ಅಸ್ಸಾಂನ ಭಾಜಪ ಸರಕಾರ ಬಂಗಾಳಿ ಭಾಷಿಕರಿಗೆ ಬೆದರಿಕೆ ಹಾಕುತ್ತಿದೆ! – ಮಮತಾ ಬ್ಯಾನರ್ಜಿ

ಕೋಲಕಾತಾ (ಬಂಗಾಳ) / ಗುವಾಹಟಿ (ಅಸ್ಸಾಂ) – ಬಂಗಾಳಿ ದೇಶದ ಎರಡನೇ ಅತಿ ಹೆಚ್ಚು ಆಡು ಭಾಷೆಯಾಗಿದ್ದು, ಅಸ್ಸಾಂನಲ್ಲೂ ಇದನ್ನು ವ್ಯಾಪಕವಾಗಿ ಬಳಸಲಾಗುತ್ತದೆ. ಆದರೆ ತಮ್ಮ ಭಾಷೆ ಮತ್ತು ಸಂಸ್ಕೃತಿಯನ್ನು ಗೌರವಿಸಲು ಬಯಸುವವರಿಗೆ ಬೆದರಿಕೆ ಹಾಕಲಾಗುತ್ತಿದೆ. ಇದು ಅಸಂವಿಧಾನಿಕ ಮತ್ತು ತಾರತಮ್ಯ ಎಂದು ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅಸ್ಸಾಂನ ಭಾಜಪ ಸರಕಾರದ ಮೇಲೆ ಆರೋಪಿಸಿದ್ದಾರೆ.

ನಾವು ನಾಗರಿಕರೊಂದಿಗೆ ಹೋರಾಡುತ್ತಿಲ್ಲ, ನುಸುಳುಕೋರರೊಂದಿಗೆ ಹೋರಾಡುತ್ತಿದ್ದೇವೆ! – ಅಸ್ಸಾಂ ಮುಖ್ಯಮಂತ್ರಿಗಳ ಸ್ಪಷ್ಟೀಕರಣ

ಇದಕ್ಕೆ ಉತ್ತರಿಸಿದ ಅಸ್ಸಾಂ ಮುಖ್ಯಮಂತ್ರಿ ಸರಮಾ, “ಅಸ್ಸಾಂನಲ್ಲಿ ನಾವು ನಮ್ಮದೇ ಜನರೊಂದಿಗೆ ಹೋರಾಡುತ್ತಿಲ್ಲ, ಬದಲಿಗೆ ಗಡಿಯಾಚೆಯಿಂದ ನಡೆಯುತ್ತಿರುವ ನುಸುಳುಕೋರರೊಂದಿಗೆ ಹೋರಾಡುತ್ತಿದ್ದೇವೆ. ಇದರಿಂದ ಅಸ್ಸಾಂನ ಜನಸಂಖ್ಯೆಯಲ್ಲಿ ದೊಡ್ಡ ಬದಲಾವಣೆಯಾಗುತ್ತಿದೆ. ಅನೇಕ ಜಿಲ್ಲೆಗಳಲ್ಲಿ ಹಿಂದೂಗಳು ಈಗ ಅಲ್ಪಸಂಖ್ಯಾತರಾಗುವ ಹಾದಿಯಲ್ಲಿದ್ದಾರೆ. ಸುಪ್ರೀಂ ಕೋರ್ಟ್ ಕೂಡಾ ನುಸುಳುಕೋರರನ್ನು ಬಾಹ್ಯ ಆಕ್ರಮಣವೆಂದು ಪರಿಗಣಿಸಿದೆ. ನಾವು ನಮ್ಮ ಸಂಸ್ಕೃತಿ ಮತ್ತು ಗುರುತನ್ನು ಉಳಿಸಲು ಪ್ರಯತ್ನಿಸುತ್ತಿದ್ದೇವೆ; ಆದರೆ ಮಮತಾ ಬ್ಯಾನರ್ಜಿ ಇದನ್ನು ರಾಜಕೀಯಗೊಳಿಸುತ್ತಿದ್ದಾರೆ. ಅಸ್ಸಾಂನಲ್ಲಿ ಅಸ್ಸಾಮಿ, ಬಂಗಾಳಿ, ಬೋಡೋ, ಹಿಂದಿ, ಎಲ್ಲಾ ಭಾಷೆಗಳು ಮತ್ತು ಸಮುದಾಯಗಳು ಒಟ್ಟಾಗಿ ವಾಸಿಸುತ್ತವೆ; ಆದರೆ ಯಾವುದೇ ರಾಜ್ಯ ತನ್ನ ಗಡಿಗಳು ಮತ್ತು ಸಂಸ್ಕೃತಿಯನ್ನು ರಕ್ಷಿಸದಿದ್ದರೆ, ಅದು ಉಳಿಯುವುದಿಲ್ಲ” ಎಂದು ಹೇಳಿದರು.