'ಕನ್ನಡ ಭಾಷೆಯು ತಮಿಳು ಭಾಷೆಯಿಂದ ಬಂದಿದೆಯಂತೆ'- Kamal Haasan

ನಟ ಕಮಲ್ ಹಾಸನ್ ಅವರ ವಿವಾದಾತ್ಮಕ ಹೇಳಿಕೆಗೆ ಕರ್ನಾಟಕದಲ್ಲಿ ಭಾರಿ ವಿರೋಧ

ಚೆನ್ನೈ (ತಮಿಳುನಾಡು) – ಹಿರಿಯ ಚಲನಚಿತ್ರ ನಟ ಮತ್ತು ‘ಮಕ್ಕಳ ನಿಧಿ ಮಾಯೆಮ್’ (ಜನರಿಗೆ ನ್ಯಾಯ ನೀಡುವ ಕೇಂದ್ರ) ರಾಜಕೀಯ ಪಕ್ಷದ ಸಂಸ್ಥಾಪಕ ಕಮಲ್ ಹಾಸನ್ ಅವರ ‘ಥಗ್ ಲೈಫ್’ ಚಲನಚಿತ್ರ ಬಿಡುಗಡೆಯಾಗಲಿದೆ. ಆ ಹಿನ್ನೆಲೆಯಲ್ಲಿ ಆಯೋಜಿಸಲಾದ ಕಾರ್ಯಕ್ರಮದಲ್ಲಿ ಕನ್ನಡ ನಟ ಶಿವರಾಜಕುಮಾರ ಅವರನ್ನು ಉದ್ದೇಶಿಸಿ ಕಮಲ್ ಹಾಸನ್ ಅವರು ‘ಕನ್ನಡ ಭಾಷೆಯ ಮೂಲ ತಮಿಳು ಭಾಷೆಯಿಂದ ಬಂದಿದೆ’ ಎಂದು ಹೇಳಿಕೆ ನೀಡಿದರು. ಈ ಹೇಳಿಕೆಯಿಂದ ಕರ್ನಾಟಕದಲ್ಲಿ ದೊಡ್ಡ ಪ್ರಮಾಣದಲ್ಲಿ ಪ್ರತಿಭಟನೆಗಳು ನಡೆದಿವೆ. ಅವರ ಈ ಹೇಳಿಕೆಗೆ ಕನ್ನಡಪರ ಸಂಘಟನೆಗಳು ಮತ್ತು ಕನ್ನಡ ನಾಯಕರು ತೀವ್ರ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.

1. ‘ಕನ್ನಡ ರಕ್ಷಣಾ ವೇದಿಕೆ’ಯಂತಹ ಕನ್ನಡಪರ ಸಂಘಟನೆಗಳು ಕಮಲ್ ಹಾಸನ್ ಅವರ ಹೇಳಿಕೆಯನ್ನು ಖಂಡಿಸಿವೆ. ಕನ್ನಡಪರರು ಬೆಂಗಳೂರಿನಲ್ಲಿ ‘ಥಗ್ ಲೈಫ್’ ಚಲನಚಿತ್ರದ ಫಲಕಗಳನ್ನು ಹರಿದು ಹಾಕಿದ್ದಾರೆ.

2. ಕನ್ನಡ ರಕ್ಷಣಾ ವೇದಿಕೆ ನಾಯಕ ಪ್ರವೀಣ ಶೆಟ್ಟಿ ಮಾತನಾಡಿ, “ನೀವು ಕರ್ನಾಟಕದಲ್ಲಿ ವ್ಯಾಪಾರ ಮಾಡಬೇಕಿದ್ದರೆ, ಇಂತಹ ಅಪಮಾನಕರ ಹೇಳಿಕೆಗಳನ್ನು ನೀಡಬಾರದು ಎಂದು ನಾವು ನಿಮಗೆ ಎಚ್ಚರಿಕೆ ನೀಡುತ್ತೇವೆ. ಕರ್ನಾಟಕದಲ್ಲಿ ನಿಮ್ಮ ಚಲನಚಿತ್ರವನ್ನು ನಿಷೇಧಿಸಲಾಗುವುದು ಎಂದು ನಾವು ನೇರ ಎಚ್ಚರಿಕೆ ನೀಡುತ್ತೇವೆ” ಎಂದವರು ಕಮಲ್ ಹಾಸನ್ ಅವರಿಗೆ ಖಡಕ್ ಆಗಿ ಪ್ರತ್ಯುತ್ತರ ನೀಡಿದರು.

ಸಂಪಾದಕೀಯ ನಿಲುವು

ತಮಿಳುನಾಡಿನ ಬಹುತೇಕ ರಾಜಕಾರಣಿಗಳು, ಹಾಗೆಯೇ ಇತರ ಕಲಾವಿದರು, ತಮಿಳುನಾಡು, ತಮಿಳು ಭಾಷೆ ಮತ್ತು ಸಂಸ್ಕೃತಿಯು ಇತರರಿಂದ ಭಿನ್ನವಾಗಿದೆ ಎಂದು ಭಾವಿಸುತ್ತಾರೆ. ಅದಕ್ಕಾಗಿಯೇ ಅಲ್ಲಿನ ರಾಜಕಾರಣಿಗಳು ಮತ್ತು ಜನರು ಇಂತಹ ಹೇಳಿಕೆಗಳನ್ನು ನೀಡುತ್ತಾರೆ!