅನಿಮೇಟೆಡ್ ಪೌರಾಣಿಕ ಚಲನಚಿತ್ರವಾಗಿದ್ದು, ಹಿರಣ್ಯಕಶಿಪುವಿನ ಪುತ್ರ ಭಕ್ತ ಪ್ರಹ್ಲಾದ ಮತ್ತು ಭಗವಾನ್ ವಿಷ್ಣುವಿನ ನರಸಿಂಹ ಅವತಾರದ ಕಥೆಯನ್ನು ಹೇಳುತ್ತದೆ. ಈ ಚಲನಚಿತ್ರದಲ್ಲಿ ಹೋಳಿಕಾ ದಹನದ ಕಥೆಯನ್ನು ಅದ್ಭುತ ದೃಶ್ಯ ವೈಭವ ಮತ್ತು ಭಾವನಾತ್ಮಕ ಸ್ಪಷ್ಟತೆಯೊಂದಿಗೆ ನಿರೂಪಿಸಲಾಗಿದೆ. ಉತ್ತಮ ಗುಣಮಟ್ಟದ ಅನಿಮೇಷನ್, ಸಾಂಪ್ರದಾಯಿಕ ಭಾರತೀಯ ಕಥಾವಸ್ತು ಮತ್ತು ಎಲ್ಲಾ ವಯಸ್ಸಿನವರಿಗೆ ಸಂಬಂಧಿಸಿದ ವಿಷಯಗಳಿಂದಾಗಿ ಈ ಚಲನಚಿತ್ರವು ಗಮನಾರ್ಹ ಯಶಸ್ಸನ್ನು ಸಾಧಿಸುತ್ತಿದೆ.

Mahavatar Narsimha Official Teaser (Hindi) | Hombale Films | Kleem Productions | April 3, 2025

ಜನರ ಕೆಲವು ಪ್ರತಿಕ್ರಿಯೆಗಳು!

1. ಒಬ್ಬ ಪೋಷಕರು ಹೇಳಿದಂತೆ, ಮಕ್ಕಳು ‘ಹಾಲಿವುಡ್’ ಅನಿಮೇಷನ್ ಚಲನಚಿತ್ರಗಳನ್ನು ನೋಡುತ್ತಾರೆ, ಆದರೆ ಇದು ನಮ್ಮ ಸಂಸ್ಕೃತಿಗೆ ಸಂಬಂಧಿಸಿದೆ.

2. 6 ವರ್ಷದ ಮಗುವಿನ ತಾಯಿ ಹೇಳಿದಂತೆ, ಹೋಲಿಕಾ ದಹನದ ಸಮಯದಲ್ಲಿ ನಾವು ಮನೆಯಲ್ಲಿ ಪ್ರಹ್ಲಾದನ ಕಥೆಯನ್ನು ಹೇಳುತ್ತೇವೆ, ಆದರೆ ಇದನ್ನು ಪರದೆಯ ಮೇಲೆ ನೋಡಿ ಮಗುವಿಗೆ ಅದು ಹೆಚ್ಚು ಅರ್ಥವಾಯಿತು.