ಚೀನಾದಲ್ಲಿ ಶಾಓಲಿನ್ ಮಂದಿರದ ಮುಖ್ಯಸ್ಥ ಪದಚ್ಯುತ! – Buddhist Monk Arrested

ಅನೇಕ ಮಹಿಳೆಯರೊಂದಿಗೆ ಅನೈತಿಕ ಸಂಬಂಧ ಹೊಂದಿದ್ದರಿಂದ ಕ್ರಮ

ಬೀಜಿಂಗ್ (ಚೀನಾ) – ಚೀನಾದ ಪ್ರಸಿದ್ಧ ಶಾಓಲಿನ್ ಮಂದಿರದ ಮುಖ್ಯ ಅರ್ಚಕ ಶಿ ಯೋಂಗ್‌ಝಿನ್ ಅವರನ್ನು ಮಂದಿರದ ಆಸ್ತಿ ಮತ್ತು ನಿಧಿಯ ದುರುಪಯೋಗ, ಅನೇಕ ಮಹಿಳೆಯರೊಂದಿಗೆ ಅನೈತಿಕ ಸಂಬಂಧ ಹೊಂದುವುದು ಮತ್ತು ಅನೇಕ ಅನೈತಿಕ ಮಕ್ಕಳನ್ನು ಹುಟ್ಟುಹಾಕುವುದು ಮುಂತಾದ ಗಂಭೀರ ಆರೋಪಗಳ ಕಾರಣದಿಂದ ಹುದ್ದೆಯಿಂದ ತೆಗೆದುಹಾಕಲಾಗಿದೆ. ಅನೇಕ ಸರಕಾರಿ ಸಂಸ್ಥೆಗಳು ಜಂಟಿಯಾಗಿ ಈ ಆರೋಪಗಳ ಬಗ್ಗೆ ತನಿಖೆ ನಡೆಸುತ್ತಿವೆ.

ಚೀನಾದ ಬೌದ್ಧ ಸಂಘವು ಅವರ ಪ್ರಮಾಣಪತ್ರವನ್ನು ರದ್ದುಪಡಿಸಿದೆ. ಶಿ ಯೋಂಗ್‌ಝಿನ್ ಅವರ ಕೃತ್ಯಗಳಿಂದ ಬೌದ್ಧ ಸಮುದಾಯ ಮತ್ತು ಭಿಕ್ಕುಗಳ ಘನತೆಗೆ ಗಂಭೀರ ಹಾನಿಯನ್ನುಂಟುಮಾಡಿವೆ ಎಂದು ಸಂಘವು ಹೇಳಿದೆ.

ಶಾಓಲಿನ್ ಮಂದಿರದ ಇತಿಹಾಸ

ಶಾಓಲಿನ್ ಮಂದಿರವು ಮಧ್ಯ ಚೀನಾದ ಹೆನಾನ್ ಪ್ರಾಂತ್ಯದ ಬೆಟ್ಟಗಳಲ್ಲಿ ನೆಲೆಗೊಂಡಿದೆ. ಇದು ೧ ಸಾವಿರದ ೫೦೦ ವರ್ಷಗಳಷ್ಟು ಹಳೆಯದಾದ ಮಂದಿರವಾಗಿದ್ದು, ಧಾರ್ಮಿಕ ಕಾರಣಗಳಿಗಾಗಿ ಮಾತ್ರವಲ್ಲದೆ, ಅದರ ಮಾರ್ಷಲ್ ಆರ್ಟ್ಸ್ ಸಂಪ್ರದಾಯಕ್ಕಾಗಿ, ವಿಶೇಷವಾಗಿ ‘ಕುಂಗ್ ಫೂ’ಗಾಗಿ ಪ್ರಸಿದ್ಧವಾಗಿದೆ. ಪ್ರತಿ ವರ್ಷ ಭಾರತ ಮತ್ತು ವಿದೇಶಗಳಿಂದ ಲಕ್ಷಾಂತರ ಜನರು ಈ ಮಂದಿರವನ್ನು ನೋಡಲು ಬರುತ್ತಾರೆ.