‘ಲವ್ ಜಿಹಾದ್’ ದೇಶದ ಏಕತೆ ಮತ್ತು ಸಮಗ್ರತೆಗೆ ಅಪಾಯ! – ಹರಿಯಾಣ ನ್ಯಾಯಾಲಯದ ಅವಲೋಕನ

ತಪ್ಪಿತಸ್ಥ ಮುಸ್ಲಿಂ ವ್ಯಕ್ತಿಗೆ 7 ವರ್ಷಗಳ ಜೈಲು ಶಿಕ್ಷೆ

ಯಮುನಾನಗರ (ಹರಿಯಾಣ) – ಕಾನೂನುಗಳಲ್ಲಿ ‘ಲವ್ ಜಿಹಾದ್’ ಅನ್ನು ನೇರವಾಗಿ ವ್ಯಾಖ್ಯಾನಿಸದಿದ್ದರೂ, ಅದು ಒಂದು ಪಿತೂರಿಯಾಗಿದೆ. “ಇಂತಹ ಕೃತ್ಯಗಳು ದೇಶದ ಏಕತೆ ಮತ್ತು ಸಮಗ್ರತೆಗೆ ಅಪಾಯವನ್ನುಂಟುಮಾಡುತ್ತವೆ,” ಎಂದು ಹರಿಯಾಣದ ನ್ಯಾಯಾಲಯವು ಅವಲೋಕಿಸಿ, ಈ ಪ್ರಕರಣದಲ್ಲಿ ಶಾಹಬಾಜ್‌ಗೆ ಒಟ್ಟು 7 ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಿತು. ಈ ಶಿಕ್ಷೆಯೊಂದಿಗೆ, ಶಾಹಬಾಜ್‌ಗೆ 1 ಲಕ್ಷ ರೂಪಾಯಿ ದಂಡವನ್ನೂ ವಿಧಿಸಲಾಗಿದೆ.

ನ್ಯಾಯಾಧೀಶ ರಂಜನಾ ಅಗರ್‌ವಾಲ್ ಅವರು ತೀರ್ಪು ನೀಡುತ್ತಾ, ಇದು ಲವ್ ಜಿಹಾದ್ ಪ್ರಕರಣ ಎಂದು ಹೇಳಿದರು. ಭಾರತೀಯ ನ್ಯಾಯ ಸಂಹಿತೆ ಅಥವಾ ಪೋಕ್ಸೋ ಕಾಯಿದೆಯಲ್ಲಿ ಲವ್ ಜಿಹಾದ್‌ನ ಉಲ್ಲೇಖವಿಲ್ಲ; ಆದರೆ ವಾಸ್ತವದಲ್ಲಿ, ಮುಸ್ಲಿಂ ಪುರುಷರು ಮುಸ್ಲಿಮೇತರ ಹೆಣ್ಣುಮಕ್ಕಳನ್ನು ಪ್ರೀತಿಯ ಬಲೆಯಲ್ಲಿ ಸಿಲುಕಿಸಿ ಅವರನ್ನು ಮತಾಂತರಗೊಳಿಸಲು ಸಂಚು ರೂಪಿಸುತ್ತಾರೆ.

ಪ್ರಕರಣ ಏನು?

ಶಾಹಬಾಜ್ 14 ವರ್ಷದ ಹಿಂದೂ ಬಾಲಕಿ ಶಾಲೆಗೆ ಹೋಗುವಾಗ ಅವಳನ್ನು ನಿರಂತರವಾಗಿ ಪೀಡಿಸುತ್ತಿದ್ದ, ಹಿಂಬಾಲಿಸುತ್ತಿದ್ದ. ಅಪ್ರಾಪ್ತ ಮುಸ್ಲಿಂ ಹುಡುಗನೊಂದಿಗೆ ದೈಹಿಕ ಸಂಬಂಧ ಹೊಂದುವಂತೆ ಅವಳ ಮೇಲೆ ಒತ್ತಡ ಹೇರುತ್ತಿದ್ದ. 2024ರ ನವೆಂಬರ್‌ನಲ್ಲಿ ಸಂತ್ರಸ್ತ ಬಾಲಕಿ ಪೊಲೀಸ್ ಠಾಣೆಗೆ ದೂರು ನೀಡಿದ ನಂತರ, ಪೊಲೀಸರು ತನಿಖೆ ನಡೆಸಿ ಪ್ರಕರಣ ದಾಖಲಿಸಿಕೊಂಡರು.