ಶೀಘ್ರದಲ್ಲೇ ಭಾರತೀಯ ನೌಕಾಪಡೆಗೆ 17 ಯುದ್ಧನೌಕೆಗಳು ಮತ್ತು 9 ಜಲಾಂತರ್ಗಾಮಿ ನೌಕೆಗಳು ಸೇರ್ಪಡೆ

ನವದೆಹಲಿ – ಭಾರತೀಯ ನೌಕಾಪಡೆಯು 2035ರ ವೇಳೆಗೆ ಒಟ್ಟು 175 ಯುದ್ಧನೌಕೆಗಳ ಪಡೆಯನ್ನು ಹೊಂದುವ ಗುರಿಯನ್ನು ನಿಗದಿಪಡಿಸಿದೆ. ಇದರ ಭಾಗವಾಗಿ, ಭಾರತೀಯ ನೌಕಾಪಡೆಗೆ ಶೀಘ್ರದಲ್ಲೇ 17 ಹೊಸ ಯುದ್ಧನೌಕೆಗಳು ಮತ್ತು 9 ಅತ್ಯಾಧುನಿಕ ಜಲಾಂತರ್ಗಾಮಿ ನೌಕೆಗಳು ಸೇರ್ಪಡೆಯಾಗಲಿವೆ. ಪ್ರಸ್ತುತ, ಈ ಎಲ್ಲಾ ಯೋಜನೆಗಳು ವಿವಿಧ ಅನುಮೋದನೆ ಪ್ರಕ್ರಿಯೆಗಳಲ್ಲಿವೆ.

ಸದ್ಯ ದೇಶದಲ್ಲಿ 61 ಯುದ್ಧನೌಕೆಗಳು ಮತ್ತು ಜಲಾಂತರ್ಗಾಮಿ ನೌಕೆಗಳ ನಿರ್ಮಾಣ ಕಾರ್ಯ ವಿವಿಧ ಹಂತಗಳಲ್ಲಿದೆ. ‘ಆತ್ಮನಿರ್ಭರ ಭಾರತ’ ಉಪಕ್ರಮದ ಅಡಿಯಲ್ಲಿ ಈ ಎಲ್ಲಾ ನೌಕೆಗಳನ್ನು ಭಾರತದಲ್ಲೇ ನಿರ್ಮಿಸಲಾಗುವುದು.

70 ಸಾವಿರ ಕೋಟಿ ರೂಪಾಯಿ ವೆಚ್ಚದಲ್ಲಿ ಮುಂದಿನ ಪೀಳಿಗೆಯ 7 ಫ್ರಿಗೇಟ್‌ ಗಳು ಮತ್ತು 2 ಬಹುಪಯೋಗಿ ನೌಕೆಗಳನ್ನು ನಿರ್ಮಿಸಲಾಗುವುದು. ಜೊತೆಗೆ, 70 ಸಾವಿರ ಕೋಟಿ ರೂಪಾಯಿ ವೆಚ್ಚದಲ್ಲಿ 6 ಅತ್ಯಾಧುನಿಕ ಜಲಾಂತರ್ಗಾಮಿ ನೌಕೆಗಳನ್ನು ನಿರ್ಮಿಸುವ ಯೋಜನೆಯಿದೆ. ಅಲ್ಲದೆ, 36 ಸಾವಿರ ಕೋಟಿ ರೂಪಾಯಿ ವೆಚ್ಚದಲ್ಲಿ ಸ್ಕಾರ್ಪೀನ್ ಶ್ರೇಣಿಯ 3 ಜಲಾಂತರ್ಗಾಮಿ ನೌಕೆಗಳನ್ನು ಸಹ ನಿರ್ಮಿಸಲಾಗುವುದು.