ನರೇಂದ್ರ ಮೋದಿ: ಸತತವಾಗಿ ಹೆಚ್ಚು ಕಾಲ ಪ್ರಧಾನಿ ಹುದ್ದೆಯಲ್ಲಿದ್ದ ಎರಡನೇ ಭಾರತೀಯ ನಾಯಕ! -Narendra Modi

ನವದೆಹಲಿ – ನರೇಂದ್ರ ಮೋದಿ ಅವರು ಭಾರತದ ಎರಡನೇ ಅತಿ ಹೆಚ್ಚು ಕಾಲ ಪ್ರಧಾನಿಯಾಗಿ ಸೇವೆ ಸಲ್ಲಿಸಿದವರಾಗಿದ್ದಾರೆ. ಅವರು ಮಾಜಿ ಪ್ರಧಾನಿ ಇಂದಿರಾ ಗಾಂಧಿಯವರ ದಾಖಲೆಯನ್ನು ಹಿಂದಿಕ್ಕಿದ್ದಾರೆ. ಲಾಲ್ ಬಹದ್ದೂರ್ ಶಾಸ್ತ್ರಿಯವರ ಸಂದೇಹಾಸ್ಪದ ಸಾವಿನ ನಂತರ ಇಂದಿರಾ ಗಾಂಧಿಯವರು ಜನವರಿ ೨೪, ೧೯೬೬ ರಿಂದ ಮಾರ್ಚ್ ೨೪, ೧೯೭೭ ರವರೆಗೆ ಒಟ್ಟು ೪,೦೭೭ ದಿನಗಳ ಕಾಲ (೧೧ ವರ್ಷ, ೨ ತಿಂಗಳು) ಪ್ರಧಾನಿಯಾಗಿದ್ದರು. ಮೇ ೨೬, ೨೦೧೪ ರಂದು ಪ್ರಧಾನಿ ಮೋದಿ ಅಧಿಕಾರ ವಹಿಸಿಕೊಂಡ ನಂತರ, ಜುಲೈ ೨೫, ೨೦೨೪ ರಂದು ಅವರ ೪,೦೭೮ನೇ ದಿನವಾಗಿತ್ತು.

ಅತಿ ಹೆಚ್ಚು ಕಾಲ ಸತತವಾಗಿ ಪ್ರಧಾನಿಯಾಗಿ ಸೇವೆ ಸಲ್ಲಿಸಿದ ದಾಖಲೆಯು ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು ಅವರ ಹೆಸರಿನಲ್ಲಿದೆ. ಅವರು ಆಗಸ್ಟ್ ೧೫, ೧೯೪೭ ರಿಂದ ಮೇ ೨೭, ೧೯೬೪ ರವರೆಗೆ ಅಂದರೆ, ಒಟ್ಟು ೧೬ ವರ್ಷ, ೧೦ ತಿಂಗಳುಗಳ ಕಾಲ (೬,೧೨೬ ದಿನಗಳು) ಪ್ರಧಾನಿಯಾಗಿದ್ದರು. ಪ್ರಧಾನಿ ಮೋದಿ ಅವರು ಈಗ ನೆಹರು ಅವರ ದಾಖಲೆಗಿಂತ ೨,೦೪೮ ದಿನಗಳು, ಅಂದರೆ, ಇನ್ನೂ ಕನಿಷ್ಠ ಐದೂವರೆ ವರ್ಷಗಳಷ್ಟು ಹಿಂದಿದ್ದಾರೆ. ಅವರು ಮಾರ್ಚ್ ೫, ೨೦೩೧ ರವರೆಗೆ ಪ್ರಧಾನಿ ಹುದ್ದೆಯಲ್ಲಿದ್ದರೆ, ದಿನಗಳ ಸಂಖ್ಯೆಯಲ್ಲಿ ನೆಹರು ಅವರನ್ನು ಹಿಂದಿಕ್ಕುತ್ತಾರೆ.

🇮🇳 Narendra Modi creates history!

🕰️ Becomes the second longest-serving Indian PM in uninterrupted tenure, surpassing Indira Gandhi!

📢 If PM Modi rises to fulfill Hindu aspirations by constitutionally declaring India a Hindu Rashtra, his legacy will be unmatched!

VC:… pic.twitter.com/gzZjo4vhVE

— Sanatan Prabhat (@SanatanPrabhat) July 25, 2025

ಸತತ ೩ ಲೋಕಸಭಾ ಚುನಾವಣೆಗಳನ್ನು ಗೆದ್ದು ಪ್ರಧಾನಿಯಾದ ನೆಹರು ನಂತರದ ದಾಖಲೆ ಬರೆದ ಮೋದಿ !

ಹೀಗಿದ್ದರೂ, ಸತತ ೩ ಲೋಕಸಭಾ ಚುನಾವಣೆಗಳನ್ನು ಗೆಲ್ಲುವ ವಿಷಯದಲ್ಲಿ ಮೋದಿ ಅವರು ಈಗಾಗಲೇ ನೆಹರು ಅವರ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಒಂದು ವೇಳೆ ಮೋದಿ ಅವರು ೨೦೨೯ ರ ಲೋಕಸಭಾ ಚುನಾವಣೆಯಲ್ಲಿ ಗೆದ್ದು ಪ್ರಧಾನಿಯಾದರೆ, ಸತತವಾಗಿ ಪ್ರಧಾನಿಯಾಗಿರುವ ದಾಖಲೆಯನ್ನು ಮುರಿಯುತ್ತಾರೆ.

ಅತಿ ಹೆಚ್ಚು ಕಾಲ ಚುನಾಯಿತ ನಾಯಕರು ಮೋದಿ!

ಮೋದಿ ಅವರು ೨೦೦೧ ರಿಂದ ೨೦೧೪ ರವರೆಗೆ ೧೩ ವರ್ಷಗಳ ಕಾಲ ಸತತವಾಗಿ ೪ ಬಾರಿ ಗುಜರಾತ್ ಮುಖ್ಯಮಂತ್ರಿಯಾಗಿದ್ದರು. ನಂತರ, ಮೇ ೨೬, ೨೦೧೪ ರಿಂದ ದೇಶದ ಪ್ರಧಾನ ಮಂತ್ರಿಯಾಗಿದ್ದಾರೆ. ಹೀಗಾಗಿ, ಅವರು ರಾಜ್ಯ ಮತ್ತು ಕೇಂದ್ರದಲ್ಲಿ ೨೪ ವರ್ಷಗಳಿಗೂ ಹೆಚ್ಚು ಕಾಲ ಚುನಾಯಿತ ಸರಕಾರದ ಮುಖ್ಯಸ್ಥರಾಗಿ ಜವಾಬ್ದಾರಿ ನಿರ್ವಹಿಸಿದ ಮೊದಲ ಭಾರತೀಯ ನಾಯಕರಾಗಿದ್ದಾರೆ. ಅಲ್ಲದೆ, ಸ್ವಾತಂತ್ರ್ಯಾನಂತರ ಜನಿಸಿದ ಮೊದಲ ಪ್ರಧಾನಿ ಮತ್ತು ೨ ಅವಧಿಯನ್ನು ಪೂರ್ಣಗೊಳಿಸಿದ ಕಾಂಗ್ರೆಸ್ಸೇತರ ಪ್ರಧಾನಿ ಇವರಾಗಿದ್ದಾರೆ.