RTI Report Engine Failures : ಭಾರತದಲ್ಲಿ ಕಳೆದ 5 ವರ್ಷಗಳಲ್ಲಿ 65 ವಿಮಾನಗಳ ಇಂಜಿನ್‌ಗಳು ಟೇಕ್‌ಆಫ್ ಸಮಯದಲ್ಲಿ ಸ್ಥಗಿತಗೊಂಡಿವೆ!

ಮಾಹಿತಿ ಹಕ್ಕು ಕಾಯ್ದೆಯಿಂದ ಮಾಹಿತಿ ಬಹಿರಂಗ!

ನವದೆಹಲಿ – ಮಾಹಿತಿ ಹಕ್ಕು ಕಾಯಿದೆಯಡಿ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ ನೀಡಿದ ಮಾಹಿತಿಯ ಪ್ರಕಾರ, ಕಳೆದ 5 ವರ್ಷಗಳಲ್ಲಿ ಭಾರತದಲ್ಲಿ 65 ವಿಮಾನಗಳ ಇಂಜಿನ್‌ ಗಳು ಟೇಕ್‌ ಆಫ್ ಸಮಯದಲ್ಲಿ ಅಥವಾ ಗಾಳಿಯಲ್ಲಿರುವಾಗ ಸ್ಥಗಿತಗೊಂಡಿವೆ. ಅಂದರೆ, ಪ್ರತಿ ತಿಂಗಳು ಕನಿಷ್ಠ ಒಂದು ವಿಮಾನದ ಇಂಜಿನ್ ಸ್ಥಗಿತಗೊಳ್ಳುತ್ತದೆ. ಈ ಎಲ್ಲಾ ಪ್ರಕರಣಗಳಲ್ಲಿ, ಪೈಲಟ್‌ಗಳು ಒಂದೇ ಇಂಜಿನ್‌ ನಲ್ಲಿ ವಿಮಾನವನ್ನು ಇಳಿಸಲು ಮತ್ತು ಹತ್ತಿರದ ವಿಮಾನ ನಿಲ್ದಾಣವನ್ನು ತಲುಪಲು ಸಾಧ್ಯವಾಯಿತು.

ಈ ಮಾಹಿತಿಯಲ್ಲಿ, ಜನವರಿ 1, 2024 ರಿಂದ ಮೇ 31, 2025 ರವರೆಗಿನ 17 ತಿಂಗಳಲ್ಲಿ 11 ವಿಮಾನಗಳಿಂದ ‘ಮೇಡೇ’ ಕರೆಗಳು ಬಂದಿವೆ ಎಂದು ಹೇಳಲಾಗಿದೆ. ಇದರಲ್ಲಿ ತಾಂತ್ರಿಕ ದೋಷದ ಬಗ್ಗೆ ಮಾಹಿತಿ ನೀಡಿ ತುರ್ತು ಪರಿಸ್ಥಿತಿಯಲ್ಲಿ ವಿಮಾನವನ್ನು ಇಳಿಸಲು ಮನವಿ ಮಾಡಲಾಗಿತ್ತು. ಇವುಗಳಲ್ಲಿ 4 ವಿಮಾನಗಳು ಭಾಗ್ಯನಗರದಲ್ಲಿ ಇಳಿದಿವೆ.

‘ಮೇಡೇ ಕಾಲ್’ ಎಂದರೇನು?

‘ಮೇಡೇ’ ಎಂಬುದು ಫ್ರೆಂಚ್ ಭಾಷೆಯ ಪದವಾಗಿದೆ. ಇದರ ಅರ್ಥ ‘ನನ್ನನ್ನು ಉಳಿಸಿ’ ಎಂದರ್ಥ. ಈ ಕರೆಯನ್ನು ಸಾಮಾನ್ಯವಾಗಿ ರೇಡಿಯೊ ಮೂಲಕ ವಿಮಾನಯಾನ ನಿಯಂತ್ರಣ ಕೊಠಡಿಗೆ ಅಥವಾ ಹತ್ತಿರದ ಇತರ ವಿಮಾನ ನಿಲ್ದಾಣಗಳಿಗೆ ಕಳುಹಿಸಲಾಗುತ್ತದೆ. ಇದನ್ನು ತುರ್ತು ಪರಿಸ್ಥಿತಿಯನ್ನು ನಿಭಾಯಿಸಲು ತಕ್ಷಣದ ಸಹಾಯವನ್ನು ಕೋರಲು ಬಳಸಲಾಗುತ್ತದೆ.