ಪಾಕಿಸ್ತಾನದಿಂದ ಅಮೆರಿಕದ ಸೇನಾ ಅಧಿಕಾರಿಗೆ ಅತ್ಯುನ್ನತ ಸೇನಾ ಪ್ರಶಸ್ತಿ ಪ್ರಧಾನ – Pakistan Highest Honor US Military Officer

ಇಸ್ಲಾಮಾಬಾದ್ (ಪಾಕಿಸ್ತಾನ) – ಅಮೆರಿಕದ ಸೆಂಟ್ರಲ್ ಕಮಾಂಡ್ ಮುಖ್ಯಸ್ಥ ಜನರಲ್ ಮೈಕೆಲ್ ಕುರಿಲ್ಲಾ ಅವರಿಗೆ ಪಾಕಿಸ್ತಾನ ತನ್ನ ದೇಶದ ಅತ್ಯುನ್ನತ ಸೇನಾ ಪ್ರಶಸ್ತಿಯಾದ ‘ನಿಶಾನ್-ಎ-ಇಮ್ತಿಯಾಜ್’ ಅನ್ನು ಪ್ರದಾನ ಮಾಡಿದೆ. ಇಲ್ಲಿನ ರಾಷ್ಟ್ರಪತಿ ಭವನದಲ್ಲಿ ಆಯೋಜಿಸಿದ್ದ ಸಮಾರಂಭದಲ್ಲಿ ರಾಷ್ಟ್ರಪತಿ ಆಸಿಫ್ ಅಲಿ ಜರ್ದಾರಿ ಅವರು ಈ ಪ್ರಶಸ್ತಿಯನ್ನು ಪ್ರದಾನ ಮಾಡಿದರು. ಪ್ರಾದೇಶಿಕ ಶಾಂತಿಯನ್ನು ಹೆಚ್ಚಿಸಲು ಮತ್ತು ಪಾಕಿಸ್ತಾನ-ಅಮೆರಿಕದ ಸೇನಾ ಸಂಬಂಧಗಳನ್ನು ಬಲಪಡಿಸಲು ಜನರಲ್ ಕುರಿಲ್ಲಾ ಅವರಿಗೆ ಈ ಪ್ರಶಸ್ತಿಯನ್ನು ನೀಡಲಾಗಿದೆ.

ಕಳೆದ ತಿಂಗಳು ಜನರಲ್ ಕುರಿಲ್ಲಾ ಅವರು ಭಯೋತ್ಪಾದನೆಯ ವಿರುದ್ಧದ ಹೋರಾಟದಲ್ಲಿ ಪಾಕಿಸ್ತಾನವನ್ನು ‘ಒಂದು ಬಲವಾದ ಮಿತ್ರ’ ಎಂದು ಬಣ್ಣಿಸಿದ್ದರು. ನಂತರ ಅವರು, ಅಮೆರಿಕವು ಪಾಕಿಸ್ತಾನ ಮತ್ತು ಭಾರತ ಎರಡರೊಂದಿಗೂ ಸಂಬಂಧಗಳನ್ನು ಕಾಪಾಡಿಕೊಳ್ಳಬೇಕು. ನಾವು ಒಂದು ದೇಶದೊಂದಿಗೆ ಸಂಬಂಧ ಇಟ್ಟುಕೊಂಡರೆ, ಇನ್ನೊಂದರೊಂದಿಗೆ ಸಂಬಂಧ ಇಟ್ಟುಕೊಳ್ಳಲು ಸಾಧ್ಯವಿಲ್ಲ ಎಂದು ಇದರರ್ಥವಲ್ಲ. ನಾವು ಸಂಬಂಧಗಳ ಲಾಭಗಳನ್ನು ನೋಡಬೇಕು ಎಂದು ಹೇಳಿದ್ದರು.